JOHANA 15:2 - BUKUIT NE TILIL

² Tilei temet age tugul ne mi eng’ ane ne maiyiei logoek, ak kotilili temet age tugul ne yiei logoek si koi logoek alak.

Bukuit Ne Tilil

² Tilei temeet age tugul ne mi eng' anee ne ma iyei logoek, ak kotiliili temeet age tugul ne yiei logoek si koi logoek alak.

BUKUIT NE TILIIL Sireet ne Dutero Kanon

² Tilei temeet age tugul ne mi eng' anee ne ma iyei logoek, ak kotiliili temeet age tugul ne yiei logoek si koi logoek alak.

JOHANA 15:2 ပူးပေါင်းရင်းမြစ်များ

Kitabuutap JOB 17:9

Agot ngo u noto kowendi ne bo iman eng’ orennyi, Ak inendet ne tinyei eunek che tililen kotesoksei kogimitu kosiir.

TIENWOGIKAL 92:14

Ta koiitos agot ko kagoosegitu; Tuonitu amu beek che eei, ak kotunendos:

KALEWANAIK 4:18

Ago oretab che bo iman ko u lapkeiyet ne iluu, Ne iluu ko tesoksei agoi betut ne igesunotgei.

ISAIAH 27:9

Tun kiundoi anyun eng’ nito yaitietab Jakobo, ak chuto ko logoek tugul che kiistoe tengektanyi; ye kagoyai koik tugul che bo kaptisisiet kogergeit ak tartarik che kigitui, kot ko ma kong’eetos kogeny Aserik ak itonwekab asista.

ISAIAH 29:19

Tesei kogeny boiboiyenywa eng’ Jehovah, bik che iming’inegei, ak koboiboitune bik che bonon, Inendet ne Tilil ne bo Israel.

DANIEL 11:35

Ak kobutyo alak che ng’omen eng’ ichek, si kitilil, ak kianyiny, ak keyai koleelagitu, kot koit betut ne bo let: amu ta koitu betut ne kiging’at.

HOSEA 6:3

Ongenai anyun, ongetes tai kenai Jehovah; mong’u iman ko u ye eechei: ak nyonjinech ko u ropta, ko u ropta ne bo let ne ibisi ng’ony.

MALAKI 3:3

ak koteb ng’ony ko u kaunindetab feda ak ko katililindet, ak kitilil werikab Lawik, ak kotilil ichek ko u ye kitilili tahabu ak feda; ak kogochi Jehovah kagochinoik eng’ imanda.

MATAYO 13:12

Amu age tugul ne tinyei, ko tun kigochin, si konyor che chang’ kosiir: ago age tugul ne matinyei, kerebe agot che katinyei.

MATAYO 13:33

Kimwachi kalewenet age kolenji, Kergei bounatetab kipsengwet ak mermerek, che kinam kobogoriot, ak koburukto busiek che bo kitongok somok, agoi kogut tugul.

MATAYO 15:13

Ago kiwol kole, Keswot age tugul ne kima kol Baba ne mi kipsengwet, kitutu.

MATAYO 21:19

Ak kingogeer eng’ tabandab oret mogoiywet, kwo ole mi, amanyorji kiy, kobate sogek kityo; ak kilenji ketoto, Koboch ra, ko ma iyie logoek agoi koigeny. Ak kires ngunoto mogoiywondonoto.

MATAYO 25:29

Amu kigochin age tugul ne tinyei, si kosich che chang’: ago kirebe inendet ne matinyei, agot ne tinyei.

MATAYO 3:10

Agot nguno ko kaginde aiywet tigitikab ketik: kiebei anyun ketit age tugul ne maiyiei logoek che miach, ak kewirji ma.

MATAYO 3:12

tinyei eng’ eunnyi keibennyi, ak kotilili komie ruanyut; ak koyumji nganok chogennyi, ak kobeele metetek mat ne ma misoksei.

MATAYO 7:19

Ketit age tugul ne mayiei logoek che miach keebei, ak kewirji ma.

MARIKO 4:20

Ak choto che kagilechi ng’ung’unyek che miach; ko icheget che kasei ng’olyot, ak kotaach, ak koiiyo logoek, sosom, ak tamanwogik lo, ak bogol.

LUKA 8:13

Ak icheget che mi ruandet barak, ko ye kagas ng’alek, koyan eng’ boiboiyet, ak matinyei tigitik, iyani ne matia, ak kochuchuigei eng’ betutab yomset.

JOHANA 15:1

A ketit ne bo iman ne bo sabibuk, ak semberindet Baba.

JOHANA 15:16

Kima olewena, ago kialewenok, ak kiandeak, ale obe ak oii logoek, si kobiit kotebi logoekwok: si kobiit kogonok Kwanda kit age tugul ne osome eng’ kainennyu.

JOHANA 15:3

O tililen nguno amu ng’alek che kaamwawok.

JOHANA 15:6

Ngo mamenya chi, kewirtoi inendet ko u temetab ketit, si koyaam; ak koyum bik, ak kowirji ma, ak kolalyo.

JOHANA 15:8

Kigonyiti Baba eng’ nito, ye oiyie logoek che chang’; si oegu alamalyennyu.

JOHANA 17:12

Kiarib eng’ kaineng’ung’ ichek che kiigona, ye kota kemi ak ichek: kiarib ichek, ama bet agot agenge eng’ ichek, kobate weritab luset; si kobiit kosulda sirutiet.

ROMANIK 11:17

Ago ngot ko kigiiri temenik alak, ak inye ne i emditab timin, ko kiginamnyenen ichek eng’ kwenunywa, ak kioyamde koboto icheget ne bo tigitiot ak akwaiyetab emdit;

ROMANIK 11:22

Keer anyun-o mieindo ak koromnatetab Jehovah: eng’ ichek che kibutyo, ko koromnatet; ago eng’ inye, ko mieindab Jehovah, ngitebi eng’ mieindanyi: ngo ma u noto ketilin aginye.

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

1 KORINTOEK 13:1

Agot ndang’alale kutuswekab bik ak che bo malaikaisiek, amatinye chamnyet, ko kaegu sugunwet ne cheei, anan sanitab sugunwet ne bolei.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 12:15

ogeer si marartae chi mieindab Jehovah; si mabiit tigitiotab ng’wanindo ak konyalilis, ak komuruon che chang’;

1 JOHANA 2:19

Kimandoi eng’ olinnyo, kima ko chechok; amu nda ki chechok, ta kitebyei kobotech: ago kiba, si kobiit kotook kele kima ko chechok tugul.

NG'ANG'UTYET 3:19

Agere kong’ tugul che achame ak atigoni: igiilge anyun, ak isigu.