JOEL 3:17 - BUKUIT NE TILIL

¹⁷ Onai anyun ole a Jehovah Kamuktaindeng’wong’, amenye Sion tulwennyu ne tilil: tililitu anyun Jerusalem, ama kobunei toek kogeny.

Bukuit Ne Tilil

¹⁷ Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

BUKUIT NE TILIIL Sireet ne Dutero Kanon

¹⁷ Onai anyun ole aa Kamuktaindet ne Toroor Kamuktaindeng'wong', amenye Zion tulweennyu ne tiliil: tiliiliitu anyun Jerusalem, ama kobunei toek kogeny.

JOEL 3:17 ပူးပေါင်းရင်းမြစ်များ

Kitabuutap JOB 15:19

Che kigigochi emet ichegei, Ama mi too ne kibunei kwenunywa:)

TIENWOGIKAL 76:2

Mitei gonnyi Salem, Ak mitei Sion ole menyei.

TIENWOGIKAL 9:11

Otienji kalosunet Jehovah ne menyei Sion: Omwaite boisionikyik eng’ kwenutab bik.

KOMONG'U 16:12

Kaagas kang’unyng’unyetab lagokab Israel: mwachi ilenji, Oame banyek koskoleny, ak obiye kimnyet karon; si onai ole a Jehovah Kamuktaindeng’wong’.

ISAIAH 11:9

Ma ito kiy chi anan kong’emis eng’ tulwennyu tugul ne tilil: amu nyiiei ng’ony naetab Jehovah ko u ye nyiiei beek nyanjet.

ISAIAH 12:6

Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

ISAIAH 4:3

Ak tun kiguure ne itabanat inendet ne ng’etu eng’ Sion, ak inendet ne ng’etu eng’ Jerusalem, chito age tugul ne kigisir eng’ che soptos eng’ Jerusalem:

ISAIAH 46:13

Aibu imandanyu korik, malooitu, amaigaegei yetunennyu: ak ande Sion yetunet agobo Israel ne torornatennyu.

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

ISAIAH 56:7

amutu ichek kobwa tulwennyu ne tilil, ak agochi koboiboitu eng’ gonnyu ne bo saet; kitaachei kagochinoikwak che kibeelei ak tiseiywekwak, eng’ kaptisisiennyu: amu kiguure gonnyu gotab saet ne bo bororiosiek tugul.

JEREMIA 31:23

Mwaei Jehovah ne bo lugosiek, Kamuktaindetab Israel, ko u ni kole: Ta komwaei kogeny ichek ng’alechu eng’ emetab Juda ak eng’ nganasokyik, ye tun aweech kogeny eng’ ole kigimut kole: Ingoberurin Jehovah, ee meng’otetab imanda, ee tulwetab tililindo.

JEREMIA 31:40

Ak koek ne tilil eng’ Jehovah atebwet komugul ne bo muswek, ak ne bo orek, ak mbarenik tugul che itei kererutab Kidron, agoi luita ne bo ormarichetab mbartanyit ne tokyingei kong’asis; magitutu, anan kebut kogeny agoi.

EZEKIEL 20:40

Amu tun ota got komugul ne bo Israel eng’ tulwennyu ne tilil, eng’ tulwet ne koi ne bo Israel, ota ichek tugul eng’ emet, mwaei Kiptaiyat Jehovah: ataache ichek eng’ oloto, ak amagenak eng’ oloto kagochinoikwok, ak tongoanikab kagochinoikwok, koboto tugukwok tugul che tililen.

EZEKIEL 37:6

Andeok simoloik ak alaakwok banyek ak atugenok iririot, yeityo andeok kabuset, si osopche; si onai ole a Jehovah.

EZEKIEL 43:12

Nito ko ng’atutietab got: egu ne tilil mising’ eng’ tulwet barak komoswek tugul ole boch. Ogeero, nito ko ng’atutietab got.

EZEKIEL 44:9

Mwaei Kiptaiyat Jehovah ko u ni kole, Mawendi oldanyu ne tilil kipsagarindet age tugul ne ma kimuratan muguleldo, ama kimuratan borto, kipsagarindet age tugul ne mi kwenutab lagokab Israel.

EZEKIEL 48:35

Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.

DANIEL 11:45

Ak koteech emaisiekab gonnyi ne bo laitornatet eng’ kwenutab nyanjet ak tulwet ne tilil ne kararan; ago tun meei, ama toreti chi inendet.

DANIEL 9:16

Ee Kiptaiyat, asain ale, ingoistoegei neregeguk, neregeguk che ng’wonen, nganaseng’ung’ Jerusalem, tulweng’ung’ ne tilil, ko u eng’ imandang’ung’ tugul: kigoek Jerusalem koboto biguk, che kichotei eng’ tugul che mitei komoswek tugul, amu tengekwogikyok, ak amu yaitwogikab kwanisiekyok.

JOEL 2:27

Ak onai ole ami kwenutab Israel, ak onai ole a Jehovah Kamuktaindeng’wong’, ama mi age: ak ma kolilandos bikyuk kogeny.

JOEL 3:21

Ak aanyiny korotikwak che tom aanyiny: amu menyei Jehovah Sion.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

NAHUM 1:15

Ogeero, mi tulonok kelyekab inendet ne ibu logoiywek che miach, ne mwaitoi kalyet! Rib igorweguk, ee Juda, yai kaarortaosieguk kosulda: amu ma kosiirei kogeny kiptengekyot ole imi: kibarei inendet.

SEKARIA 8:3

Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

NG'ANG'UTYET 21:27

ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.