JOEL 2:13 - BUKUIT NE TILIL

¹³ ak ogerer mugulelwekwok, amogerer ngoroikwok, ak oweekyige Jehovah Kamuktaindeng’wong’: amu tinyei mieindo inendet ak ko nyiitat rirenet, masib konerechi, ak tinyei chang’indab rirenet, ak kowalei kabwatutikyik eng’ yaitiet.

Bukuit Ne Tilil

¹³ ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

BUKUIT NE TILIIL Sireet ne Dutero Kanon

¹³ ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

JOEL 2:13 ပူးပေါင်းရင်းမြစ်များ

TAUNET 37:29

Ak kiweeigei Reuben kwo ole mi keringet; ak ogeero, kima komi Josep keringet; ak kigerer ngoroikyik.

TAUNET 37:34

Ak kigerer Jakobo ngoroikyik, ak kogermenegei kuniet, ak kirirji werinnyi betusiek che chang’.

2 SAMUEL 1:11

Konam anyun Daudi ngoroikyik kogerer; ak kiyai ko u noto bik tugul che kimi ak inendet:

1 LAITORINIK 21:27

Ak kingogas Ahab ng’alechato, kogerer ngoroikyik, ak kolaach kuniet, ak korugutgei, ak kosieb kuniet, ak kwo mutyo.

2 LAITORINIK 22:11

Ak kingogas laitoriat ng’alekab bukuitab Ng’atutik, kogerer ngoroikyik.

2 LAITORINIK 22:19

amu kang’arng’arit muguleldang’ung’, ak iming’inge eng’ taitab Jehovah, ye kangigas kit ne kiamwa agobo koroni, ak agobo bik che menyei koronito, ale egu karaita ak chubet, ak amu kegerer ngoroiguk ak irir eng’ tainnyu; kaagasin agane, mwaei Jehovah.

2 LAITORINIK 5:7

Ak kingo kagosoman baruanato laitoriatab Israel, kogerer ngoroikyik, ak kole, Tos a Kamuktaindet, ne abare ak asoobi, si koyokwa chichi chito konyo asoob eng’ mogondosikyik? Ago asomin ale ibwat ak igeer ole cheng’doi suriet eng’ ane.

2 LAITORINIK 6:30

Ak kingogas laitoriat ng’alekab kwonyoto, kogerer ngoroikyik; (ak kiwendote irimet barak;) ak kigeer bik, ogeero, kiilaagoti kuniok.

2 ATEPTAP PEETUUSYEK 6:27

igas anyun eng’ kipsengwet, ak inyochi kaat otwogiguk eng’ tengektanywa, ak ne bo biguk Israel, ye ineti ichek oret ne mie ne nyolu kobendate; ak iyokyi ropta emeng’ung’, ne kiigochi biguk koek borotenywa.

NEEMIA 9:17

ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

Kitabuutap JOB 1:20

Kong’eet anyun Job, ak kobet ngoriennyi ne bo barak, ak kocher metinnyi, ak kobutyi ng’ony, kosa:

TIENWOGIKAL 103:8

Nyiitat Jehovah rirenet ak ko bo mieindo, Ama sib konerechi, ak tinyei chang’indab rirenet.

TIENWOGIKAL 106:45

Ak kiibwat kayomisennyi ne kigayomisyi ichek, Ak kirire ichek ko u chang’indab rirenosiekyik.

TIENWOGIKAL 34:18

Negite Jehovah icheget che ilyotin mugulelwekwak, Ak kosoru ichek che kigonyeratitu tamirmirikwak.

TIENWOGIKAL 51:17

Korosekab Kamuktaindet ko tamirmiriet ne kigoil: Ee Kamuktaindet, mesase muguleldo ne kigoil ak kotinyei sigunet.

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 58:5

Tos noto karugutetab ge ne kialewen? Betut ne inyalili chi sobondanyi? Koabuch chi metinnyi ko u cherungut, ak kosieb kuniok ak orek? Tos oguure nito karugutetab ge, betut ne taachaksei eng’ Jehovah?

ISAIAH 66:2

Amu kiyaei eunnyu tuguchuto tugul, ak kibiit anyun tuguchuto tugul, mwaei Jehovah; ago ageni inendet ne banan ak konyerategei eng’ tamirmiriet, ne botani amu ng’olyondennyu.

JEREMIA 36:7

Tamangab komwaita somutikwak eng’ taitab Jehovah, ak koweek chi age tugul kometo orennyi ne ya: amu eechen neregek koboto neregek che ng’wonen che kigomwa Jehovah agobo bichu.

JEREMIA 41:5

kobwa bik alage kobunu Sekem, Silo, ak Samaria, bik tamanwogik sisiit, che kiga konem tamnokwak ak kogerer ngoroikwak, ko kagotilgei, ak koibu kagochinoik ak tuguk che nyamdut eng’ eunekwak, koibu kobwa gotab Jehovah.

JEREMIA 42:10

Ngot ko ta omeny emoni, ateechok anyun, ama abutok, ak aminak, ama atutok: amu kaawal kabwatutikyuk eng’ yaitiet ne koayaiywok.

EZEKIEL 9:4

Ak kilenji Jehovah inendet, Ui bun kwenutab nganaset, kwenutab Jerusalem, ak ing’och turiosiekab togochikab bik che tigendos ak korirtos agobo tuguk tugul che kiwechei che kiyai eng’ kwenunnyi.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

JONAH 3:9

Ng’o ne ingen ngo tos ma week Kamuktaindet ak kowal kabwatutikyik, ak kometo neregekyik che koromen, si ma kibegu?

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

NAHUM 1:3

Ma sib konerechi Jehovah, tinyei kamuget ne o, ama bagaktoi kiptengekyot age tugul: tinyei Jehovah orennyi eng’ kipchujuriet ak eng’ usonet ne o, ak bolik ko temburiekab kelyekyik.

KAITOSYEK 14:18

Masib konerech Jehovah, ak ko nyiitat rirenet, ne nyochin kaat tengekto ak bistoet, ama nyochin kaat buch kiptengekyot; ago iityin lagok agobo tengektab kwanisiekwak, agoi ibinda ne bo somok ak ne bo ang’wan.

ROMANIK 2:4

Anan isase magornatosiek che bo mieindanyi ak muitaennyi ak talasiennyi ama inai ile imutyinin sigunet mieindab Jehovah?

EPESOEK 2:4

ago Jehovah, ne magoriot eng’ rirenetab ge, eng’ chamnyennyi ne o ne kichamenech,

1 TIMOTEO 4:8

amu borot ne matia kagiiletab ge ne bo borto; ago borotet eng’ tuguk tugul kaiyweet ne kiywei Jehovah, amu tinyei arorutiet ne bo sobondo ne mi nguno, ak ne nyonei.