JEREMIA 8:13 - BUKUIT NE TILIL

¹³ Agesu ichek, mwaei Jehovah: mang’etu sabibuk eng’ ketik, ama ng’etu logoek eng’ mogoonik ak koresyo sogek; ak kobetyo eng’ ichek tuguk che kigagochi.

Bukuit Ne Tilil

¹³ Ageesu icheek, mwaei Kamuktaindet ne Toroor. Ma ng'etu sabibuk eng' keetiik, ama ng'etu logoek eng' mogoonik ak koresyo sogeek, ak kobetyo eng' icheek tuguuk che kiga koochi.

BUKUIT NE TILIIL Sireet ne Dutero Kanon

¹³ Ageesu icheek, mwaei Kamuktaindet ne Toroor. Ma ng'etu sabibuk eng' keetiik, ama ng'etu logoek eng' mogoonik ak koresyo sogeek, ak kobetyo eng' icheek tuguuk che kiga koochi.

JEREMIA 8:13 ပူးပေါင်းရင်းမြစ်များ

ISAIAH 5:10

Amu yiei ekaisiek tamanu che bo mbaretab sabibuk, debeinik aeng’, ak koi keswekab homer, epah agenge.

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 14:15

Mwaei Jehovah anyun ko u ni agobo maotik che maoteni eng’ kainennyu, che ma ayokte, ago mwaei ichek kole, Mabiitu rotwetab chok anan rubet eng’ emoni, kole, Kigesu maotichoto eng’ rotwetab chok ak rubet.

JEREMIA 17:8

Amu igeitu inendet ketit ne kigiminji ole negite beek, ak kowaktoi tigitikyik eng’ ole negite ainet, kamaiyweisiei ye biitu kiptoret, ago tuonitu sogekyik; ama toptobeni eng’ kenyitab kemeut, ama metoi koi logoek.

JEREMIA 5:17

Ak koam beguk, ak amitwogiguk, che kita nyoljin koam weriguk ak tibiguk: ak koam ichek kechireguk ak akwotisieguk: amei ketiguk che bo sabibuk ak mogooniguk: ak kobut eng’ rotwetab chok nganasoguk che ng’ototin, che imang’u.

JEREMIA 7:20

Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

EZEKIEL 22:31

Kaarong’ji anyun neregekyuk ichek amu noto; kaagesu eng’ matab neregekyuk: kiande ortinwekwak metowekwak, mwaei Kiptaiyat Jehovah.

HOSEA 2:12

Ak ang’em ketikyik che bo sabibuk, ak mogoonikyik, che kigomwa kole, Chu ko tuguk che kialena chamanikyuk: ak ayai tuguchoto koek osnet, ak koam tiong’ikab timin.

JOEL 1:7

Kagong’em ketinnyu ne bo sabibuk, ak kobach mogoiywennyu: kigobony, ak kowirta; kagoleelagitu temenikyik.

ATEPTAP LAWIK 26:20

ak oboisie buch kimnateng’wong’; amu magonu emeng’wong’ ruratet, ak maiitos ketikab emet logoekwak.

HABAKUK 3:17

Amu ngot ko ma yie mogoiywet, Anan ko ma rurio ketikab sabibuk; Koek buch boisietab emdit, Ama biitu amitwogik eng’ mbarenik; Ak kebar akwotisiekab kechirek eng’ biusiek, Ama komi akwotisiekab tuga eng’ biusiek:

HAGGAI 1:11

Ak kiang’at kobiit kemeut eng’ emet, ak eng’ tulonok, ak eng’ bek, ak eng’ divaik, ak eng’ mwanik, ak eng’ tuguk che bitos eng’ ng’ony, ak eng’ bik, ak eng’ tuga, ak eng’ boisionik tugul che bo eunek.

HAGGAI 2:17

Kiabirenok chelalitiet ak uchatet ak koikab ropta eng’ boisionik tugul che bo eunekwok; ago ma oweekyage, mwaei Jehovah.

MALAKI 3:11

Ak ager kong’ ne amisioti amu okwek, si mang’em ruratetab emeng’wong’; ama oosu ketikwok che bo sabibuk kotomo koit betusiek, mwaei Jehovah ne bo lugosiek.

MATAYO 21:19

Ak kingogeer eng’ tabandab oret mogoiywet, kwo ole mi, amanyorji kiy, kobate sogek kityo; ak kilenji ketoto, Koboch ra, ko ma iyie logoek agoi koigeny. Ak kires ngunoto mogoiywondonoto.

JAKOBO 1:11

Amu choru asista koboto usonet ne beelei tuguk, ak kobeel suswek koresyo; ak kobutyo taptokwak, ak kobet kororonindab itondanywa: betei ko u noto agine magoriot eng’ ortinwekyik.