JEREMIA 9:26 - BUKUIT NE TILIL

²⁶ Misri, Juda, Edom, ak lagokab Amon, koboto Moab, ak tugul che biori metowekwak, che menyei ong’atet: amu ma imuratanotin bororiosiek tugul, ama imuratanotin mugulelwekab got tugul ne bo Israel.

Bukuit Ne Tilil

²⁶ Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

BUKUIT NE TILIIL Sireet ne Dutero Kanon

²⁶ Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

JEREMIA 9:26 ပူးပေါင်းရင်းမြစ်များ

JEREMIA 10:1

Ogas ng’olyot ne mwawok Jehovah, ee gotab Israel:

JEREMIA 4:4

Omuratange obunji Jehovah, oiste irirenikab mugulelwekwok, okwek bikab Juda ak che omenye Jerusalem: si mamong’ neregekyuk che koromen ko u mat, ak kolalyo kot ko maimuchi chi komis, amu yaitietab boisionikwok.

JEREMIA 40:11

Ko u noto, kingogas Yahudik tugul che kimi Moab, ak che kimi ak lagokab Amon, ak che kimi Edom, koboto che kimi emotinwek tugul, kole, Kigobagach laitoriatab Babulon bik che king’et eng’ Juda, ak kole, kigonde Gedalia weritab Aikam weritab Sapan koboi ichek;

JEREMIA 49:32

Ak keluul tambesikwak, ak koek barunenik tukwak che chang’: ak aiyeste koba komoswek tugul icheget che biori metowekwak; ak aibu nyalildanywa eng’ komoswekwak, mwaei Jehovah.

JEREMIA 6:10

Ang’alaljini ng’o, ak abaorianji, si kobiit kogas? Ogeero, ma kimuratan itikwak, amaimuchi koeb it: ogeero, kaek ng’olyotab Jehovah tewernatet eng’ ichek; maboiboitune.

EZEKIEL 31:18

Ogerge ak ng’o anyun eng’ torornatet ak etunatet eng’ kwenutab ketikab Eden? Nganda u noto kechoortoin koboto ketikab Eden iwe ng’ony orit: irue kwenutab che ma kimuratan, koboto icheget che kigibare rotwetab chok. Nito ko Parao ak bikyik che chang’, mwaei Kiptaiyat Jehovah.

EZEKIEL 32:19

Isiire ng’o eng’ kororonindo? Chortege, ui iru koboto che ma kimuratan.

EZEKIEL 44:7

amu kiomutu kipsagarek, che ma kimuratan mugulelwek, ama kimuratan borwek, kotebe oldanyu ole tilil, si komuruon, noto gonnyu, ye kogoitoi amitwogikyuk, mwanik ak korotik, ak kigobut kayomisennyu, si kotesyi tugukwok tugul che kiwechei.

EZEKIEL 44:9

Mwaei Kiptaiyat Jehovah ko u ni kole, Mawendi oldanyu ne tilil kipsagarindet age tugul ne ma kimuratan muguleldo, ama kimuratan borto, kipsagarindet age tugul ne mi kwenutab lagokab Israel.

ATEPTAP LAWIK 26:41

ak kiatil let agane ichek, ak amutu ichek kobwa emetab bunikwak: ngoming’ingei anyun mugulelwekwak che ma imuratanotin, ak kotaach biretab tengekwogikwak;

POISYONIGAP CHE KIYOKTOI 7:51

Okwek che uui kaat che ma kimuratan mugulelwek ak itik, ogirindoi Tamirmiriet ne Tilil kotugul: ko u ye kiyaei kwanisiekwok, oyae ak okwek ko u noto.

NG'ATUTIK 30:6

Ak komuratan Jehovah Kamuktaindeng’ung’ muguleldang’ung’, ak mugulelwekab iyoteng’ung’, si icham Jehovah Kamuktaindeng’ung’ eng’ muguleldang’ung’ komugul, ak eng’ sobondang’ung’ komugul, si isob.

1 SAMUEL 14:6

Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?