JEREMIA 8:19 - BUKUIT NE TILIL

¹⁹ Ogaso, kutitab rirekab cheptab bikyuk eng’ emet ne loo mising’; tos mami Jehovah Sion? Tos mami Laitoriatab nganasanato oloto? Amu nee anyun si kotacha kot anerech eng’ kanamonikwak che kiwaei, ak tuguk che ter che bo buch?

Bukuit Ne Tilil

¹⁹ Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

BUKUIT NE TILIIL Sireet ne Dutero Kanon

¹⁹ Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

JEREMIA 8:19 ပူးပေါင်းရင်းမြစ်များ

TIENWOGIKAL 135:21

Iberurot Jehovah eng’ Sion, Inendet ne menyei Jerusalem. Olosu Jehovah.

TIENWOGIKAL 137:1

Kigitebe ngegutab ainosiekab Babulon, Ee kigirirtosi eng’ oloto, Ye kingibwati Sion.

TIENWOGIKAL 146:10

Laitorani Jehovah koigeny, Laitorani Kamuktaindeng’ung’ eng’ ibinwek tugul, ee Sion. Olosu Jehovah.

TIENWOGIKAL 149:2

Ingobaibait Israel eng’ yaindennyi: Ingogasgei lagokab Sion eng’ Laitoriandennywa.

TIENWOGIKAL 31:6

Aweche ichek che isubi atebosiek che manyolu che bo lembech: Ago amang’u Jehovah.

ISAIAH 1:4

Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

ISAIAH 12:6

Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.

ISAIAH 13:5

Bunu ichek emet ne loo, ole boch tabandab kipsengwet, inendet Jehovah koboto karikab neregekyik, si kobiit kong’em emet komugul.

ISAIAH 33:22

Amu Jehovah ko kiruogindennyo, Jehovah ko ne konech ng’atutik, Jehovah ko laitoriandennyo; inendet ne soruech.

ISAIAH 39:3

Kinyo anyun maotiot Isaia oldab laitoriat Hesekia, ak koteebe kolenji, Kale nee bichu? Ak kabunu ano kobwanei oling’ung’? Ak kile Hesekia, Kabwa olinnyu kobunu emet ne loo, emetab Babulon.

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

JEREMIA 10:15

Buch choto, boisietab ng’alset: betos eng’ betut ne ityin birenywa.

JEREMIA 14:19

Tos kiiesie Juda iman? Tos kigowech sobondang’ung’ Sion? Amu nee si ibirech, ama mi kasoobet eng’ achek? Kigigen kalyet, ago ma nyo kiy ne mie; kigigen betutab kasoobet, ak keero, kibiit arogenet!

JEREMIA 14:9

Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

JEREMIA 2:5

Mwaei Jehovah ko u ni kole, Nee kit ne ma bo iman ne kinyorja kwanisiekwok, kot kolooitena, ak kosubot tangoita, ak kagoek buch?

JEREMIA 27:10

amu maotenwok lembeita, si koistook olooegitu eng’ emeng’wong’; kole si aonak olusye.

JEREMIA 31:6

Amu biitu betut ye ititendos ribik eng’ tulonok che bo Epraim, kole, Ong’eetye, kebe Sion oldab Jehovah Kamuktaindennyo.

JEREMIA 32:30

Amu kigoyai lagokab Israel ak lagokab Juda ne ya eng’ tainnyu koboch ming’inatenywa: amu kigotacha lagokab Israel anerech eng’ boisionikab eunekwak, mwaei Jehovah.

JEREMIA 7:19

Tos tacha bichoto anerech? Mwaei Jehovah. Tos matachegei ichegei, si kogochigei kalilanet eng’ togochikwak?

JEREMIA 8:20

Kagosiirto kesisiet, kagogesgei kemeut, ago tomo kesoruech.

JEREMIA 9:16

Ak ayestochi ichek bororiosiek, che kima nai ichek anan kwanisiekwak: ak ayokte rotwetab chok kosub ichek, kot agesu.

EZEKIEL 48:35

Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.

JOEL 2:32

Ak tun kisoru age tugul ne kuurei kainetab Jehovah: amu tun mitei che chilildos eng’ tulwetab Sion ak Jerusalem, ko u ye kigomwa Jehovah, ak tun kuurei Jehovah alak eng’ ichek che king’et.

JOEL 3:21

Ak aanyiny korotikwak che tom aanyiny: amu menyei Jehovah Sion.

OBADIA 1:17

Ago biitu che chilildos eng’ tulwetab Sion, ak kotililit; ak konam gotab Jakobo tugukab bichoto, kobunji.

MIKAH 4:9

Amu nee anyun si iwaach? Tos metinye laitoriat, tos kigobet ching’ung’ ne bo kapkiruok, kot konamin ng’woninwek che u che bo kwondo ne machei kosigis?

SEPANIA 3:15

Kagoisto Jehovah kiruogutiguk, kigoon bunyondeng’ung’: mi kwenung’ung’ laitoriatab Israel, inendet Jehovah: ma iywei yaitiet agoi.

SEKARIA 2:9

Ogeero, ang’werei ichek, ak koek luulenik eng’ ichek che kiotei ichek: ak onai ole kiiyokwa Jehovah ne bo lugosiek.

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

NG'ATUTIK 31:17

Kolal anyun nereknatennyu eng’ betunoto agobo ichek, yeityo abagakte, ak auny togennyu, ak kiwong’ ichek, ak kobwanji yaitwogik ak nyalilwogik che chang’; ak kole eng’ betunoto, Tos mabwanjech yaitwogtichu amu mami Kamuktaindennyo kobotech?

NG'ANG'UTYET 2:1

Sirji malaikaiyat ne bo kaniset ne mi Epeso, ilenji: Mwaei tuguchu inendet ne namei kecheik tisab eng’ eunnyi ne bo tai, inendet ne wendote kwenutab kelyek tisab che bo taisiek che bo tahabu: