JEREMIA 9:11 - BUKUIT NE TILIL

¹¹ Ak ayai Jerusalem koek karurugutik, ole menyei lelwek; ak ayai nganasokab Juda koek karatia, ole mamenyei chi.

Bukuit Ne Tilil

¹¹ Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

BUKUIT NE TILIIL Sireet ne Dutero Kanon

¹¹ Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

JEREMIA 9:11 ပူးပေါင်းရင်းမြစ်များ

NEEMIA 4:2

Ak king’alal eng’ taitab tupchosiekyik ak lugetab Samaria, ak kole, Yaei nee Yahudichu nyalulyotin? Tos igimitigei? Tos igoitoi korosek? Tos igesu eng’ betut agenge? Tos ing’eeti koik komong’une karurugutikab busagariek che kigolalyo?

TIENWOGIKAL 107:43

Epchin it ne ng’om tuguchuto, Ak kobwatoti rirenosiekab Jehovah.

TIENWOGIKAL 44:19

Agot ye kiibirech mising’ eng’ oldab suik, Ak kiitugenech uruetab meet.

TIENWOGIKAL 79:1

Ee Kamuktaindet, kagomong’ji boroteng’ung’ bororiosiek; Kagomuruon hekalung’ung’ ne tilil; Kagoyai Jerusalem koegunot karurugutik.

ISAIAH 13:22

Ak koteiyo suik eng’ irimoikwak, ak koteiyo lelwek eng’ gorikwak che kororon che bo laitorinik: ak kagorik betunnyi, ama ketesei betusiekyik.

ISAIAH 25:2

Amu kiiyai nganaset koek karurugutiet; kiiyai nganaset ne ng’otat koek karatia: kiiyai gotab laitoriat ne bo toek koek ole mami nganaset; magoi ta keteech kogeny.

ISAIAH 34:13

Ak kobitye katok gorikyik che bo laitorinik, ak kobitye siwek ak katablelinik irimoikyik: ak koek meng’otetab lelwek, ak seremutab tiong’ikab songolik.

ISAIAH 44:26

ne igimiti ng’olyotab otwogindennyi, ak kosuldoi kiruogetab chechik che kiyoktoi; ne mwaei agobo Jerusalem kole, Tun kimenyei; ak komwaei agobo nganasokab Juda kole, Tun kiteechei, ak ang’eet komoswekyik che kigoek karatwek:

JEREMIA 1:15

Keero, aguure ortinwek tugul che bo bounatosiekab murot ne bo katam, mwaei Jehovah; ak kobwa, ak konde age tugul ng’echerennyi ne bo laitornatet ye kimandoe eng’ ormarichokab Jerusalem, ak kotokyigei irimoikyik tugul, ak kotokyigei nganasok tugul che bo Juda.

JEREMIA 10:22

Ogeero, kigasei ng’alek kobwanei, ak kirgirenet ne o komong’une emetab murot ne bo katam, si kobiit koyai nganasokab Juda koek karatia, ole menyei lelwek.

JEREMIA 16:10

Ak ye tun iborji bichu ng’alechuto tugul, ak kolenjin, Amu nee si komwa Jehovah yaitioni o agobo achek? Anan nee yaitiennyo? Anan nee tengektanyo ne kigeyachi Jehovah Kamuktaindennyo?

JEREMIA 25:11

Ak koek karatia emoni komugul, ak kwong’et; ak koot bororiosiechu latioriatab Babulon kenyisiek tamanwogik tisab.

JEREMIA 25:18

choto ko Jerusalem, ak nganasokab Juda, ak laitorinikyik, ak bounikyik, si koyai ichek koek karatia, kwong’et, ne kirenyei, ak ne kisasei; ko u eng’ betuni;

JEREMIA 26:18

Kimaoten Mikaia Morastindet eng’ betusiekab Hesekia laitoriatab Juda; ak king’alalji bik tugul che bo Juda kolenji, Kamwa Jehovah ne bo lugosiek ko u ni kole: Kibati Sion ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

JEREMIA 26:9

Amu nee si imaoten eng’ kainetab Jehovah, ile, Igeitu goi Silo, ak koek karatia nganasani, ama komenyei chi? Ak kiiyumjigei bik tugul Jeremia eng’ gotab Jehovah.

