JOHANA 3:2 - BUKUIT NE TILIL

² kinyo chichoto ole mi inendet kemoi, ak kolenji, Rabbi, kingen kele i konetindet ne bunu Jehovah: amu mami chi ne imuchi koyai kaborunoichu iyae inye, ngo mami Jehovah koboto inendet.

Bukuit Ne Tilil

² ki nyo chiichooto ole mi ineendet kemoi, ak koleenji, “Rabbi, kingen keele ii kaneetindet ne punu Kamuktaindet: amu ma mi chii ne imuuchi koyai kaboorunoichu iyae inyee, ngo ma mi Kamuktaindet kobooto ineendet.”

BUKUIT NE TILIIL Sireet ne Dutero Kanon

² ki nyo chiichooto ole mi ineendet kemoi, ak koleenji, “Rabbi, kingen keele ii kaneetindet ne punu Kamuktaindet: amu ma mi chii ne imuuchi koyai kaboorunoichu iyae inyee, ngo ma mi Kamuktaindet kobooto ineendet.”

JOHANA 3:2 ပူးပေါင်းရင်းမြစ်များ

1 LAITORINIK 17:24

Ak kilenji kwonyoto Elija, Kaanai nguno ale i chitab Kamuktaindet, ak ko bo iman ng’olyotab Jehovah ne mi kuting’ung’.

ISAIAH 51:7

Oepcha it, okwek che ongen imanda, bik che mi ng’atutiennyu mugulelwekwak: amoiywei chotisietab bik, amoarogense amu churisiosiekwak.

JEREMIA 38:16

Kiiyosiechi anyun Sedekia laitoriat Jeremia eng’ ung’ot, kolenji, Ko u ye sobei Jehovah, ne kiyaiywech sobonito, ko mabarin, amandein eutab bichu cheng’ei sobondang’ung’.

MATAYO 22:16

Ak kiiyokto alamalyenywa koba ole mi inendet, koboto Herodik, kolenji, Konetindoni, kingen kele i bo iman, ak ineti oretab Jehovah eng’ iman, ameiti chi tugul: amu megeere togochikab bik.

MATAYO 23:7

ak kagatosiek eng’ oldinwekab aldaisiet, ak koguure bik icheget, Rabbi.

MATAYO 23:8

Ago amongeguurenok Rabbi: amu agenge konetindeng’wong’, ak otupche okwek tugul.

MARIKO 12:14

Ak kingobwa, kolenji inendet, Konetindoni, kingen kele i bo iman, ameiti chi age tugul: amu megeere itondab chi, ago ineti iman oretab Jehovah: Tos chamdoi ng’atutik kigochi kodi Kaisari, anan machamdoi?

JOHANA 1:38

Ak kiwelelgei Jesu, ak kogeer ichek kosubu, ak kolenji, Ocheng’e nee? Ak kilenji inendet, Rabbi (ye kiweech kele, Konetindet), imenye ano?

JOHANA 10:38

Ago ngayai, ko agot ngo moyana, oyan boisiosiek: si kobiit onai ak oyan ole mi Kwanda eng’ ane, ak ane eng’ Kwanda.

JOHANA 12:37

Ago nga kiga koyai kaborunoik che chang’ che te cho eng’ tainywa, ko ma iyan inendet:

JOHANA 14:10

Tos meyani ile ami eng’ Kwanda, ak Kwanda eng’ ane? Ng’alek che amwawok ko mamwae anege: ago Kwanda ne menya ne yaei boisionikyik.

JOHANA 15:24

Nda kima ayai eng’ kwenunywa boisionik che kima yai chito age, ta kima kotinyei tengek: ago nguno ko kagogeerech ak kagowechech ane ak Baba.

JOHANA 2:11

Taunet nito ne bo kaborunoikyik ne kiyai Jesu eng’ Kana ne bo Galili, ak kiibortoi torornatennyi; ak kiiyan inendet alamalyennyi.

JOHANA 20:16

Kolenji Jesu, Maria. Kowelelgei, ak kolenji eng’ kutitab Hebranik, Rabboni; ye kiweech kele, Konetindoni.

JOHANA 3:26

Ak kibwanji Johana, ak kolenji, Rabbi, ibatisanisiei inendet ne kimi koboten eng’ Jordan komosin, ne kiibaorian agobo inendet, ak bwanjin inendet bik tugul.

JOHANA 4:31

Kingota kobwanei, kosom alamalyennyi, kole, Rabbi, amisie.

JOHANA 5:36

Ago baornatet ne atinye ko o kosiir ne bo Johana: amu boisionik che kigona Kwanda ages, choto che ayae, ko che baorianjina, kole kiiyokwa Kwanda.

JOHANA 6:2

Ak kiisub inendet tuiyet ne o, amu kigeer kaborunoik che kiyachi che miandos.

JOHANA 7:31

Ak kiiyan inendet che chang’ che bo tuiyet; ak kile, Ye nyo Kristo, ko tos yai kaborunoik che siirei cho koyaei chichi?

JOHANA 9:16

Kole alak che bo Parisaik anyun, Mabunu Jehovah chichi, amu maribei sabato. Ago kile alage, Imuktoi ano chi ne kiptengekyo koyai kaborunoik che u chu? Ak kibiit toiyet eng’ kwenunywa.

POISYONIGAP CHE KIYOKTOI 10:38

ko u ye kiil Jehovah Jesu ne bo Nasaret, eng’ Tamirmiriet ne Tilil ak eng’ kamuktaet: ne kiwendot ak koyaei ne mie, ak kosoobi tugul che kiinyalili oindet; amu kimi Jehovah koboto inendet.

POISYONIGAP CHE KIYOKTOI 2:22

Okwek bikab Israel, ogas ng’alechu: Jesu ne bo Nasaret, chito ne kiibarta Jehovah eng’ okwek eng’ boisionikab kimnatet ak kwong’utik ak kaborunoik, che kiyai Jehovah eng’ inendet eng’ kwenung’wong’, ko u ye ongen okwek;

PILIPIK 1:14

ak tinyei che chang’ eng’ che kitupche eng’ Kiptaiyat nyiganatet ne o kosiir, komwaita ng’olyotab Jehovah ama eng’ kaiyweisiet, amu tinyei kamang’unet agobo monjorornatennyu.

KIRUOGIK 6:27

Kiimut anyun Gideon bik taman eng’ otwogikyik, ak koyai ko u ye kamwachi Jehovah: amu kiiywei bikab gotab kwandanyi ak bikab nganaset, ko ma imuch anyun koyai bet, koyai kemoi.