JEREMIA 9:2 - BUKUIT NE TILIL

² Kata mie nda katinye eng’ ong’atet ole menyei bik che rutoi; si kobiit abagakta bikyuk, ak awe! Amu icheget tugul koyaei ibetab ge, tuiyetab bik che iberberisiei.

Bukuit Ne Tilil

² Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

BUKUIT NE TILIIL Sireet ne Dutero Kanon

² Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

JEREMIA 9:2 ပူးပေါင်းရင်းမြစ်များ

ISAIAH 59:3

Amu muruonen eunekwok eng’ korotik, ak ko muruonen morikwok eng’ tengekto; kogomwa kutuswekwok lembechek, ng’alali ng’elyebwekwok yaitiet.

JEREMIA 12:1

I bo iman, ee Jehovah, ye arirjinin: ago ta amache ang’alal koboten agobo ng’olyondonito: amu nee anyun si kiberur oretab kiptengeginik? Amu nee si komuunyi ichek tugul che yaei kaberberisiet?

JEREMIA 12:6

Kigoyaun kaberberisiet tupchosieguk, ak gotab kwandang’ung’; kigorirjin mising’: ameyan ichek, agot nda mwaun ng’alek che kororon.

JEREMIA 13:22

Ak ngot imwa eng’ muguleldang’ung’ ile, Amu nee anyun si kobwanja tuguchuto? Kageng’any ngoroiguk amu oindab tengektang’ung’, ak kagonyor kwariniguk ng’wanindo.

JEREMIA 23:10

Amu nyiitat emet bik che yaei ibetab ge; amu rirei emet amu kayosiet; kigoyaam ole agete akwotisiek eng’ ong’atet; ya bandanywa, ak ma bo iman kimnatenywa.

JEREMIA 4:22

Amu berber bikyuk, maingena; lagok che uuen metowek, ama tinyei kaguiyet: ng’omen koyai yaitiet, ago maingen koyai ne mie.

JEREMIA 5:1

Oruaate ortinwekab Jerusalem si ogeer, ak onai, ak ocheng’ eng’ komoswekyik che baraen, ngot omuchi onyoru chi, ngot komi ne yaei imanda, ne cheng’ei imanit; si kobiit anyochi kaat nganasanato.

JEREMIA 5:11

Amu kigoberbera mising’ gotab Israel ak gotab Juda, mwaei Jehovah.

JEREMIA 5:2

Agot ngo mwaei ichek kole, Ko u ye sobei Jehovah; koyostos iman eng’ lembechek.

HOSEA 4:2

Mami kit age kobate chubisiet ak lembechek, ak rumisiet, ak chorset, ak ibetab ge; tesoksei, ak isubegei rumisiet.

HOSEA 5:7

Kigoberber Jehovah; amu kigosich lagok che kipsagarek; amei arawet ne kaleel ichek koboto mbarenikwak.

HOSEA 6:7

Ago kigobistoe ichek kayomiset ko u Adam: kigoberbera eng’ oloto.

HOSEA 7:4

Ichek tugul ko bik che yaei ibetab ge; u kapkoima ole ilaali beelindetab makatinik; maiyuokyin mat koboch kokwanykwanyi makatiat agoi koguut.

MIKAH 6:12

Amu nyiitat koromnatet magorekyik, ak kogomwa lembechek bik che menyei oloto, ak kong’alsei ng’elyebwekwak.

SEPANIA 3:4

Bik che tangusen ak koberberisiei maotikyik: kigomuruon tisiikyik ole tilil, kigong’em ng’atutik.

MALAKI 2:11

Kigoyai Juda kaberberisiet, ak kigeyai kit ne kiwechei eng’ Israel ak eng’ Jerusalem; amu kigong’wanit Juda tililindab Jehovah ne chamei, ak kotun cheptab cheptalelit ne ter.

MALAKI 2:14

Ago, omwae ole, Kalya? Amu kogoek Jehovah baoriat eng’ kwenung’wong’, inye ak osotiotab ming’inateng’ung’, ne kiiberber, nganda, inendet ko chamaneng’ung’, ak ko osotiotab kayomisutieng’ung’.

JAKOBO 4:4

Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

KIRUOGIK 2:10

Ak kibek agichek tugul che bo ibinato ak kigiyumji oldab kwanisiekwak: ak kobiit ibinda age eng’ let ne kima kongen Jehovah, anan ko boisiet ne kiga koyai inendet agobo Israel.