JOEL 2:1 - BUKUIT NE TILIL

¹ Oguut iriaget eng’ Sion, ak owaach eng’ tulwennyu ne tilil; ingobotanso bik tugul che menyei emet: amu nyonei betutab Jehovah, amu kagorik,

Bukuit Ne Tilil

¹ Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

BUKUIT NE TILIIL Sireet ne Dutero Kanon

¹ Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

JOEL 2:1 ပူးပေါင်းရင်းမြစ်များ

1 ATEPTAP PEETUUSYEK 15:28

Koib anyun Israel tugul moingetab arorutietab Jehovah kotogos kobolyonu kogasonugei, ak koguutonu iriagok, ak kobironu sanisiek che bo sugunonik, ak kobutonu kibugandinik ak ketubosiek.

TIENWOGIKAL 119:120

Botani bortanyu amu aiywein; Ak aiywei kiruogutiguk.

TIENWOGIKAL 87:1

Mi lumeiywondennyi tulonok che tililen.

KOMONG'U 10:14

Ak kitogos chereng’endet koyom emet komugul ne bo Misri, ak kiru kobochit emet tugul ne bo Misri; ki koromen kot; kitom kobiitu chereng’endet ne u noto, ama kobiitu kogeny ne u noto.

ISAIAH 13:6

Oteiye; amu kagorik betutab Jehovah; nyonei ko u ng’emisiet ne bunu Inendet ne ko Kamuktaet.

ISAIAH 13:9

Ogeero, nyonei betutab Jehovah, ne korom, koboto nereknatet ak neregek che ng’wonen; si kobiit koyai emet koguber, ak kong’em kiptengeginik koges eng’ yoto.

ISAIAH 2:12

Amu tun biitu betutab Jehovah ne bo lugosiek, eng’ ichek tugul che mendos ak che ieetigei; ak eng’ ichek tugul che itororigei: ak kiming’ini.

ISAIAH 66:2

Amu kiyaei eunnyu tuguchuto tugul, ak kibiit anyun tuguchuto tugul, mwaei Jehovah; ago ageni inendet ne banan ak konyerategei eng’ tamirmiriet, ne botani amu ng’olyondennyu.

ISAIAH 66:5

Ogas ng’olyotab Jehovah, okwek che obotandosi amu ng’olyondennyi: Kigomwa che otupche icheget che wechok, che kitimdak agobo kainennyu, kole, Ingitoror Jehovah, si kobiit kegeer boiboiyeng’wong’; ago ililandos.

JEREMIA 16:10

Ak ye tun iborji bichu ng’alechuto tugul, ak kolenjin, Amu nee si komwa Jehovah yaitioni o agobo achek? Anan nee yaitiennyo? Anan nee tengektanyo ne kigeyachi Jehovah Kamuktaindennyo?

JEREMIA 16:7

ama butuli bik makatinik agobo ichek amu rirek, si kogaigai ichek amu bik che kabek; ama igochin koee kikombetab kagaigaet agobo kwanisiekwak ak kametisiekwak.

JEREMIA 4:5

Omwaite eng’ Juda, ak obarte eng’ Jerusalem: ak omwa ole, Oguut iriaget eng’ emet: owaach mising’ ak omwa ole, Oyumge, ak ongebe nganasok che ng’ototin.

JEREMIA 5:22

Tos moiywea? Mwaei Jehovah: tos mobotandosi eng’ tainnyu, ane ne kiande ng’aniek koek kiwotetab nyanjet, eng’ ng’atutiet ne tebyei agoi, ne maimuchi nyanjet kosiir? Ak agot ngo mildoegei beek mising’, ko maimuchi kotil kiy; agot ngo moror, ko maimuchi kosiir.

EZEKIEL 12:23

Mwachi anyun ichek ilenji, Mwaei Kiptaiyat Jehovah ko u ni kole: Agesu kalewenoni, si ma koboisie kogeny koek kalewenet eng’ Israel; ago mwachi ilenji, Kagorik betusiek, ak kasuldaetab ng’ang’utiet age tugul.

EZEKIEL 21:12

Waach ak ite, ee, weritab chi: amu kagong’urur bikyuk, koboto bounik tugul che bo Israel: kagigoito ichek kobar rotwetab chok koboto bikyuk: irabach anyun kubestang’ung’.

EZEKIEL 30:3

Amu kagorik betunoto, kagorik betutab Jehovah, betutab tulungenet; betusiekab bororiosiek.

EZEKIEL 33:3

ak ngo keer inendet rotwetab chok konyonjin emonoto, koguut iriaget ak koteechi bik;

EZEKIEL 33:6

Ago ngot kogeer ribindet konyonei rotwetab chok, ama kuut iriaget, ama kiteechi bik, ak konyo rotwetab chok, ak kobar chi age tugul eng’ kwenunywa; kebare amu tengektanyi, ago amage korotikyik eutab ribindet.

EZEKIEL 7:10

Keer betut-o, keero, nyonei: kagonyo kagikyineng’ung’; kagoyesio taptokab kirokto, kagong’at menotet.

EZEKIEL 7:12

Kagoit betusiek, rigu betut: amat kobaibait alindet, anan koarogen aldaindet: amu mitei neregek eng’ chang’indanywa tugul.

