JEREMIA 8:14 - BUKUIT NE TILIL

¹⁴ Amu nee si ketebi ak kesistosi? Oyumge, ak ongebe nganasok che ribotin, ak kesisye eng’ oloto: amu kagonech Jehovah Kamuktaindennyo kesisye, ak kogonech beekab kipsegetetiet kee, amu kigeyachi Jehovah tengekto.

Bukuit Ne Tilil

¹⁴ Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

BUKUIT NE TILIIL Sireet ne Dutero Kanon

¹⁴ Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

JEREMIA 8:14 ပူးပေါင်းရင်းမြစ်များ

2 SAMUEL 20:6

Ak kilenji Daudi Abisai, Yaiywech yaitiet Sheba weritab Bikri nguno kosiir ne kiyai Absalom: imut anyun otwogikab kiptaiyandeng’ung’, ak isub inendet, si manamjigei nganasok che ng’ototin, ak kochilil si mata kegeer.

TIENWOGIKAL 39:2

Kinamak kutinnyu, ak kiasis, agot eng’ che miach; Ak kiging’eet arogenennyu.

TIENWOGIKAL 69:21

Kigona tuguk che ng’wonen koek amitwogik; Ak ye kiama melel konaga siki aee.

ISAIAH 47:5

Tebi eng’ sisek, ak iwe mesundeito, ee cheptab Kaldeik: amu ma keguurenen kogeny Chebiosetab bountosiek.

JEREMIA 14:20

Ee Jehovah, king’anye tengektanyo, ak yaitietab kwanisiekyok: amu kigeyaun tengekto.

JEREMIA 14:7

Agot ngo baorianjinech tengekwogikyok, ee Jehovah, boisie amu kaineng’ung’: amu chang’ kachuchugosiekyok bo ge; kigeyaun tengekto.

JEREMIA 23:15

Mwaei anyun Jehovah ne bo lugosiek agobo maotik ko u ni kole: Ogeero, abae ichek ng’wonet, ak agochi beek koee: amu kigoyom emet tugul muruonindab maotikab Jerusalem.

JEREMIA 3:25

Ongeruiye eng’ kalilanennyo, ak ingotuchech tewernatennyo: amu kigeyachi tengekto Jehovah Kamuktaindennyo, achek ak kwanisiekyok, koboch ming’inatennyo agoi betuni: ama kigas it kutitab Jehovah Kamuktaindennyo.

JEREMIA 35:11

Ago ye kinyo Nebukadresar laitoriatab Babulon emoni, ko kigile, Obwa kebe Jerusalem amu kiywei lugetab Kaldeik, ak kiywei lugetab Suriek; kemeny anyun Jerusalem.

JEREMIA 9:14

ago kibendate uuindab mugulelwekwak, ak kosub Baalik, che kiineti kwanisiekwak;

JEREMIA 9:15

mwaei anyun Jehovah ne bo lugosiek, Kamuktaindetab Israel, ko u ni kole, Ogeero, abae bichuto ng’wonet, ak anage ichek beek che bo kipsegetetiet koee.

RIREKAB JEREMIA 3:19

Ibwat nyalildanyu ak bichiindanyu, ng’wonet ak kipsegetetiet.

ATEPTAP LAWIK 10:3

Kilenji Musa anyun Aron, Ni kit ne kimwa Jehovah, kole, Aegu ne tilil eng’ ichek che rikyina, ak anyoru torornatet eng’ taitab bik tugul. Ak kisis Aron.

AMOS 6:10

Ak ye sut chi imamet, ne inendet ne beelei, si koib kowek komong’ eng’ go, ak kolenji inendet ne mi komoswek che bo orit che bo got, Tos ta omi ak age? Ak kole inendet, Achicha; kole anyun, Sis; amu magichamwech kemwa kainetab Jehovah.

HABAKUK 2:20

Ago mi Jehovah hekalunnyi ne tilil: ingosis ng’ony komugul eng’ tainnyi.

SEKARIA 2:13

Osisye, okwek bik tugul eng’ taitab Jehovah: amu kagong’eet eng’ meng’otennyi ne tilil.

MATAYO 27:34

kogochi ichek inendet siki koee che kigiburukto tuguk che ng’wonen: ak ye kingo kagochamjam, koesio koee.

NG'ATUTIK 29:18

si mabiit chi eng’ okwek mureno anan kwondo, anan gab chi, anan oret, ne mastoi muguleldanyi rani kobagakta Jehovah Kamuktaindennyo, kwo koot kanamonikab bororiosiechoto; si mabiit eng’ okwek tigitiotab ng’wanindo ak ng’wonet;

NG'ATUTIK 32:32

Amu ketinywa ne bo sabibuk kobunu ketitab Sodom, Ne bunu mbarenikab Gomora: Murmure bich sabibukwak, Ng’wonen sabibukwak che kiirurugok: