JOEL 2:31 - BUKUIT NE TILIL

³¹ Ak koimenit asista, ak koigei korotik arawet, kotom koit betut ne o ne imuisei ne bo Jehovah.

Bukuit Ne Tilil

³¹ Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

BUKUIT NE TILIIL Sireet ne Dutero Kanon

³¹ Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

JOEL 2:31 ပူးပေါင်းရင်းမြစ်များ

JEREMIA 4:28

Rirei emet amu nito, ak kotuuegitu kipsengwetisiek: amu kaamwa, ak kaachob, ak tom awal kit ne abwati, amaweechigei let eng’ ng’olyondonito.

EZEKIEL 32:7

Ak ye tun agesun atuch kipsengwet, ak ayae kecheikyik koimenitu; atuge boldet asista, ama koluu arawet.

JOEL 2:1

Oguut iriaget eng’ Sion, ak owaach eng’ tulwennyu ne tilil; ingobotanso bik tugul che menyei emet: amu nyonei betutab Jehovah, amu kagorik,

JOEL 2:10

Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

JOEL 2:11

Ak kotwek Jehovah eng’ taitab lugennyi; amu o kabuureitanyi; amu kim inendet ne yaei ng’olyondennyi kosulda; amu o betutab Jehovah ak komuisei mising’; ng’o ne imuchi komuita?

JOEL 2:2

betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

JOEL 3:1

Amu, ogeero, tun ayumi bororiosiek tugul eng’ betusiechoto, ak eng’ betunoto, ye tun aweech kogeny che kiga keluul che bo Juda ak Jerusalem,

JOEL 3:15

Imenitu asista ak arawet, ama koluu kecheik,

SEKARIA 14:6

Ak mailuu lapkeiyet eng’ betunoto amaimenitu:

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MALAKI 4:5

Ogeero, ayokwok maotiot Elija kotom konyo betut ne o ne imuisei ne bo Jehovah.

MATAYO 24:29

Ak ne ma tianit, ko kagogesgei nyalilda ne bo betusiechoto, koimenit asista, ama koluu arawet, ak kororok kecheik eng’ kipsengwet, ak kitumdum kimnatosiek che bo kipsengwet;

MATAYO 27:45

Kiimenit anyun emonoto komugul kong’eete sait lo agoi sait sogol.

LUKA 21:25

Ak kobiit kaborunoik eng’ asista ak eng’ arawet ak eng’ kecheik; ak kobiit eng’ ng’ony bichiindab bororiosiek, ak beng’jinet amu kamuutetab nyanjet ak beek che mildogei;

POISYONIGAP CHE KIYOKTOI 2:20

Kiwalei asista koek mesundeito, Ak kewal arawet koek korotik, Kotom koit betutab Kiptaiyat, Betut ne o agobo ne toogunot:

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.