JEREMIA 9:24 - BUKUIT NE TILIL

²⁴ ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

Bukuit Ne Tilil

²⁴ Ago ingoloskei eng' ng'olyoondoni ineendet ne ilasugei, kole, ingeno ak konaa kole aa Kamuktaindet ne Toroor ne poisyee chamyet ne tala, kirwooget ak imanda eng' ng'wony. Amu aboiboitune tuguuchuuto. Mmwaei Kamuktaindet ne Toroor.

BUKUIT NE TILIIL Sireet ne Dutero Kanon

²⁴ Ago ingoloskei eng' ng'olyoondoni ineendet ne ilasugei, kole, ingeno ak konaa kole aa Kamuktaindet ne Toroor ne poisyee chamyet ne tala, kirwooget ak imanda eng' ng'wony. Amu aboiboitune tuguuchuuto. Mmwaei Kamuktaindet ne Toroor.

JEREMIA 9:24 ပူးပေါင်းရင်းမြစ်များ

TIENWOGIKAL 20:7

Imang’u alak karisiekab luget, ak alak mbartanyisiek: Ago kibwati achek kainetab Jehovah Kamuktaindennyo.

TIENWOGIKAL 34:2

Ilosugei sobondanyu eng’ Jehovah: Kasei noto che taloen, ak kogasgei.

TIENWOGIKAL 34:3

Ongilosu Jehovah, okwek ak ane, Ak ongitoror tugul kainennyi.

TIENWOGIKAL 44:8

Kilosunege Kamuktaindet betut komugul, Ak kiweekyini kongoi kaineng’ung’ koigeny.

TIENWOGIKAL 44:9

Ago kaibagaktech, ak kaigonech kililanse; Ama iwe inye koboto lugosiekyok.

TIENWOGIKAL 51:1

Rirenage, ee Kamuktaindet, ko u chamnyeng’ung’ ne tala: Tindiny bistoennyu eng’ chang’indab rirenosieguk.

TIENWOGIKAL 91:14

Amu kigochama, asoru eng’ noto anyun: Atorori inendet, amu kigonai kainennyu.

TIENWOGIKAL 99:4

Chamei kimnatetab laitoriat kiruoget; Igimiti imanda, Iyae kiruoget ak imanda eng’ Jakobo.

ISAIAH 20:5

Ak koarogenso, ak kolilanso, amu kamang’unenywa Etiopia, ak ko torornatenywa Misri.

ISAIAH 41:16

Iruri, si koib usonet, ak koyesta kipchurjuriet: ak ibaibaitu eng’ Jehovah, ilosunegei Inendet ne Tilil ne bo Israel.

ISAIAH 45:25

Kiityin imanda iyotet tugul ne bo Israel eng’ Jehovah, ak kolosunegei.

ISAIAH 61:8

Amu achame ane Jehovah kiruoget, aweche rebisiet koboto tengekto; ak ayaakyini ichek eng’ imanit, ak kiyomisyige ak ichek kayomiset ne bo koigeny.

JEREMIA 22:16

Kiiruoksechi ne banan ak ne matinyei kiy; kimieit anyun. Tos kima konaena nito? Mwaei Jehovah.

JEREMIA 4:2

ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

MIKAH 6:8

Ee inye chi, kagoborun inendet kit ne mie; ak nee ne magenen Jehovah, kobate iyai imanda, ak icham rirenet, ak iwendote eng’ kaming’inetab ge koboto Kamuktaindeng’ung’?

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

LUKA 10:22

Kigogona tuguk tugul Baba: ak mami chi ne ingen Werit kole ng’o, kobate Kwanda; ama nai chi Kwanda kole ng’o, kobate Werit, ak chi age tugul ne chamei Werit, kong’ang’jin.

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

ROMANIK 5:11

Ak ma u noto kityo, ago kiboiboi agachek eng’ Jehovah eng’ Kiptaiyandennyo Jesu Kristo, amu kigenyoru eng’ inendet katuiyet.

1 KORINTOEK 1:31

si koek, ko u ye kigisir kele, Inendet ne ilosugei, ko ingolosgei eng’ Kiptaiyat.

2 KORINTOEK 10:17

Ago inendet ne ilosugei, ingolosgei eng’ Kiptaiyat.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

GALATYEK 6:14

Ago ingolooit eng’ ane alosge, kobate eng’ kimurtoiyot ne bo Kiptaiyandennyo Jesu Kristo, ne eng’ noto ko kigigartat ng’ony agobo ane, ak ane agobo ng’ony.

PILIPIK 3:3

amu ki kamuratanet achek, che saei eng’ Tamirmirietab Jehovah, ak kilosuge eng’ Kristo Jesu, ama kitinye kamang’unet eng’ borto:

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

1 SAMUEL 15:22

Ak kimwa Samuel kole, Tos, ting’e Jehovah boiboiyet ne o kagochinoik che kibeelei ak tiseiywek, ko u ye ting’e kasetab it ne bo ng’olyotab Jehovah? Keero, siirei kasetab it tiseiywek, ak siirei kasetab it mwanikab mengichik.