JOEL 2:2 - BUKUIT NE TILIL

² betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

Bukuit Ne Tilil

² peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

BUKUIT NE TILIIL Sireet ne Dutero Kanon

² peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

JOEL 2:2 ပူးပေါင်းရင်းမြစ်များ

TIENWOGIKAL 10:6

Len eng’ muguleldanyi, Maistaa chi: Manyoru ane yaitiet eng’ ibinwek tugul.

TIENWOGIKAL 97:2

Yiemei inendet bolik ak mesundeito: Ole tebe ng’echerennyi ne bo bounatet ko imanda ak kiruoget.

KOMONG'U 10:14

Ak kitogos chereng’endet koyom emet komugul ne bo Misri, ak kiru kobochit emet tugul ne bo Misri; ki koromen kot; kitom kobiitu chereng’endet ne u noto, ama kobiitu kogeny ne u noto.

KOMONG'U 10:6

ak nyiiei goriguk ak gorikab otwogiguk, ak gorikab Misrik tugul, che kitomo kogeerei kwanisieguk anan aguiywogiguk, koboch betut ye kingobiit agoi kora. Ak kiwelelgei kwo eng’ ole mi Parao.

KOMONG'U 20:21

Ak kitononso bik eng’ ole loo, ak kirikta Musa ole mi Kamuktaindet eng’ boldet ne tuui.

ISAIAH 5:30

Ak komororji ichek eng’ betunoto ko u mororetab nyanjet: ak ngo keer chi emet, ogeero, mi mesundeito ak bichiindo, ak koimenit lapkeiyet eng’ bolikyik.

ISAIAH 8:22

ak kogeer ng’ony, ak ogeero, mi bichiindo ak mesundeito, mesundeito ne bo ndara; ak keonji ichek mesundeito ne o.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

JEREMIA 13:6

Ak kingobata betusiek che chang’, komwawa Jehovah kolenja, Ng’eet, ui Euprate, ak inemu birenet eng’ yoto, ne kigang’atin iuny eng’ yoto.

RIREKAB JEREMIA 1:12

Tos ma kiy eng’ okwek, okwek tugul che osiirtoi? Ogeer ak obwat ngo mi arogenet age tugul ne u arogenennyu, ne kigiyaiywa, Ne kiinyalilena Jehovah eng’ betutab neregekyik che ng’wonen.

EZEKIEL 32:7

Ak ye tun agesun atuch kipsengwet, ak ayae kecheikyik koimenitu; atuge boldet asista, ama koluu arawet.

EZEKIEL 34:12

Ko u ye cheng’ei mestowot akwennyi eng’ betut ne mi kwenutab kechirekyik che kigiiyesta, acheng’e ko u noto kechirekyuk; ak asoru ichek komong’ eng’ komoswek tugul ole kiga kiyestochi eng’ betutab bolik ak tulungenet ne imen.

EZEKIEL 38:9

Ak itogosu, inye ko u usonet, iige boldet ne tuchei emet, inye koboto lugosieguk tugul, komi bororiosiek che chang’ koboten.

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

DANIEL 9:12

Ak kigogimit ng’alekyik, che kimwa agobo achek, ak agobo kiruogikyok che kiiruokwech koibwech yaitiet ne o: amu tom keyai eng’ kureret komugul ne bo kipsengwet kit ne kigiyachi Jerusalem.

JOEL 1:6

Amu kagotogos emennyu bororiet ne kim, ne maiitoksei; kelekyik ko kelekab ng’etundo, ak kotinyei kipkermetok che bo ng’etundo ne o.

JOEL 2:25

Ak ageeruok che bo kenyisiek che kiam chereng’endet, ak tinapchet, masaek, ak munene, lugennyu ne o ne kiayogu konyo kwenung’wong’.

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

JOEL 2:5

U ruaenywa kirgirenetab karisiekab luget eng’ tulonok barak, ak ko u cheetab liblibenetab mat ne beelei mobek, ko u bik che kimen che tetegei eng’ boriet.

JOEL 3:4

Ee Turo, ak Sidon, ak komoswek tugul che bo Pilistia, otile nee eng’ ane? Tos ogeerua kiy ne bo kageeret? Ak ngot ogeerua, aweekwok kioto konyo meting’wong’ eng’ yoto, eng’ chokyinet.

AMOS 4:13

Amu, keero, inendet ne yaei tulonok, ak koyaei usonet, ak komwachin chi kabwatennyi, inendet ne yaei karonet koimenit, ak kotiechei komoswek che tororen che bo ng’ony; kainennyi ko Jehovah, Kamuktaindet ne bo lugosiek.

SEPANIA 1:7

Sis eng’ taitab Kiptaiyat Jehovah: amu kagorik betutab Jehovah: amu kagochob Jehovah tiseiywot, kagoanyiny toekyik.

SEKARIA 14:6

Ak mailuu lapkeiyet eng’ betunoto amaimenitu:

MATAYO 24:21

amu egu anyun nyalilda ne o, ne kitom kobiitu koboch taunetab ng’ony agoi nguno, ama koegu kogeny.

MARIKO 13:19

Amu egu nyalilda eng’ betusiechoto, ne kitom koegu ko u noto koboch taunetab yaetab ng’ony ne kiyai Jehovah, agoi nguno, ama kobiitu ko u noto kogeny agoi.

NG'ATUTIK 32:7

Ibwat betusiek che bo keny, Ibwat kenyisiekab ibinwek che chang’: Teebe kwandang’ung’, si koborun; Teebe boisieguk, si komwaun.

HEBRANIK 12:18

Amu ma oit tulwet ne kimuchi ketwa, ne kilalei, anan tuuindo, ak mesundeito, ak kipchurjuriet,

JUDA 1:13

mildaetab ge ne korom ne bo nyanjet; che igutu kalilanenywa; kecheik che ombenioti, che kigigonorji tuuindab mesundeito ne bo koigeny.

NG'ANG'UTYET 9:2

Ak kiyat keringonoto; ak kitogosta iyeto komong’une keringonoto, ne u iyeto ne bo mat ne o mising’; ak koimenit asista ak soet amu iyetab keringonoto.