JEREMIA 34:22

Ogeero, ang’ate, mwaei Jehovah, ak aweekyi ichek nganasani; ak kobargei ak nganasani, ak koluul, ak kobeel: ak ayai nganasokab Juda koek surkwen, ole ma komenyei chi.

JEREMIA 4:27

Amu mwaei Jehovah ko u ni kole, Egu emet tugul karaita; ago magesu.

JEREMIA 44:2

Mwaei Jehovah ne bo lugosiek, Kamuktaindetab Israel, ko u ni kole: Kiogeer yaitiet tugul ne kiapchi Jerusalem, ak nganasok tugul che bo Juda; ak ogeero, karatwek rani nganasochato, ama mi chi ne menyei oloto;

JEREMIA 49:33

Ak koek Hasor ole menyei lelwek, ak koek karatia koigeny: mamenyei chi oloto, ama tebe oloto lakwa ne bo chi.

JEREMIA 50:3

Amu nyonei bororiet eng’ murot ne bo katam kobokyin, ne yaei emennyi koek karatia, ama menyei chi oloto: kagomwei, kagoba tugul, chi ak tiony.

JEREMIA 51:37

Ak koek Babulon karurugutik, ole menyei lelwek, ne kikwong’e, ak ne kirenyei, ne mamenyei chi.

JEREMIA 8:22

Tos mami mwanik che kinyaise Gilead? Tos mami chepkerichot oloto? Amu nee anyun si ma sob cheptab bikyuk?

RIREKAB JEREMIA 1:4

Iteitos ortinwekab Sion, amu mami chi ne nyonjin tuiyet ne kiging’at; Kigoek karatia ormarichokyik tugul, tigendos tisiikyik: Kinyalili bergeinikyik, ak kotinyei inendet ng’wanindo.

RIREKAB JEREMIA 2:2

Kigolugui Kiptaiyat meng’otosiek tugul che bo Jakobo, ama rire; Kigobut eng’ neregekyik irimoikab cheptab Juda; Kigoturur ichek kobwa ng’ony: Kigong’wanit bounatet ak bounikyik.

RIREKAB JEREMIA 3:47

Kabwanjech kaiyweisiet ak keringet, bananda ak ng’emisiet.

ATEPTAP LAWIK 26:32

Ak ayai emet koek surkwen: ak kokwong’io bunikwok che menyei oloto.

MIKAH 1:6

Ayae anyun Samaria koek karurugutietab emet, ak koigei ole kiminjin sabibuk: ak atumde koikyik koba atebwet, ak ang’any lumeiywekyik.

MIKAH 3:12

Kibati anyun Sion agobo okwek ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

MIKAH 6:16

Amu kiorib ng’atutikab Omri, ak boisionik tugul che bo gotab Ahab, ak obendate kiruogutikwak: si kobiit ayain iegu banan, ak ayai bik che menyei oloto koek che kirenyei; ak oib chotisietab bikyuk.

NG'ATUTIK 29:23

ak kowalak emet komugul koek tuguk che laldos, ak munyuk, ak lalet, kot ko ma kegolei, ama koiyei, ama kobite suswo oloto, kergeitu ak ng’emisietab Sodom ak Gomora, Adma ak Seboim, che king’em Jehovah kowong’ eng’ neregekyik, ak eng’ nyitatennyi:

NG'ANG'UTYET 18:2

Ak kiwaach eng’ kutit ne kim, kole, Kagolul, kagolul Babulon ne o, ak kagoek ole menyei oik, ak irimetab tamirmiriet age tugul ne muruon, ak irimetab tarit age tugul ne muruon ak ne kiwechei.