JEREMIA 9:1 - BUKUIT NE TILIL

¹ Kata mie nda ka beek kityo metinnyu, kondametutab beekab kong’ konyekyuk, si kobiit arir bet ak kemoi agobo che kigibar che bo cheptab bikyuk!

Bukuit Ne Tilil

¹ Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

BUKUIT NE TILIIL Sireet ne Dutero Kanon

¹ Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

JEREMIA 9:1 ပူးပေါင်းရင်းမြစ်များ

TIENWOGIKAL 119:136

Isururune beek che chang’ konyekyuk, Amu maisubi ichek ng’atutieng’ung’.

TIENWOGIKAL 42:3

Kaek beekyuk bo kong’ amitwogikyuk che bo bet ak kemoi, Ye teebena ichek betut komugul kolen, Mi ano Kamuktaindeng’ung’?

TIENWOGIKAL 55:7

Keero, ta kiawe ole loo, Ak ameny ong’atet.

ISAIAH 16:9

Arire anyun eng’ rirekab Jaser agobo ketikab sabibuk che bo Sibma; aisenen beekyuk bo kong’, ee Hesbon, ak Eleale: amu kagobiit waagatab luget eng’ betutab logoeguk che bo kemei ak kesisieng’ung’.

ISAIAH 22:4

Kiamwa anyun ale, Welelge amegeera, si arir eng’ ng’wanindo; mat ibirtege ile igaigaa, amu luuletab cheptab bikyuk.

JEREMIA 13:17

Ago ngot ko mogas ng’olyondonito, korirei sobondanyu eng’ ung’ot agobo menoteng’wong’; ak arir mising’, kot koba beekab kong’, amu kageluul kechirekab Jehovah.

JEREMIA 14:17

Ak imwachi ichek ng’olyondoni ilenji, Ingoba beekyuk bo kong’ kemoi ak bet, ama sisei; amu kail cheptab bikyuk, ne bergeiyat, eng’ ilet ne o, kaguotenet ne ng’wan mising’.

JEREMIA 3:10

Ak eng’ chu tugul ko ma weekyagei eng’ muguleldanyi komugul Juda chepkamennyi, kaberberindet, ago eng’ ng’alset, mwaei Jehovah.

JEREMIA 4:19

Moennyu, moennyu! Atinye ng’wanindo eng’ muguleldanyu orit: rukrugeni muguleldanyu; mamuchi asis; amu kaigas, ee sobondanyu, cheetab iriaget, waagatab luget.

JEREMIA 5:7

Amuktoi ano anyoun kaat? Kigometa lagoguk, ak kigiyosio agobo kanamonik che ma cheptalelisiek: kingo kaabai kobiyong’so, koyai ibetab ge, ak koyumjinotgei gorikab chepkugonik.

JEREMIA 6:26

Ee cheptab bikyuk, igermenege kuniok, ak iburburege orek: itee, ko u ye kitechin werit ne kigii inegei, kateet ne ng’wan mising’; amu cheech ng’emindet.

JEREMIA 8:18

Kata mie agaigaige si magase arogenet, tanui muguleldanyu.

JEREMIA 9:18

ak ingochok, ak koteeiyo agobo achek, si kobiit koba beekyok bo kong’, ak korong’gei beek eng’ konyekyok.

RIREKAB JEREMIA 2:11

Ibwandos konyekyuk amu beekab kong’, nyalili moennyu, Kigorong’jigei ng’ony koennyu, amu ng’emisietab cheptab bikyuk; Amu tanuitos lagok ak che reriei eng’ ortinwekab nganaset.

EZEKIEL 22:12

Kigotaach ichek eng’ inye tugukab kagaigaet si kotumda korotik; kiib kelunet ne siirtoot ak che tesotin, ak kiinyoru borotet eng’ keiyandit amu kiisastae bikab kokweng’ung’, ak kilutiena, mwaei Kiptaiyat Jehovah.

HOSEA 7:4

Ichek tugul ko bik che yaei ibetab ge; u kapkoima ole ilaali beelindetab makatinik; maiyuokyin mat koboch kokwanykwanyi makatiat agoi koguut.