JOHANA 11:52 - BUKUIT NE TILIL

⁵² ma agobo bororiet inegei, ago si kobiit koyum lagokab Jehovah che yestootin si kobiit koek agenge.

Bukuit Ne Tilil

⁵² ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.

BUKUIT NE TILIIL Sireet ne Dutero Kanon

⁵² ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.

JOHANA 11:52 ပူးပေါင်းရင်းမြစ်များ

TAUNET 49:10

Maistoegei Juda siarit ne bo bounatet, Ak mabeti ne igoitoi ng’atutik eng’ iyotennyi, Agoi koit Silo; Ak kase it bik tugul inendet.

TIENWOGIKAL 22:15

Kagoyaam kimnatennyu ko u rokyet; Ak kanamgei ng’elyeptanyu ak tagilgiliet; Ak kaimutya temburiekab meet.

TIENWOGIKAL 22:27

Ibwati Jehovah tabanwek tugul che bo ng’ony ak koweekyigei inendet: Tun kutung’jinin inye ortinwek tugul che bo bororiosiek.

TIENWOGIKAL 72:19

Ak iberurot kainennyi ne tinyei torornatet agoi koigeny; Ak ingonyi ng’ony komugul torornatennyi. Amen, ak Amen.

ISAIAH 49:18

Yot met ak igeer komoswek tugul: iyumigei chuto tugul, ak kobwanjin. Mwaei Jehovah kole, Ko u ye asobe, iman, ilaachi tuguchoto tugul ko u kit ne bo lelesta, ak igermenege ichek, ko u ye kermenigei mureret.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 55:5

Keero, iguure bororiet ne mengen, ak kolabatyin bororiet ne kima kongenin, amu Jehovah Kamuktaindeng’ung’, ak amu Inendet ne Tilil ne bo Israel; amu kigotororin.

ISAIAH 56:8

Mwaei Kiptaiyat Jehovah ne iyumi che kigetimda che bo Israel, kole, Ta ayumjini alak inendet, che siirei chechik che kigiyum.

ISAIAH 60:4

Yot met ak igeer komoswek tugul: iyumigei ichek tugul, ak kobwanjin: bunu weriguk ole loo, ak keganabu tibiguk.

EZEKIEL 34:12

Ko u ye cheng’ei mestowot akwennyi eng’ betut ne mi kwenutab kechirekyik che kigiiyesta, acheng’e ko u noto kechirekyuk; ak asoru ichek komong’ eng’ komoswek tugul ole kiga kiyestochi eng’ betutab bolik ak tulungenet ne imen.

HOSEA 1:10

Ago tenitu lagokab Israel ng’aniek che bo nyanjet, che magimuchi kirogendoe kiy anan kiit; ak eng’ ole kigimwachine icheget kele, Ma o bikyuk, ko tun kilenjin, O werikab Kamuktaindet ne sobei.

LUKA 15:8

Ng’o kobogoriot ne tinyei fedaisiek taman, ak ngobeet fedaiyat agenge, kotos mainaami tait ak kobuch got, ak kocheng’ mising’ agoi konyor?

LUKA 2:32

Lapkeiyet ne bo ng’ang’utiet ne king’ang’jin Bororiosiek, Ak torornatetab biguk Israel.

JOHANA 1:12

Ago tugul che kitaach inendet, ko kiigochi kamuget koek lagokab Jehovah, ichek che iyani kainennyi:

JOHANA 1:29

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

JOHANA 10:16

Ak atinye kechirek alak, che ma bo biuni: kanyol aget choto agichek, si kogas kutinnyu: ak koek akwet agenge, ak mestowot agenge.

JOHANA 12:32

Ak ye kiuita eng’ ng’ony, amutyige bik tugul.

POISYONIGAP CHE KIYOKTOI 18:10

amu ami koboten, ama mi chi ne twain koyaun ne ya: amu atinye bik che chang’ eng’ nganasani.

ROMANIK 3:29

Anan Jehovah ko Jehovah ne bo Yahudik kityo? Ama Jehovah ne bo Bororiosiek agichek? Ee, bo Bororiosiek agichek:

ROMANIK 4:17

(ko u ye sirat kole, Kaayain iegu kwandab bororiosiek che chang’) eng’ taitab ne kigoyan inendet, noto ko Jehovah, ne isoobi che kigobek, ak koguurei tuguk che mami, ko u che mi.

EPESOEK 1:5

ko u ye kiga sib kolewenech kenamech keegu werik eng’ Jesu Kristo eng’ inendet, ko u chamet ne mie ne bo magennyi,

EPESOEK 3:11

ko u magetab koigeny ne kisib kolewen eng’ Kristo Jesu Kiptaiyandennyo:

JAKOBO 1:1

Jakobo, otwogindetab Jehovah ak ko bo Kiptaiyat Jesu Kristo, asirjini ortinwek taman ak aeng’ che bo bik che kigoiyestat, agatok.

1 PETERO 1:1

Petero, ne kiyoktoi ne bo Jesu Kristo, asirjini che kigilewen, bunotik che bo bik che kigoiyesta, eng’ Ponto, Galatia, Kapadokia, Asia, ak Bitunia,

1 JOHANA 2:2

ak inendet tiseiywot ne bo tengekwogikyok; ago ma bo tengekwogikyok kityo, ago bo ng’ony komugul agine.

1 JOHANA 3:1

Ogeero, chamnyet ne u nee ne kichamenech Kwanda, kot keguurenech lagokab Jehovah! Ago ki choto achek. Amu nito anyun, ko maingenech ng’ony, amu kima nai inendet.

1 JOHANA 3:10

Ng’ang’aksei lagokab Jehovah eng’ nito, ak lagokab oindet: chi age tugul ne mayaei imanda ko ma bo Jehovah, anan inendet ne machamei ne tupcho.

1 JOHANA 3:2

Chamanichu, ki lagokab Jehovah nguno, ak tomo keng’any kit ne tun ki u. Kingen kele, ye tun kaging’any inendet, kegergeitu ak inendet; amu tun kigeere ko u ole u inendet.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,