JOEL 3:19 - BUKUIT NE TILIL

¹⁹ Kuberi Misri, ak koek Edom ong’atet ne kigoguber, amu koromnatet ne kigiyachi lagokab Juda, amu kigotumda korotik che matinyei tengek eng’ emenywa.

Bukuit Ne Tilil

¹⁹ Kuberi Misiri, ak koek Edom surkwen ne kigoguber, amu koroomnateet ne ki kiyachi lagogap Judah, amu ki kotumda korotiik che ma tinyei tengek eng' emennywa.

BUKUIT NE TILIIL Sireet ne Dutero Kanon

¹⁹ Kuberi Misiri, ak koek Edom surkwen ne kigoguber, amu koroomnateet ne ki kiyachi lagogap Judah, amu ki kotumda korotiik che ma tinyei tengek eng' emennywa.

JOEL 3:19 ပူးပေါင်းရင်းမြစ်များ

TIENWOGIKAL 137:7

Ibwat, ee Jehovah, ak iityi bikab Edom Betutab Jerusalem: Che kilen, Obut, obut, Agot oldanyi ole tonone gorik.

ISAIAH 11:14

Ak kobokyi tigigoikab Pilistik eng’ cherongo; ak koluul ichek tuwai bikab kong’asis: chuulei eunekwak kogirinda Edom ak Moab; ak kogas it ichek lagokab Amon.

ISAIAH 11:15

Ak kong’em Jehovah kowong’ ng’elyeptab nyanjetab Misri; ak kotwaitwai eunnyi kotokyi Ainet eng’ usonennyi ne beelsei, ak kobir kobiitune ainosiek tisabu, ak kogochi bik kolanda kolaagoti kweonik.

JEREMIA 49:17

Ak egu Edom ne kikwong’e: kwong’ei age tugul ne siirtoi eng’ yoto, ak koreny korotwekyik tugul.

JEREMIA 51:35

Mwaei chi ne menyei Sion kole, Ingotebe baragutab Babulon koromnatet ne kigiyaiywa ak ne kigiyachi bikyuk; ak komwaei Jerusalem kole, Ingotebe baragutab bik che menyei Kaldea, korotikyuk.

RIREKAB JEREMIA 4:21

Baibaitu ak igasge, ee cheptab Edom, ne imenye emetab Us: Ityinin aginye kikombet; ibogiti, ak itebi ach ngor.

OBADIA 1:1

Ng’ang’utietab Obadia. Mwaei Kiptaiyat Jehovah ko u ni agobo Edom: Kigegas ng’alek che bunu Jehovah, ak kigiyokto tononjinindet kwo oldab bororiosiek, kolenji, Ong’eetye, ong’eetye, kegirinde inendet eng’ luget.

HABAKUK 2:17

Amu tuchin koromnatet ne kigiyachi Lebanon, koboto barisietab tiong’ik, ne kiigochi ichek koiyweis; amu korotikab bik, ak koromnatet ne kigiyachi emet, koboto nganaset ak bik tugul che menyei oloto.

SEKARIA 10:10

Amutu ichek kogeny komong’une emetab Misri, ak ayum ichek komong’ eng’ Asuria; ak amutu ichek kobwa emetab Gilead ak Lebanon; ama biitu ole yamei ichek.

2 THESSALONIKEK 1:6

si ngo kiy ne bo imanda eng’ Jehovah koyaakyi mugetut ne bo nyalilda icheget che inyalilok,