JOEL 2:12 - BUKUIT NE TILIL

¹² Ago mwaei Jehovah kole, Oweekyage agot nguno eng’ mugulelwekwok tugul, eng’ karugutetab ge, ak eng’ rirek, ak eng’ kateeiyet:

Bukuit Ne Tilil

¹² Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

BUKUIT NE TILIIL Sireet ne Dutero Kanon

¹² Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

JOEL 2:12 ပူးပေါင်းရင်းမြစ်များ

2 SAMUEL 24:10

Ak kitoor Daudi muguleldanyi ye kingo kagoiit bik. Ak kilenji Daudi Jehovah, Kiayai tengekto ne o eng’ kioto koayai: ago asomin ale, iste anyun, ee Jehovah, tengektab otwogindeng’ung’; amu kiayai eng’ berberindo ne o.

2 ATEPTAP PEETUUSYEK 30:6

Kiib anyun bik che kiga kiyokto, baronok che kibunu laitoriat ak bounikyik, koba Israel tugul ak Juda, ko u ng’atutietab laitortiat, kolenji, Okwek, lagokab Israel, oweekyige Jehovah, Kamuktaindetab Abraham, Isak ak Israel, si komuch inendet koweekyigei bik che king’et, che kichililso eng’ okwek eng’ eunekab laitorinikab Asuria.

2 ATEPTAP PEETUUSYEK 6:27

igas anyun eng’ kipsengwet, ak inyochi kaat otwogiguk eng’ tengektanywa, ak ne bo biguk Israel, ye ineti ichek oret ne mie ne nyolu kobendate; ak iyokyi ropta emeng’ung’, ne kiigochi biguk koek borotenywa.

ESTA 4:16

Ui iyum Yahudik tugul che mitei Susan, ak orugutge agobo ane, amat oam kiy anan oeeise eng’ betusiek somok, kemoi anan bet: arugutige agane ko u noto koboto tibikyuk: ak awe anyun ole mi laitoriat, ama ko u ng’atutiet: ak ngalus, alus.

KOMONG'U 33:5

Ak kilenji Jehovah Musa, Mwachi lagokab Israel, ilenji, O bik che uuen kaat: ngot awe atogoste kobotok ne matia, abarok ageswok: ara anyun oreegu tugukwok che bo lele, si kobiit ageer kit ne aitoin.

ISAIAH 22:12

Ak kiguurso eng’ betunoto Kiptaiyat, Jehovah ne bo lugosiek, si kobiit oririe, ak oteiye, ak ocheru metowek, ak olaach kuniok:

ISAIAH 58:4

Ogeero, orugutige agobo boriet ak suriet, ak olugisie yaitiet: morugutige eng’ betuni si kegas kuting’wong’ eng’ ole bo barak.

JEREMIA 3:22

Oweege, okwek lagok che kiogetyigei let, si asoob kachuchugeng’wong’ bo ge. Keero, kagibwanjin; amu i Jehovah Kamuktaindennyo.

JEREMIA 36:7

Tamangab komwaita somutikwak eng’ taitab Jehovah, ak koweek chi age tugul kometo orennyi ne ya: amu eechen neregek koboto neregek che ng’wonen che kigomwa Jehovah agobo bichu.

JEREMIA 4:1

Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

JEREMIA 4:2

ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

DANIEL 9:3

Ak kiatokyige Kiptaiyat Kamuktaindet, ale acheng’ inendet eng’ saet ak somutik, koboto karugutetab ge, ak kalaagetab kuiniok, ak eng’ orek.

HOSEA 12:6

Iweekyige anyun Kamuktaindeng’ung’: rib rirenet ak kiruoget, ak igen Kamuktaindeng’ung’ kotugul.

HOSEA 12:7

Chemung’araindet inendet, mi eunnyi tuguk che kirogendoisie che bo ng’alset: chamei kosastais.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 6:1

Obwa, keweekyige Jehovah: amu kigogererech ak konyaech; kigobirech ak inyoech.

JOEL 1:13

Ogermenege kuniok, ak oteeiye, okwek tisiik; owaach, okwek kiboitinikab kaptisisiet; obwa, osieb kuniok kemout komugul, okwek kiboitinikab Kamuktaindennyu: amu kagiet kagochinetab busiek ak kagochinet ne kieei eng’ gotab Kamuktaindeng’wong’.

SEKARIA 7:3

ak kong’alalji tisiikab gotab Jehovah ne bo lugosiek, ak maotik, kolenji, Tos kanyolja arir eng’ arawet ne bo mut, atabange, ko u ye kiayai eng’ kenyisiechu chang’ kot?

SEKARIA 7:5

Ng’alalji bik tugul che bo emet, ak tisiik, ilenji, Ye kigorugutge ak oririe eng’ arawetab mut ak ne bo tisab, eng’ kenyisiechoto tamanwogik tisab, ko tos kiorugutge agobo ane, anendet?

MALAKI 1:9

Asomok anyun ale, osom chametab Kamuktaindet, si kobiit korirenech: bunwok nito: tos taach age eng’ okwek ye keer? Mwaei Jehovah ne bo lugosiek.

POISYONIGAP CHE KIYOKTOI 26:20

ago kiaborji che mi Damasko korok, ak eng’ Jerusalem, ak eng’ emet komugul ne bo Judea, ak eng’ Bororiosiek agichek, si kosik ak koyan Jehovah, koyaei boisionik che nyoljin sigunet.

KIRUOGIK 2:4

Ak kingo kagomwachi malaikaiyatab Jehovah ng’alechu lagok tugul che bo Israel, kowaach, ak koririo.

KIRUOGIK 20:26

Yeityo kotogosta lagok tugul che bo Israel, ak bik tugul, ak koit Bet-el, ak koririo, ak kotebi ng’ony eng’ taitab Jehovah, ak korugutgei betunoto agoi koskoleny; ak kiigoito kagochinoik che kibeelei ak kagochinoikab kalyet eng’ taitab Jehovah.

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.

1 SAMUEL 7:6

Ak kiiyumjigei tugul Mispa, ak kiram beek, ak kotumda eng’ taitab Jehovah, ak kiirugutgei betunoto, ak kimwa eng’ yoto kole, Kigeyachi Jehovah tengekto. Kiiruokyi Samuel lagokab Israel eng’ Mispa.