JEREMIA 8:10 - BUKUIT NE TILIL

¹⁰ Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

Bukuit Ne Tilil

¹⁰ Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

BUKUIT NE TILIIL Sireet ne Dutero Kanon

¹⁰ Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

JEREMIA 8:10 ပူးပေါင်းရင်းမြစ်များ

Kitabuutap JOB 31:10

Ingong’aisechi anyun osotiondennyu chito age, Ingong’urukyi alage inendet.

ISAIAH 28:7

Ago kigochilil chuto agichek amu divaik, ak kigomasta amu maiyek; kigochilil tisiindet ak maotiot amu maiyek, kigomaluuch divaik ichek, kigomasta amu maiyek; ichiliili eng’ ng’ang’utiet, ibutos eng’ kiruoget.

ISAIAH 57:17

Amu kianerech agobo tengektab kasennyi ne bo miat, ak abir inendet, kiauny togennyu ak anerech: ak kites komaasak eng’ oretab muguleldanyi.

JEREMIA 14:14

Kilenja anyun Jehovah, Maoteni maotik lembechek eng’ kainennyu: ma ayokte ichek, ama ang’at ichek, anan ang’alalji: maotenwok ng’ang’utiet ne bo lembech, koboto ng’orset, ak kit ne bo buch, ak kaberberisietab mugulelwekwak.

JEREMIA 14:18

Ngot ale awa mbar, ogeero, che kigebare rotwetab chok! Ak ngot ale awa nganaset, ogeero, mitei che nyaluldos amu rubet! Amu bendoti eng’ emet maotik ak tisiik ama tinyei naet.

JEREMIA 17:11

Ko u taiywet ne iyumi arek che ma chechik, u noto ne nyoru magornatosiek, ama eng’ iman; betos kota kosobei inendet, ak koek inendet eng’ kagesunennyi, chito ne berber.

JEREMIA 22:17

Ago matokyingei konyeguk ak muguleldang’ung’ kiy age kobate tugukab ng’wen, ak tumdaetab korotik che matinyei tengek, ak sastaet, ak koromnatet, koyai choto.

JEREMIA 32:32

amu yaitiet tugul ne bo lagokab Israel ak ne bo lagokab Juda, che kigoyai kotagena anerech, ichek, laitorinikwak, bounikwak, tisiikwak, ak maotikwak, ak bikab Juda, ak bik che menyei Jerusalem.

JEREMIA 38:22

Keero, kimuti kwonyik tugul che ng’etu eng’ gotab laitoriatab Juda koba oldab bounikab laitoriatab Babulon, ak mwaei kwonyichoto kole, Kagoberberin choronoguk che ingen, ak kagoterterin: kagorat anyun ng’atatek kelyeguk, kagoweeigei let ichek.

JEREMIA 42:1

Kirik anyun kiptainik tugul che bo lugosiek, ak Johanan weritab Karea, ak Jesania weritab Hosaia, ak bik tugul kong’eete ne ming’in agoi ne o,

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

RIREKAB JEREMIA 4:13

Kibiit ko u nito amu tengekwogikab maotikyik, ak yaitwogikab tisiikyik, Che kitumda korotikab bik che bo iman eng’ kwenunnyi.

EZEKIEL 33:31

Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.

AMOS 5:11

Amu kiotiechatiech kibananok, ak omage ichek bek eng’ kimnatet: kioteech anyun gorik eng’ koik che kigiwai, ago momenye gorjoto; kiomin mbarenik che kororon che bo sabibuk, ago moee divaikwak.

MIKAH 2:4

Mwaei eng’ betunoto kalewenet agobo inye, ak korir eng’ rirek che ng’wonen, kole, Kageng’emech kigeswech: walei kebebertab bikyuk: istoena kiito kot koit ano! Pchechin ngelelik mbarenikyok.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MIKAH 3:5

Mwaei Jehovah ko u ni agobo maotik che igochin bikyuk kolel; che susisiei eng’ kelekwak ak kowaachei kole, Kalyet; ak age tugul ne mabaei ichek kochobei luget agobo inendet:

HABAKUK 1:6

Amu, keero, ang’eeti Kaldeik, bororiet ne korom ne choktoi; che bunei kwenutab emet, si konam meng’otosiek che ma chechuak kobunji.

SEPANIA 1:13

Ak keluul magornatenywa, ak koguber gorikwak: ee, teechei gorik, ago mamenyei; ak komin mbarenikab sabibuk, ago maeei divaikwak.

TITO 1:11

che kanyol keger kutuswekwak; che itarng’anyi go komugul, koneti tuguk che kama konyolu amu magornatetab tewernatet.

TITO 1:7

Amu kanyolji ribindetab kaniset koek chi ne matinyei lelut, inendet ne ribindetab boisietab Jehovah; ma ne isubi magennyi, ne ma sib konerechi, ne ma kimaiya, ne mabirisiei, ne ma ting’e keiyandit magornatetab tewernatet;