JEREMIA 7:8 - BUKUIT NE TILIL

⁸ Ogeero, omang’u ng’alekab lembech, che maimuchi kogon kelunet.

Bukuit Ne Tilil

⁸ Ago ogeero, omang'u okweek ng'aleegap lembech che ma imuuchi kogoonok kelunet age tugul.

BUKUIT NE TILIIL Sireet ne Dutero Kanon

⁸ Ago ogeero, omang'u okweek ng'aleegap lembech che ma imuuchi kogoonok kelunet age tugul.

JEREMIA 7:8 ပူးပေါင်းရင်းမြစ်များ

ISAIAH 28:15

Amu kiomwa ole, kigiyomisge ak meet, ak kigiyanjine ak oldab meet; ye siirto biret ne o, ko maityinech; amu kigeyai lembechek koek ole kimwechini, ak kigiung’ege lembeita:

ISAIAH 30:10

che mwachin keerik kolenji, Amogeer; ak kolenji maotik, Amomaotenwech tuguk che bo iman, omwawech tuguk che tangus, omaoten kaberberisiosiek:

ISAIAH 59:4

Mami agot agenge ne cheng’ei imanda ne bo kiruoget, ama mi ne ibei ng’alek che bo iman kapkiruok: imang’u ichek tangoita, ak komwaei lembechek; manachi yaitiet, ak koi tengekto.

JEREMIA 13:25

Kebebertang’ung’ nito, kebeberta ne bunwa ne kigigerun, mwaei Jehovah; amu kiiutiena, ak imang’u lembechek.

JEREMIA 23:26

Tebe kot kotianit nito mugulelwekab maotik che maoteni lembechek, maotikab kaberberisietab mugulelwekwak,

JEREMIA 23:32

Mwaei Jehovah kole, Ogeero, agirindoi ichek che maoteni karuotitaosiekab lembech, komwaita, ak kogochi bikyuk kolel amu lembechekwak, ak eng’ kachaunenywa bo ge ne bo buch: ago ma ayokte, anan ang’at ichek; ama toreti bichu agot kitigin, mwaei Jehovah.

JEREMIA 28:15

Yeityo komwachi maotiot Jeremia maotiot Hanania, kolenji, Kaso, Hanania. Ma iyogun Jehovah; ago igochini bichu komang’ lembeita.

JEREMIA 4:10

Kiamwa anyun ale, He Kiptaiyat Jehovah! Iman kiiberber mising’ bichu ak Jerusalem, ilenji, Onyoru kalyet; ago ityin rotwetab chok sobondo.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 7:4

Amomang’u ng’alekab lembech ole, Hekalutab Jehovah, hekalutab Jehovah, hekalutab Jehovah chuto.

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.