JEREMIA 8:12 - BUKUIT NE TILIL

¹² Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

Bukuit Ne Tilil

¹² Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Tuun ibutos anyun icheeget kobooto chooto ki ibutyo. Tuun ki wiirtoi icheek eng' peetuut ne kibirei, mwaei Kamuktaindet ne Toroor.”

BUKUIT NE TILIIL Sireet ne Dutero Kanon

¹² Tos ki ililanso ye kingo yai tuguuk che kiwechei? Achicha, ma ililanso agot kitigin, ama walogis togoochikwak. Tuun ibutos anyun icheeget kobooto chooto ki ibutyo. Tuun ki wiirtoi icheek eng' peetuut ne kibirei, mwaei Kamuktaindet ne Toroor.”

JEREMIA 8:12 ပူးပေါင်းရင်းမြစ်များ

TAUNET 19:34

Ak eng’ betut ne kiisubi noto, kolenji ne o ne ming’in, Keero, kogiruiye lagat ak baba: nginage maiyek kemouni bo ra kogeny; ak iwe inye oruiye tuwai, si kerib iyotetab kwandanyo.

TIENWOGIKAL 52:1

Amu nee si ilosuge eng’ yaitiet, ee inye ne chito korom, Tebyei rirenetab Kamuktaindet kotugul.

TIENWOGIKAL 52:7

Ogeero, nito chito ne kima cham koek kimnatennyi Kamuktaindet; Ago kiimang’ chang’indab magornatosiekyik, Ak kiigimitgei eng’ tengektanyi.

ISAIAH 24:2

Ak kit ne u eng’ bik, ko u noto eng’ tisiindet; kit ne u eng’ otwogindet, ko u noto eng’ kiptaiyandennyi; kit ne u eng’ otwogindet ne chepto, ko u noto eng’ chebioset ne bou inendet; kit ne u eng’ alindet, ko u noto eng’ aldaindet; kit ne u eng’ chito ne besendoi, ko u noto eng’ besenindet; kit ne u eng’ ne ibei keljinet ne siirei, ko u noto eng’ ne igochin inendet.

ISAIAH 3:9

Baorianjin ichek togochikwak; ak komwaitoi tengekwogikwak ko u Sodom, maunyei. Bwa eng’ sobonwekwak! Amu kagoyaakyigei yaitiet.

JEREMIA 10:15

Buch choto, boisietab ng’alset: betos eng’ betut ne ityin birenywa.

JEREMIA 14:15

Mwaei Jehovah anyun ko u ni agobo maotik che maoteni eng’ kainennyu, che ma ayokte, ago mwaei ichek kole, Mabiitu rotwetab chok anan rubet eng’ emoni, kole, Kigesu maotichoto eng’ rotwetab chok ak rubet.

JEREMIA 23:12

Egu anyun orenywa komoswek che chaboen eng’ mesundeito: kionei kot kobutyo: amu aipchini yaitiet, eng’ kenyit ne aityini birenywa, mwaei Jehovah.

JEREMIA 3:3

Kigeger anyun ropta amu noto, si mata kobiit ropta ne bo let; ago itinye togetab chepkugoniot, ak iesioi ililan.

JEREMIA 44:10

Ma iming’ingei agoi rani, anan koiyweis, anan kobendate ng’atutikyuk, anan kayomisutikyuk, che kiande taing’wong’, ak eng’ taitab kwanisiekwok.

JEREMIA 6:15

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget che ibutos: tun kiwirtoi eng’ betut ne anyonjini ichek abire, mwaei Jehovah.

JEREMIA 6:21

Mwaei anyun Jehovah ko u ni kole, Ogeero, andoi taitab bichu kanagutik: ak konach kwanisiek koboto werik; ak kolus chitab kokwet koboto choruennyi.

EZEKIEL 23:18

King’any anyun kugoinatosiekyik, ak kong’anygei koteb ach ngor: koistoegei anyun sobondanyu inendet, ko u ye kiistoegei sobondanyu tupchennyi.

HOSEA 5:9

Egu karatia Epraim eng’ betutab keretab kong’: kiaboru eng’ kwenutab bororiosiekab Israel kit ne tun biitu.

SEPANIA 3:5

Bo iman Jehovah ne mi kwenunnyi; mayaei tengekto; ibortoi kiruogennyi karonet age tugul, yaei kosulda; ago maililandos bik che ma bo iman.

NG'ATUTIK 32:35

Nenyu mugetut, ak kageeret, Eng’ betut ne kagochabaita kelyekwak: Amu karik betutab nyalildanywa, Ak chogu tuguk che bwanjin ichek.

PILIPIK 3:19

ne kagesunenywa ko luset, ne cheptalelinywa ko moet, ne kalosunenywa ko tewernatenywa, che ibwati tugukab ng’ony.