JEREMIA 9:22 - BUKUIT NE TILIL

²² Ng’alal, ile, Mwaei Jehovah ko u ni kole, Ibutos muswek ko u ng’atatekab tuga eng’ kewanin, ak koigei turonik che yamei eutab kesindet, ama biitu chi ne iyumi.

Bukuit Ne Tilil

²² Ng'alaal, ile, ‘Mwaei Kamuktaindet ne Toroor kole, Ibutos muuswek ko uu ng'atateegap tuuga eng' kewanin, ak koigei turoonik che yamei eutap kesiindet, ama piitu chii ne iyumi.’ ”

BUKUIT NE TILIIL Sireet ne Dutero Kanon

²² Ng'alaal, ile, ‘Mwaei Kamuktaindet ne Toroor kole, Ibutos muuswek ko uu ng'atateegap tuuga eng' kewanin, ak koigei turoonik che yamei eutap kesiindet, ama piitu chii ne iyumi.’ ”

JEREMIA 9:22 ပူးပေါင်းရင်းမြစ်များ

2 LAITORINIK 20:13

Ak kigas Hesekia ichek, ak koborji ichek got tugul ne bo tugukyik che bo kamanutiet ne o, feda, ak tahabu, ak nyamdutik, ak mwanik che bo kamanutiet ne o, ak gotab karikyik che bo luget, ak tuguk tugul che kimi ole mi konoraikyik: ma ng’et kiy eng’ gonnyi anan ko bounatennyi tugul ne ma iborji Hesekia ichek.

2 LAITORINIK 20:15

Ak kile inendet, Kagogeer nee eng’ gong’ung’? Ak kowol Hesekia kole, Kagogeer tuguk tugul che mi gonnyu: ma ng’et kiy eng’ konoraikyuk ne ma aborji.

2 LAITORINIK 9:37

ak kergeitu ak ng’atatek mustab Jesebel eng’ mbaret eng’ koretab Jesreel; kot ko ma komwaei bik kole, Jesebel ni.

Kitabuutap JOB 5:13

Namei che ng’omen eng’ ng’alsenywa: Sib kong’emaksei kiruogutikab che imaasotin.

TIENWOGIKAL 49:7

Mami eng’ ichek ne imuchi kotiach ng’etab kamet eng’ or age tugul, Ago temene kogochi Kamuktaindet kit ne kitiage inendet;

TIENWOGIKAL 83:10

Che kibekyi En-dor; Kiek ng’atatek che bo ng’ony.

KALEWANAIK 18:11

Magornatetab magoriot ko nganasennyi ne kim, Ak u irimet ne koi eng’ kabwatutikyik.

KALEWANAIK 23:4

Ameiimge ile iegu magorio; Ametiiege ng’omnateng’ung’.

ISAIAH 5:25

Kilalyo anyun neregekab Jehovah agobo bikyik, ak kiiyogoito eunnyi kogirinda ichek, ak kobir, ak kibotanso tulonok che mengechen, ak kiek muswekwak busagariek eng’ kwenutab ortinwek. Nganda u noto, ko ma istogei neregekyik, ago ta kochuulat eunnyi kora.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 25:33

Ak konyi emet eng’ betunoto bik che barei Jehovah, koboch tabanda age ne bo ng’ony agoi tabanda age: mami chi ne iteei agobo ichek, ama kiyumi, ama kitubei; egu ng’atatek eng’ emet.

JEREMIA 6:21

Mwaei anyun Jehovah ko u ni kole, Ogeero, andoi taitab bichu kanagutik: ak konach kwanisiek koboto werik; ak kolus chitab kokwet koboto choruennyi.

JEREMIA 7:33

Ak koek muswekab bichu amitwogikab taritik che bo barak, ak che bo tiong’ikab ng’ony; ama biitu chi ne iyestoi.

JEREMIA 8:2

ak koma eng’ asista, ak eng’ arawet, ak eng’ taitab tuguk tugul che bo kipsengwet, che kiga kocham, ak kiga koot, ak che kiga kosubot, che kiga kocheng’at, ak che kiga kolos: magiyumi, anan ketub; egu keturek eng’ emet.

HABAKUK 1:11

Iwiktogei ko u usonet, ak kosiirto, ak konam ng’ogisto: inendet ne cheptalelinnyi kimnatennyi.

SEPANIA 1:17

Ak aipchi bik bichiindo, kot kobendat ko u bik che koriotin, amu kigoyachi Jehovah tengekto: ak ketumda korotikwak ko u temburiek, ak keranda borwekwak ko u ng’atatek.

NG'ATUTIK 8:17

ak ile eng’ muguleldang’ung’, Kagona kimnatennyu ak kamugetab eunnyu magornatoni.