JOHANA 2:11 - BUKUIT NE TILIL

¹¹ Taunet nito ne bo kaborunoikyik ne kiyai Jesu eng’ Kana ne bo Galili, ak kiibortoi torornatennyi; ak kiiyan inendet alamalyennyi.

Bukuit Ne Tilil

¹¹ Taunet niito ne po kaboorunoikyik ne ki yai Jeso eng' Kana ne po Galilaya, ak ki iboortoi toroornatennyi; ak ki iyan ineendet kasubikyik.

BUKUIT NE TILIIL Sireet ne Dutero Kanon

¹¹ Taunet niito ne po kaboorunoikyik ne ki yai Jeso eng' Kana ne po Galilaya, ak ki iboortoi toroornatennyi; ak ki iyan ineendet kasubikyik.

JOHANA 2:11 ပူးပေါင်းရင်းမြစ်များ

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 3:2

kinyo chichoto ole mi inendet kemoi, ak kolenji, Rabbi, kingen kele i konetindet ne bunu Jehovah: amu mami chi ne imuchi koyai kaborunoichu iyae inye, ngo mami Jehovah koboto inendet.

JOHANA 6:2

Ak kiisub inendet tuiyet ne o, amu kigeer kaborunoik che kiyachi che miandos.

JOHANA 6:30

Kilenji ichek inendet anyun, Nee kaborunet ne iyae, si kegeer, ak kiyanin? Iyae nee?

JOHANA 6:26

Kowolji Jesu ichek kolenji, Amwawok, iman, iman, ale, Ocheng’a, ma amu koogeer kaborunoik, ago amu kooam makatinik ak obiyong’se.

JOHANA 6:14

Ye kingogeer anyun bichoto kaborunet ne kayai, kole, Ni maotiot iman ne nyonjin ng’ony.

ISAIAH 40:5

Ak keng’any torornatetab Jehovah, ak tun keerei bik tugul: amu kamwa Jehovah nito.

2 KORINTOEK 4:17

Amu bichiindanyo ne nyamnyum, ne matebyei, koyaiywech torornatet ne o ne bo koigeny, ne tesoksei mising’ kosiir;

JOHANA 14:13

Ak kit age tugul ne osome eng’ kainennyu, ayae, si kegonyit Kwanda eng’ Werit.

JOHANA 12:41

Kimwa tuguchu Isaia, amu kigeer torornatennyi; ak king’alal agobo inendet.

JOHANA 12:37

Ago nga kiga koyai kaborunoik che chang’ che te cho eng’ tainywa, ko ma iyan inendet:

JOHANA 2:23

Ye kimi Jerusalem eng’ paska, komi igorta, koyan bik che chang’, kainennyi, kogeerei kaborunoikyik che kiyai.

JOHANA 1:50

Kowolji Jesu kolenji, Iyani amu kamwaun ale, kaagerin ye kemi mogoiywet kel? Tatun igeere tuguk che eechen che siirei chu.

TIENWOGIKAL 96:3

Omwaite torornatennyi eng’ bororiosiek, Ak boisionikyik che kikwong’e eng’ bik tugul.

1 JOHANA 5:13

Kaasirwak tuguchu, si kobiit onai ole otinye sobondab koigeny, okwek che oyani kainetab Weritab Jehovah.

JOHANA 4:46

Kinyo anyun inendet kogeny Kana ne bo Galili, ole kiyae beek koek divaik. Ak kimi kiboitiot age ne bo kaplaitoriat, ne kimiani werinnyi eng’ Kapernaum.

JOHANA 5:23

si kobiit koteech tugul Werit, ko u ye teechei Kwanda. Inendet ne mateechei Werit ko mateechei Kwanda ne kiiyok inendet.

AMDOINDET 9:7

Ui oldang’ung’, am amitwogiguk eng’ boiboiyet, ak iee divaiguk eng’ muguleldo ne baibai; amu kigocham Kamuktaindet boisioniguk.

