JEREMIA 9:20 - BUKUIT NE TILIL

²⁰ Ago ogas ng’olyotab Jehovah, okwek, ee kwonyichu, ak ingotaach itikwok ng’olyotab kutinnyi, ak onet tibikwok rirek, ak konet chi tugul chitab kokwennyi kateeiyet.

Bukuit Ne Tilil

²⁰ Ago ogas ng'olyootap Kamuktaindet ne Toroor, okweek, ee kwonyichu, ak ingotaach itiikwok ng'olyootap kutinnyi, ak oneet tiibiikwok riirek, ak koneet chii tugul chiitap kokwennyi kateeiyet.

BUKUIT NE TILIIL Sireet ne Dutero Kanon

²⁰ Ago ogas ng'olyootap Kamuktaindet ne Toroor, okweek, ee kwonyichu, ak ingotaach itiikwok ng'olyootap kutinnyi, ak oneet tiibiikwok riirek, ak koneet chii tugul chiitap kokwennyi kateeiyet.

JEREMIA 9:20 ပူးပေါင်းရင်းမြစ်များ

Kitabuutap JOB 22:22

Asain ale, taach ng’atutiet ne bunu kutinnyi, Ak igonore muguleldang’ung’ ng’alekyik.

ISAIAH 3:16

Kimwa kogeny Jehovah kole, Amu menioti tibikab Sion, ak kobendoti ko chuulotin kaatwekwak, koberberisiote konyekwak, kobendi ak kokwaisoti, ak kocheiyoti kelyekwak:

ISAIAH 3:4

Ak agochi lagok koek bounikwak, ak koboi ichek manyurunik.

JEREMIA 14:16

Ak kewirji ortinwek che bo Jerusalem bik che kimaotenjin, amu rubet ak rotwetab chok; ama biitu chi ne tubei ichek, icheget ak osotikwak, ak werikwak ak tibikwak: amu arong’jini icheget yaitienywa.

JEREMIA 23:16

Mwaei Jehovah ne bo lugosiek ko u ni kole, Amoepchi it ng’alekab maotik che maotenwok; inetok tangoita: mwaei ng’ang’utiet ne bunu mugulelwekwak, ama ne mong’une kutitab Jehovah.

JEREMIA 23:28

Ingomwa maotiot karuotitoet ne koiruotyi; ak inendet ne tinyei ng’olyondennyu komwa eng’ imanda. Ting’egei nee metetek ak nganok? Mwaei Jehovah.

JEREMIA 6:11

Kanyiia anyun neregek che ng’wonen che bo Jehovah; kaang’et aranye: rong’ji neregechoto lagok che mi oret, koboto tuiyetab murenik: amu kimuti manong’otiot ak osotiot, ne kigoosit koboto ne negit kolil.

JEREMIA 7:29

Icheru sumeeguk anyun, ak iwirte, ak irirate eng’ tulonok che churiotin; amu kigoesio Jehovah ak kometo ibinda ne bo neregekyik.

JEREMIA 8:2

ak koma eng’ asista, ak eng’ arawet, ak eng’ taitab tuguk tugul che bo kipsengwet, che kiga kocham, ak kiga koot, ak che kiga kosubot, che kiga kocheng’at, ak che kiga kolos: magiyumi, anan ketub; egu keturek eng’ emet.

JEREMIA 9:12

Ng’o chito ne ng’om ne imuchi koguiyo nito? Ak ng’o inendet ne king’alalji kutitab Jehovah, si kobiit komwaita? Amu nee anyun si kong’emak emet ak kolal ko u ong’atet, kot ko ma kobunei chi?

RIREKAB JEREMIA 2:19

Ng’eet, waach kemoi eng’ taunetab saisiekab kemoi; Rong’u muguleldang’ung’ ko u beek eng’ taitab Kiptaiyat: Namji barak euneguk tokyi inendet agobo sobonwekab lagoguk, Che tanuitos eng’ rubet eng’ tabandab oret age tugul.

RIREKAB JEREMIA 2:21

Ruitos ng’ony murenik ak boisiek eng’ ortinwek; Kagebar bergeinikyuk ak neranikyuk eng’ rotwetab chok: Kiibar ichek eng’ betutab neregeguk; kiibar, ama irire.