JOHANA 10:3 - BUKUIT NE TILIL

³ Yatyin inendet ribindetab kurget; ak kasei kechirek kutinnyi: ak kuurei kechirekyik eng’ kainaikwak, ak kondoe ichek.

Bukuit Ne Tilil

³ Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek.

BUKUIT NE TILIIL Sireet ne Dutero Kanon

³ Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek.

JOHANA 10:3 ပူးပေါင်းရင်းမြစ်များ

TIENWOGIKAL 80:1

Eb it, ee Mestowotab Israel, Inye ne indochini Josep ko u akwetab kechirek; Iluu, inye ne itebe kerubisiek.

KOMONG'U 33:17

Ak kilenji Jehovah Musa, Ayae ng’olyondoni kemwa agine: amu kenyoru chamet eng’ tainnyu, ak angen kaineng’ung’.

KALEWANAIK 27:23

Igiilge si inai ole teptoi akwotisiekab kechireguk, Rib komie akwotisiekab tuguk:

TYENDO NE SIIREI TUGUL 8:13

Inye ne imenye mbarenik, Epchin it choronok kuting’ung’: Kona agas kutinato.

ISAIAH 40:11

Baei kechirekyik ko u mestowot, iyumi eunnyi arekab kechir, ak komute tegennyi, ak kondochi mutyo che aboen.

ISAIAH 42:16

Ak amutune kipkoratinik oret ne manaei; andochini eng’ ortinwek che manaei: awale mesundeito koek lapkeiyet eng’ tainywa, ak alitit komoswek che kunuren. Ayae tuguchuto, amabagaktoi.

JOHANA 10:14

A mestowot ne mie; ak angen chechuk, ak kongena chechuk,

JOHANA 10:16

Ak atinye kechirek alak, che ma bo biuni: kanyol aget choto agichek, si kogas kutinnyu: ak koek akwet agenge, ak mestowot agenge.

JOHANA 10:4

Ak ye kagomaanda inendet chechiget tugul koba sang’, kondoe, ak kosub kechirek inendet: amu ingen kutinnyi.

JOHANA 10:9

A kurget: ngwo chi age tugul go ne buna ane, kesoru, ak kwo go, ak komanda sang’, ak konyor ole kiyage.

JOHANA 6:37

Bwanjina tugul che kona Kwanda; ak inendet ne nyonjina ko maone matiny.

JOHANA 6:45

Kigisir eng’ maotik, Ak kineti tugul eng’ Jehovah. Age tugul ne kagogas eng’ Kwanda, ak kagonetgei, konyonjina.

ROMANIK 8:30

ak icheget che kisib kolewen, koguur choto; ak choto che kiguur, ko kiityi imanda: ak choto che kiityi imanda, ko kiitoror.

1 KORINTOEK 16:9

amu kogiyatwa kurget ne o ne nyoljin boisionik, ak mi bunik che chang’.

PILIPIK 4:3

Ee, asomin aginye, kiboitiot ne bo iman kobota, ale toret kobogoriosiechu, amu kigiboisiei tugul eng’ logoiywek che miach, koboto Klement agine, ak chun alak che ki kiboitinik tugul, che mi kainaikwak bukuitab sobondo.

KOLOSAIK 4:3

osaiywech ak achek, si koyatwech Jehovah kurget ne bo ng’olyot, kemwa ung’otietab Kristo; kigirata agobo noto;

2 TIMOTEO 2:19

Ago tononi lumeiywot ne kim ne bo Jehovah, kotinyei ng’oksoni kele, Ingen Kiptaiyat ichek che chechik; ak, Ingoistoegei yaitiet age tugul ne mwaei kainetab Kiptaiyat.

1 PETERO 1:12

Che kiging’ang’ji, ma agobo icheget, ago kiyaiywok okwek tuguchuto, che kagemwawok nguno eng’ ichek che kiamwok logoiywek che miach eng’ Tamirmiriet ne Tilil ne kigiyok eng’ kipsengwet; tuguk che machei malaikaisiek mising’ kogeer.

1 JOHANA 4:6

Ki bo Jehovah achek: inendet ne ingen Jehovah kogasech; inendet ne ma bo Jehovah ko magasech. Kingen eng’ nito tamirmirietab imanit, ak tamirmirietab kenisiet.

3 JOHANA 1:14

ago amang’u ageerin ko negit, ak keng’alal togoch eng’ togoch. Ingoteb kalyet koboten. Igatin choronok. Igat choronok eng’ kainaikwak.

NG'ANG'UTYET 20:15

Ak ngot kenyor chi age tugul ne kima kisirji bukuitab sobondo, kewirjin araraitab mat.

NG'ANG'UTYET 3:20

Keero, atononi eng’ kurget ak agongonyi: ngo kas chi kutinnyu ak koyat kurget, awendi ole mi inendet, ak aamisie koboto inendet, ak koamis inendet kobota.

NG'ANG'UTYET 7:17

amu egu Mestowondenywa Aruet ne mi kwenutab ng’echeretab laitornatet, ak kondochin ichek koba kong’ikab beek che soptos: ak kouus Jehovah beekab kong’ alak tugul eng’ konyekwak.