TIENWOGIKAL 72:19

Ak iberurot kainennyi ne tinyei torornatet agoi koigeny; Ak ingonyi ng’ony komugul torornatennyi. Amen, ak Amen.

NG'ATUTIK 5:24

ak kole, Ogeero, kaiboruech Jehovah Kamuktaindennyo lilindanyi ak etunatennyi, ak kagegas kutinnyi komong’une mat: kagenai rani kele ng’alaljindos Jehovah ak chi, ak kosob.

KOMONG'U 4:9

Ak ngo maiyan kaborunoichuto aeng’, anan kogas kuting’ung’, iram anyun beek eng’ ainet, si irong’ji ng’ony ole yaamat: si kowalak beechoto kerame ainet koek korotik eng’ emet ne yaamat.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

2 KORINTOEK 3:18

Ago achek tugul kobortoi torornatetab Kiptaiyat ko u kioit eng’ togochikyok che ma tugotin, kewalech eng’ itonoto kobunu torornatet agoi torornatet, ko u ye bunu Kiptaiyat ne Tamirmiriet.

JOHANA 11:15

Ago abaibai agobo okwek amu kima ami olindo, si kobiit oyan; ago ongebe ole mi inendet.

JOHANA 1:17

Amu kigigon Ng’atutiet eng’ Musa; kibwa mieindo ak imanit eng’ Jesu Kristo.

MALAKI 2:2

Ngot ko momache ogas, ak ngot ko momache ogonore mugulelwekwok, si kobiit otoror kainennyu, mwaei Jehovah ne bo lugosiek, ayokwok anyun chubisiet, ak achub berurwogikwok: ee, kaachub amu mogonore ng’atutionoto mugulelwek.

KOMONG'U 14:31

Ak kigeer Israel boisiet ne kim ne kiyachi Jehovah eng’ Misrik, ak kiiywei bik Jehovah: ak kiiyan Jehovah, ak Musa otwogindennyi.

1 LAITORINIK 17:24

Ak kilenji kwonyoto Elija, Kaanai nguno ale i chitab Kamuktaindet, ak ko bo iman ng’olyotab Jehovah ne mi kuting’ung’.

JOHANA 1:43

Kimach anyun kwo Galili eng’ betut ne kiisubi betunoto, ak kinyor Pilipu: ak kilenji Jesu inendet, Isubwa.

JOHANA 2:1

Ak kimi katunisiet eng’ betut ne bo somok eng’ Kana ne bo Galili; ak kimi oloto kametab Jesu:

JOHANA 4:3

kong’eet eng’ Judea, kwo kogeny Galili.

JOHANA 4:54

Noto kaborunet ne bo aeng’ ne kiyai Jesu koboch ng’omong’ eng’ Judea konyo Galili.

JOHANA 7:31

Ak kiiyan inendet che chang’ che bo tuiyet; ak kile, Ye nyo Kristo, ko tos yai kaborunoik che siirei cho koyaei chichi?

JOHANA 9:16

Kole alak che bo Parisaik anyun, Mabunu Jehovah chichi, amu maribei sabato. Ago kile alage, Imuktoi ano chi ne kiptengekyo koyai kaborunoik che u chu? Ak kibiit toiyet eng’ kwenunywa.

JOHANA 10:41

Ak kibwanji che chang’ inendet; ak kole, Kima yai Johana kaborunet; ago tuguk alak tugul che kimwa Johana agobo chichi ko bo iman.

JOHANA 11:47

Kiguur anyun kiruoget tisiik che eechen ak Parisaik, ak kole, Kiyai nee? Amu yaei chichi kaborunoik che chang’.

JOHANA 12:18

Kiba anyun tuiyet amu noto kotorokta inendet, amu kigas kole kiga koyai kaborunoni.

JOHANA 16:27

amu chamok inendet Kwanda, amu kiochama, ak kioyan ole kiabunu Kwanda.

JOHANA 16:30

Kingen nguno kele ingen tuguk tugul, ama nyoljin chi koteebenen kiy: kiyani eng’ nito kele kiibunu Jehovah.