JOEL 2:28 - BUKUIT NE TILIL

²⁸ Ak ye ibata choto, ko tun arong’jini Tamirmiriennyu bik tugul; ak komaoten werikwok ak tibikwok, iruotyin boisiekwok karuotitaosiek, keerei murenikwok ng’ang’utik:

Bukuit Ne Tilil

²⁸ Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

BUKUIT NE TILIIL Sireet ne Dutero Kanon

²⁸ Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

JOEL 2:28 ပူးပေါင်းရင်းမြစ်များ

KALEWANAIK 1:23

Oweege eng’ kateunennyu, Ogeero, arong’wok tamirmiriennyu, Ang’ang’wok ng’alekyuk.

ISAIAH 32:15

agoi kerong’wech tamirmiriet eng’ barak, ak koek ong’atet mbaret ne rurei, ak kiroge mbaret ne rurei, osnet.

ISAIAH 40:5

Ak keng’any torornatetab Jehovah, ak tun keerei bik tugul: amu kamwa Jehovah nito.

ISAIAH 44:3

Amu arong’jini beek ne amei melel, arong’jini ainosiek emet ne yaamat: arong’jini Tamirmiriennyu iyoteng’ung’, ak arong’jini berurtanyu lagoguk:

ISAIAH 49:26

Ak abae ichek che usin borwekwak; ak kobogityo eng’ korotikwak, ko u ye bogiti chi eng’ divaik che leelachen: si konai bik tugul kole, a Jehovah yetindeng’ung’, ak ko katiagindeng’ung’, Inendet ne bo Kamuktaet ne bo Jakobo.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 54:13

Ak ineti Jehovah lagoguk tugul; ak koeet kalyetab lagoguk.

JEREMIA 23:25

Kiagas kit ne kimwa maotik, che maoteni lembechek eng’ kainennyu kole, Koaruotyi, koaruotyi.

JEREMIA 23:28

Ingomwa maotiot karuotitoet ne koiruotyi; ak inendet ne tinyei ng’olyondennyu komwa eng’ imanda. Ting’egei nee metetek ak nganok? Mwaei Jehovah.

EZEKIEL 36:27

Ak andeok Tamirmiriennyu, ak agonok obendate ng’atutikyuk, ak orib kiruogutikyuk ak oyai.

EZEKIEL 37:14

Ak andeok Tamirmiriennyu, si osopche, ak andeok emeng’wong’ si kobiit onai ole ane Jehovah ne kamwae ng’olyondonito, ak ayai, mwaei Jehovah.

EZEKIEL 39:29

ama aung’e ichek togennyu kogeny; amu kaarong’ji tamirmiriennyu gotab Israel, mwaei Kiptaiyat Jehovah.

DANIEL 7:1

Kiiruotyi Daniel karuotitoet, ak kobwanji metinnyi ng’ang’utik eng’ itogunnyi eng’ kenyit ne bo tai ne bo Belsasar laitoriatab Babulon: kisir anyun ng’alekab karuotitaonoto, ak komwaita ng’alek che eechen che bo karuotitaonoto.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

KAITOSYEK 11:17

Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

KAITOSYEK 12:6

Kilenji anyun, Ogas anyun ng’alekyuk: ngo mi maotiot kweng’wong’, aborjinige ane Jehovah eng’ ng’ang’utiet, ang’alaljini eng’ karuotitoet.

LUKA 1:67

Kinyi anyun Tamirmiriet ne Tilil kwandanyi Sakaria, ak kimaoten, kole,

LUKA 3:6

Ak tun keerei bik tugul yetunetab Jehovah.

JOHANA 7:39

Ago kimwaei nito agobo Tamirmiriet, ne tun taachei ichek che iyani inendet: amu kitom kegon Tamirmiriet; amu kitom kitoror Jesu.

POISYONIGAP CHE KIYOKTOI 2:33

Amu itororot inendet eng’ eutab tai ne bo Jehovah, ak ko kagetaach eng’ Kwanda kayomiset ne bo Tamirmiriet ne Tilil, ko kagorong’ anyun nito ogeere ak ogase.

POISYONIGAP CHE KIYOKTOI 2:39

Amu neng’wong’ kayomisoni, ak lagokwok, ak tugul che mi ole loo, ak tugul che ta koguurei Kiptaiyat Jehovah nenyo kobwanji inendet.

POISYONIGAP CHE KIYOKTOI 21:9

Kitinyei chichito tibik ang’wan, bergeinik, che kimaoteni.

GALATYEK 3:28

Ma imugaksei kele mi Yahudiot anan Yunanindet, ama mi otwogindet anan ne itiagat, ama mi ne muren anan ne tie: amu okwek tugul ko o agenge eng’ Kristo Jesu.

HEBRANIK 1:1

Jehovah, ne king’alalji kwanisiekyok keny eng’ maotik, eng’ kebeberwek che chang’ ak eng’ ortinwek che chang’,

1 SAMUEL 19:20

Ak kiiyokto Saul bik koba konam Daudi; ak kingogeer tuiyetab maotik komaotendos ng’alek, kotononi Samuel kondochin ichek, konyonji Tamirmirietab Kamuktaindet bikab Saul, ak komaotenso agichek.

1 SAMUEL 19:21

Ak kingemwachi Saul ng’alechato, koyokto bik alak, ak kimaotenso agichek. Ak kiiyokto Saul bik, ne bo somok, ak kimaotenso agichek.

1 SAMUEL 28:6

Ak ye kingolen koteebe Saul Jehovah, ko ma kowolji Jehovah, eng’ karuotitaosiek, anan eng’ Urim, anan eng’ maotik.