JEREMIA 7:6 - BUKUIT NE TILIL

⁶ ngot ko mosastoe toondet, ak ne matinyei kwanda, ak mosoget, ak amotumde korotik che matinyei tengek eng’ olito, anan osubote chjeptalelisiek che ter ogochinege nyalilda:

Bukuit Ne Tilil

⁶ ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

BUKUIT NE TILIIL Sireet ne Dutero Kanon

⁶ ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

JEREMIA 7:6 ပူးပေါင်းရင်းမြစ်များ

2 LAITORINIK 21:6

Ak kiigoito werinnyi kobun mat, ak kong’orso, ak koboisie bonisiet, ak kobois koboto bik che boisie oik, ak bonik: kiyai yaitiet eng’ taitab Jehovah, kotach inendet konerech.

2 LAITORINIK 24:4

ak agobo korotik che matinyei tengek che kitumda; amu kiinyiit Jerusalem korotik che matinyei tengek: ak kiesio Jehovah konyochi kaat.

TIENWOGIKAL 106:38

Ak kitumda korotik che matinyei tengek, korotikab werikwak ak tibikwak, Che kiigochi kanamonikab Kanan koek tiseiywek; Ak kiging’wanit emet eng’ korotik.

KALEWANAIK 23:10

Ameiste kiwotet ne bo keny; Amewe mbarenikab che matinyei kwanisiek;

ISAIAH 59:7

Ruachin kelyekwak yaitiet, ak kochoktoi kotumda korotik che matinyei tengek: kabwatutikwak ko kabwatutikab tengekto; mi ortinwekwak kubernatet ak ng’emisiet.

JEREMIA 13:10

Igeitu birenoni ma kotilei kiy, bichu yaachen, che esioi kogas ng’alekyuk, che bendote uuindab mugulelwekwak, ak kosuboti kanamonik che ter, si koot ichek, ak kolos.

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 2:30

Kiabir lagokwok buch; ma cham kotigonet: kigobar rotweng’ung’ bo chok maotikwok, ko u ng’etundo ne ng’emisiei.

JEREMIA 2:34

Mitei kogeny ngoroiguk korotikab kibananok che matinyei tengek: ma anyorji ole kigobutok, ago kianyorji chuto tugul.

JEREMIA 26:15

Ago onai komie ole, ngot obara, oipchinige korotik che matinyei tengek, koboto nganasani, ak bik tugul che menyei olito: amu kagoyokwa Jehovah iman anyo amwawok ng’alechuto tugul ogase.

JEREMIA 26:23

ak kiimut Uria eng’ Misri, komutyi Jeoiakim laitoriat, ne kibar inendet eng’ rotwetab chok, ak kowirji mustanyi kererisiekab bik che ma toogunotin.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 5:28

Kigonerio mising’, iluu: ee, siirtootin ichek eng’ boisionikab sogornatet: mairuochi, maibesiechin ne matinyei kwanda, si kobiit kiberur; ama iruoksechin komie che bonondos.

JEREMIA 7:5

Amu ngot olitit komie ortinwekwok ak boisionikwok; ak ngot oruoksechi komie chi ak chitab kokwennyi;

JEREMIA 7:9

Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

RIREKAB JEREMIA 4:13

Kibiit ko u nito amu tengekwogikab maotikyik, ak yaitwogikab tisiikyik, Che kitumda korotikab bik che bo iman eng’ kwenunnyi.

EZEKIEL 18:6

ak tomo koamisie tulonok, ama tokyi kanamonik che bo gotab Israel, ama ing’wanit osotiotab chitab kokwennyi, ama rikyi kwony eng’ betusiekyik che bo arawet;

EZEKIEL 22:7

Kigosas ichek eng’ inye kwanda ak kamet; kigonyalil ichek toek eng’ kwenung’ung’: kigoyachi ne ya eng’ inye ne matinyei kwanda ak mosoget.

ATEPTAP LAWIK 19:33

Ameyachi ne ya toondet ne mi koboten eng’ emeng’wong’.

ATEPTAP LAWIK 25:17

Ago amoyachigei ne ya, okwege eng’ okwege; ago iywei Kamuktaindeng’ung’: amu a Jehovah Kamuktaindeng’wong’.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 27:25

Ak kiwol bik tugul kole, Ingotebenech korotikyik, ak eng’ lagokyok.

MATAYO 27:4

kole, Kaayai tengekto amu kaang’wekte korotik che matinyei tengek. Ago kile ichek, Botech eng’ nee? Yaoti inyege.

NG'ATUTIK 11:28

ak egu chubisiet ngo mogas ng’atutikab Jehovah Kamuktaindeng’wong’, ngomaste eng’ oret ne kaang’atak rani, osub kanamonik, che tom onai.

NG'ATUTIK 24:17

Amemaas kiruogetab toondet, anan ne matinyei kwanda; anan iname besendo ngorietab mosoget:

NG'ATUTIK 27:19

Chubot chi ne imaasi kiruogetab ne toondet, ak ne matinyei kwanda, ak mosoget. Ak kole bik tugul, Amen.

NG'ATUTIK 8:19

Ak ngiutie Jehovah Kamuktaindeng’ung’, isub kanamonik, iot, ak igutung’ji, abaoriani agobo okwek rani ale olustosi iman.

JAKOBO 1:27

Kayanet ne tilil ne matinyei muruonindo eng’ taitab Jehovah Kwanda, ko ni: kowendi kogeerei che matinyei sigikwak ak mosogik eng’ nyalildanywa, ak koripgei inendet eng’ ng’ony koek ne matinyei tisia.