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

DANIEL 9:16

Ee Kiptaiyat, asain ale, ingoistoegei neregeguk, neregeguk che ng’wonen, nganaseng’ung’ Jerusalem, tulweng’ung’ ne tilil, ko u eng’ imandang’ung’ tugul: kigoek Jerusalem koboto biguk, che kichotei eng’ tugul che mitei komoswek tugul, amu tengekwogikyok, ak amu yaitwogikab kwanisiekyok.

DANIEL 9:20

Ak ye kita ang’alali, ak asae, ak ang’anye tengektanyu, ak tengektab bikyuk Israel, ak aibe somennyu kwo taitab Jehovah Kamuktaindennyu agobo tulwet ne tilil ne bo Kamuktaindennyu;

HOSEA 5:8

Oguut igondit eng’ Gibea, ak oguut iriaget eng’ Rama: owaach eng’ Bet-aben; eng’ ole bo let eng’ inye, ee Benjamin.

HOSEA 8:1

Kuut iriaget. Nyonjin gotab Jehovah ko u kipsichit: amu kigobistoe ichek kayomisennyu, ak kongelelji ng’atutikyuk.

JOEL 1:15

Bwa amu betunoto! Amu kagorik betutab Jehovah, ak nyonei ko u ng’emisiet ne bunu Inendet ne bo Kamuktaet.

JOEL 2:11

Ak kotwek Jehovah eng’ taitab lugennyi; amu o kabuureitanyi; amu kim inendet ne yaei ng’olyondennyi kosulda; amu o betutab Jehovah ak komuisei mising’; ng’o ne imuchi komuita?

JOEL 2:15

Oguut iriaget eng’ Sion, otaban karugutetab ge, oguur tuiyet ne bo kaming’inetab ge:

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

JOEL 3:14

Bik che chang’, bik che chang’ che mi atebwet ne kitile ng’alek! Amu kagorikyi betutab Jehovah atebwet ne kitile ng’alek.

JOEL 3:17

Onai anyun ole a Jehovah Kamuktaindeng’wong’, amenye Sion tulwennyu ne tilil: tililitu anyun Jerusalem, ama kobunei toek kogeny.

AMOS 3:6

Tos kiguutei iriaget eng’ nganaset, ama iyweis bik? Tos nyonjin yaitiet nganaset, ama iyokyi Jehovah?

AMOS 5:18

Bwa eng’ okwek che omache betutab Jehovah! Amu nee si omache betutab Jehovah? Mesundeito betunoto, ma lapkeiyet;

AMOS 8:2

Ak kilenja, Amos, igeere nee? Ak kialenji, Ageere kitongetab logoek che bo kemeut. Kilenja anyun Jehovah, Kanyonji kagesunet bikyuk Israel; ma abune kogeny ole mi ichek.

OBADIA 1:15

Amu karikyi betutab Jehovah bororiosiek tugul: ko u ye kiiyai keyaun ko u noto; weekyingei meting’ung’ boisioniguk.

SEPANIA 1:14

Karik betut ne o ne bo Jehovah, negit ak kochogu mising’, agot twegunetab betutab Jehovah; rirei eng’ ng’wanindo eng’ oloto chito ne kim.

SEPANIA 1:16

Betutab iriaget ak waagat, agobo nganasok che ng’ototin, ak irimoik che tororen.

SEPANIA 1:7

Sis eng’ taitab Kiptaiyat Jehovah: amu kagorik betutab Jehovah: amu kagochob Jehovah tiseiywot, kagoanyiny toekyik.

SEPANIA 3:11

Matun ililani eng’ betunoto eng’ boisioniguk tugul, che kiiyaiywa ibistoe: amu tun aistoi komong’ eng’ kwenung’ung’ menotiguk che itororigei, si ma ichauge kogeny eng’ tulwennyu ne tilil.

SEKARIA 14:1

Ogeero, nyonei betutab Jehovah, ye tun kipcheei baruneniguk eng’ kwenung’ung’.

SEKARIA 8:3

Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

KAITOSYEK 10:2

Yachigei igondisiek aeng’ che bo feda; kitanyi, si koboisie tukchoto ye iguure tuiyet, ak eng’ banwekab nganasok.

KAITOSYEK 10:3

Ak ye kuut ichek tukchoto, koyumjigei tuiyet komugul ole imi, eng’ kurgetab emait ne kituiyechin.

1 KORINTOEK 14:8

Amu ngo chei iriaget cheet ne magiguitos, ko ng’o ne chobegei agobo luget?

PILIPIK 2:12

Noto anyun, chamanikyuk, ko u ye koogase it kotugul, ma ye ami kityo, ago nguno ye mami ogase it kosiir, oboisie yetuneng’wong’ kosulda eng’ kaiyweisiet ak botanet;

1 THESSALONIKEK 5:2

Amu ongen okweget komie ole nyonei betutab Kiptaiyat ko u chorin ne nyonei kemoi.

JAKOBO 5:8

Omuite anyun ak okwek; ogimit mugulelwekwok: amu kagonegitit nyonunetab Kiptaiyat.

1 PETERO 4:7

Ago kagorik kagesunetab tuguk tugul: noto anyun oegu che oribege, ak oripse eng’ saet:

NG'ANG'UTYET 6:17

amu kagoit betut ne bo neregekwak; ak ng’o ne imuchi kotonon?