JOHANA 7:7 - BUKUIT NE TILIL

⁷ Maimuchi ng’ony kowechok; ago wecha ane, amu abaoriani agobo ng’ony, ale, yaach boisionikyik.

Bukuit Ne Tilil

⁷ Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik.

BUKUIT NE TILIIL Sireet ne Dutero Kanon

⁷ Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik.

JOHANA 7:7 ပူးပေါင်းရင်းမြစ်များ

1 LAITORINIK 21:20

Ak kilenji Ahab Elija, Kainyorua-o, bunyodennyu? Ak kiwol kole, Ee, kaanyorun: amu kaialdege iyai yaitiet eng’ taitab Jehovah.

1 LAITORINIK 22:8

Ak kilenji laitoriatab Israel Jeosapat, Ta komi chito agenge ne kimuchi keteepse eng’ Jehovah, Mikaia weritab Imla: ago aweche inendet; amu mamaoteni tuguk che miachen agobo ane, kobate yaitiet. Ak kile Jeosapat, Amat komwa laitoriat ko u no.

TIENWOGIKAL 109:5

Ak kiigeerua ne ya eng’ ne mie, Ak kiigeerua wechet eng’ chamnyennyu.

KALEWANAIK 15:12

Machamei chotindet keger kong’: Mawendi ole mi che ng’omen.

KALEWANAIK 8:36

Ago inendet ne chalwogenjina ko kang’em sobondanyi: Chamei meet tugul che wecha.

ISAIAH 29:21

che igochin bik kochalwogense ng’alekwak, ak koriich mestet agobo inendet ne itigonisiei eng’ ormarichet, ak komaas chito ne bo iman eng’ kit ne bo buch.

ISAIAH 49:7

Mwaei ko u ni Jehovah, katiagindetab Israel, ak ko Nenyi ne Tilil, inendet ne sasei bik, inendet ne wechei bororiet, ne otwogindetab bounik: Tun keerei laitorinik ak kong’eetyo; ak kogutung’so bounik; amu Jehovah ne kiyani, Inendet ne Tilil ne bo Israel, ne kilewenin.

JEREMIA 20:8

Amu kotugul ye ang’alali, awaache; awaache ale, Koromnatet ak luulet: amu kagiyai ng’olyotab Jehovah koek chotisiet eng’ ane, ak aegu ne kirorechin eng’ betut komugul.

ATEPTAP LAWIK 13:10

ak kogeer anyun tisiindet, ak ogeero, ngo leel ole ibwanat eng’ iririot, ak ngo kagowal kororik koleelagitu, ak kotook banyek ko u yegonye,

SEKARIA 11:8

Ak kiang’em mestowek somok eng’ arawet agenge; amu kigong’et sobondanyu agobo ichek, ak kowecha kogeny sobonwekwak.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

LUKA 6:26

Bwa okwek, ye mwaei bik tugul che miach agobo okwek! Amu kigoyachi ko u noto kwanisiekwak maotik che bo lembech.

JOHANA 17:14

Kiagochi ng’olyondeng’ung’; ak kawech ng’ony ichek, amu ma bo ng’ony, ko u ye ma bo ng’ony ane.

JOHANA 3:19

Ak ni kiruoget, amu kinyonji ng’ony lapkeiyet, ak kicham bik mesundeito kosiir lapkeiyet; amu ki yaach boisionikwak.

ROMANIK 8:7

amu kererwekab met che bo borto ko bunyondit eng’ Jehovah; amu magase it Ng’atutietab Jehovah, amaimuchi:

GALATYEK 4:16

Ara anyun tos kaaegu bunyondeng’wong’, amu kamwawok ne bo iman?

JAKOBO 4:4

Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

1 JOHANA 4:5

Bo ng’ony icheget: ko amu noto kong’alali che bo ng’ony, ak kogasei ng’ony ichek.