JOEL 2:10 - BUKUIT NE TILIL

¹⁰ Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

Bukuit Ne Tilil

¹⁰ Potani emet eng' tainnywa; potandos kipsengwet: imenitu asiista ak arawet, ama kooluu kecheik.

BUKUIT NE TILIIL Sireet ne Dutero Kanon

¹⁰ Potani emet eng' tainnywa; potandos kipsengwet: imenitu asiista ak arawet, ama kooluu kecheik.

JOEL 2:10 ပူးပေါင်းရင်းမြစ်များ

TIENWOGIKAL 114:7

Botan, inye ng’ony, eng’ taitab Kiptaiyat, Eng’ taitab Kamuktaindetab Jakobo;

TIENWOGIKAL 18:7

Kigirgiren ng’ony anyun, ak kibotan, Kitwagei lumeiywekab tulonok, Ak kotumdumgei, amu kinerech.

ISAIAH 13:10

Amu ma kogonu kecheikab kipsengwet ak kecheikyik che iyumigei lapkeiyenywa: imenitu asista komachei kochor, ak ma koluu arawet agine.

ISAIAH 34:4

Ak kochoot luget tugul ne bo kipsengwet, ak kemaman kipsengwetisiek ko u kartasit: ak kowandagei lugenywa tugul, ko u sogot ne ibuti eng’ ketitab sabibuk, ak ko u sogot ne ibuti eng’ mogoiywet.

ISAIAH 5:30

Ak komororji ichek eng’ betunoto ko u mororetab nyanjet: ak ngo keer chi emet, ogeero, mi mesundeito ak bichiindo, ak koimenit lapkeiyet eng’ bolikyik.

JEREMIA 4:23

Kiageer ng’ony, ak ogeero, kima komi kiy ak kima kotinyei iton; ak kiageer kipsengwetisiek, ak kima kotinyei lapkeiyet.

JOEL 2:2

betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

JOEL 3:4

Ee Turo, ak Sidon, ak komoswek tugul che bo Pilistia, otile nee eng’ ane? Tos ogeerua kiy ne bo kageeret? Ak ngot ogeerua, aweekwok kioto konyo meting’wong’ eng’ yoto, eng’ chokyinet.

AMOS 5:8

ocheng’ inendet ne yaei Koremerik ak Kapsomoguk, ak kowalei uruetab meet koek karonet, ak koyaei betut koek kemoi; inendet ne kuurei nyanjet ak korong’ji ng’ony; Jehovah kainennyi;

NAHUM 1:5

Botandos tulonok eng’ tainnyi, ak kochootyo tulonok che mengechen; sutoksei ng’ony eng’ tainnyi, ee, ng’ony, ak tugul che menyei oloto.

MATAYO 24:29

Ak ne ma tianit, ko kagogesgei nyalilda ne bo betusiechoto, koimenit asista, ama koluu arawet, ak kororok kecheik eng’ kipsengwet, ak kitumdum kimnatosiek che bo kipsengwet;

MATAYO 27:51

Ak ogeero, kigerer anget ne kigioiye hekalut koek aeng’ koboch barak agoi ng’ony; ak kibetogis ruandosiek;

POISYONIGAP CHE KIYOKTOI 2:20

Kiwalei asista koek mesundeito, Ak kewal arawet koek korotik, Kotom koit betutab Kiptaiyat, Betut ne o agobo ne toogunot:

NG'ANG'UTYET 20:11

Ak kiageer ng’echeret ne o ak ko leel ne bo laitornatet, ak inendet ne kitebe, ne kimwee togennyi ng’ony ak kipsengwet; ama kisikyi ole tebe.

NG'ANG'UTYET 6:12

Ak kiageer ye kingoyat ng’okset ne bo lo, ak kibiit botanet ne o ne bo ng’ony: ak kituuiit asista ko u kuniet ne kigiyae kororik, ak kiigei arawet komugul korotik;

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

NG'ANG'UTYET 9:2

Ak kiyat keringonoto; ak kitogosta iyeto komong’une keringonoto, ne u iyeto ne bo mat ne o mising’; ak koimenit asista ak soet amu iyetab keringonoto.