JOHANA 17:3 - BUKUIT NE TILIL

³ Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

Bukuit Ne Tilil

³ Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

BUKUIT NE TILIIL Sireet ne Dutero Kanon

³ Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 17:3 ပူးပေါင်းရင်းမြစ်များ

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 15:3

Kiga kotebe Israel egosiek che chang’ ama tinyei Kamuktaindet ne bo iman, ama tinyei tisiindet ne inetisiei, ama tinyei ng’atutik:

TIENWOGIKAL 9:10

Ak imang’un che ingen kaineng’ung’; Amu ma imete inye, Jehovah che cheng’in.

KALEWANAIK 8:35

Amu inendet ne nyorua, ko kanyor sobondo, Ak konyor chamet eng’ Jehovah.

ISAIAH 48:16

Orikya, ogas ni; tom amwa kiy eng’ ung’ot koboch keny; kiami koboch agoi; kagoyokta anyun Kiptaiyat Jehovah, ak Tamirmiriennyi.

ISAIAH 53:11

Tun keerei che biitune ng’wanindab sobondanyi, ak koyam; tun iityin otwogindennyu ne bo iman, imanda, bik che chang’, eng’ naennyi: ak tun ibei tengekwogikwak.

ISAIAH 61:1

Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

HOSEA 6:3

Ongenai anyun, ongetes tai kenai Jehovah; mong’u iman ko u ye eechei: ak nyonjinech ko u ropta, ko u ropta ne bo let ne ibisi ng’ony.

MARIKO 9:37

Age tugul ne taachei age eng’ lagochu mengech eng’ kainennyu, ko kataacha: ak age tugul ne taacha, ko mataacha ane, ago inendet ne kiiyokwa.

LUKA 9:48

ak kilenji ichek, Chi age tugul ne taachei lakwani ming’in eng’ kainennyu ko kataacha: ak chi age tugul ne taacha ko kataach inendet ne kiiyokwa: amu inendet ne ming’in eng’ okwek tugul, ko noto ne o.

JOHANA 10:36

tos omwae agobo inendet, ne kiitaban Kwanda ak koyokto kwo ng’ony, olenjini, Ichotisiei; amu kiale, A Weritab Jehovah?

JOHANA 11:42

Ak kaanai ale igasa eng’ ui tugul: ago kaamwa ni amu tuiyoni tononi eng’ yuto, si kobiit koyan kole kiiyokwa.

JOHANA 14:26

Ago inetok tuguk tugul Kagaigaindet, Tamirmiriet ne Tilil, ne iyogu Kwanda eng’ kainennyu, ak kobwatwok tugul che kaamwawok.

JOHANA 17:18

Ko u ye kiiyokwa anyo ng’ony, ko u noto kaayokte ichek koba ng’ony.

JOHANA 17:21

si kobiit koek ichek tugul agenge; ko u ye imi inye Baba, eng’ ane, ak ane eng’ inye, si kobiit koteb ichek eng’ achek: si kobiit koyan ng’ony kole kiiyokwa.

JOHANA 17:23

ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.

JOHANA 17:25

Ee Baba ne bo imanda, kima kongenin ng’ony, ago kiangenin; ak kigonai chu kole, kiiyokwa;

JOHANA 17:8

amu kiagochi ichek ng’alek che kiigona ak kigotaach, ak kigonai iman kole kiabunu ole imi, ak kigoyan kole kiiyokwa.

JOHANA 3:17

Amu kima iyokyi Jehovah Werit ng’ony koruokyi ng’ony; ago si kesor ng’ony eng’ inendet.

JOHANA 3:34

Amu ng’alali ng’alekab Jehovah inendet ne kiiyogu Jehovah; amu magonu inendet Tamirmiriet eng’ karogendoet.

JOHANA 5:44

Omuchi eng’ nee oyan, che otaagege kalosunet, amocheng’e kalosunet ne bunu Jehovah ne mi inegei?

JOHANA 6:57

Ko u ye kiiyokwa Kwanda ne sobei, ak asobe amu Kwanda; u noto inendet ne ama, sobei agine amu ane.

JOHANA 7:29

Angen inendet; amu abunu inendet, ak kiiyokwa inendet.

JOHANA 8:19

Kolenji anyun ichek inendet, Mi ano Kwandang’ung’? Kowol Jesu kole, Mongena, anan Baba: nda kigonaa, ta kiongen Baba agine.

1 KORINTOEK 15:34

Ogosu eng’ imanda, amat oyai tengek; amu maingen alak Jehovah: amwae ni si agonok olilan.

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

PILIPIK 3:10

si kobiit anai inendet, ak kamuktaet ne bo ng’eetyennyi, ak yamdaet ne bo nyalilwogikyik, kirogendoena meennyi;

PILIPIK 3:8

Ee iman, ak aiiti tuguk tugul koek tugun che kigobetyo amu telunatet ne bo naetab Kristo Jesu, Kiptaiyandennyu: kigobetwa tuguk tugul amu inendet, ak aiiti ale busagariek, si kobiit anyor Kristo,

1 THESSALONIKEK 1:9

Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,

2 THESSALONIKEK 1:8

eng’ mat ne lalei, koyaakyi mugetut icheget che ma nai Jehovah, ak ichek che magase it logoiywek che miach che bo Kiptaiyandennyo Jesu:

HEBRANIK 3:1

Noto anyun, che kitupche che tililen, yamdoik che bo kuursetab kipsengwet, obwat mising’ Ne Kiyoktoi ak Tisiindet ne O ne bo ng’ang’ennyo, inendet Jesu;

2 PETERO 1:2

Ingotesak mieindo ak kalyet eng’ okwek eng’ naet ne ongen Jehovah ak Jesu Kiptaiyandennyo.

2 PETERO 1:3

Amu kigonech kamuktaetab Jehovah tuguk tugul che nyoljin sobondo ak kaiyweet ne kiywei Jehovah, eng’ naet ne kinae inendet ne kiguurech eng’ torornatennyi ak mieindanyi;

2 PETERO 1:8

Amu ngot komitei eng’ okwek tuguchuto ak kotesak, koyaok si mochorirense anan ko che maiyiei logoek eng’ naetab Kiptaiyandennyo Jesu Kristo.

1 JOHANA 1:2

(ak king’ang’ak sobonoto, ak kigegeer, ak kebaoriani, ak kiboruok sobonoto bo koigeny, ne kimi koboto Kwanda, ak kiging’ang’wech;)

1 JOHANA 1:3

noto kigegeer ak kegas ko noto ne keamwok ak okwek, si kobiit osich ak okwek yamdaet kobotech: ee, mitei yamdaennyo koboto Kwanda, ak koboto Werinnyi Jesu Kristo:

1 JOHANA 2:23

Age tugul ne esioi Werit, ko matinyei noto Kwanda: inendet ne ng’anyei Werit kotinyei Kwanda agine.

1 JOHANA 4:6

Ki bo Jehovah achek: inendet ne ingen Jehovah kogasech; inendet ne ma bo Jehovah ko magasech. Kingen eng’ nito tamirmirietab imanit, ak tamirmirietab kenisiet.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.