JEREMIA 7:4 - BUKUIT NE TILIL

⁴ Amomang’u ng’alekab lembech ole, Hekalutab Jehovah, hekalutab Jehovah, hekalutab Jehovah chuto.

Bukuit Ne Tilil

⁴ Amomang'u ng'aleechu po lembech ak ole: “Hekaluutap Kamuktaindet ne Toroor, Hekaluutap Kamuktaindet ne Toroor, Hekaluutap Kamuktaindet ne Toroor chuuto!”

BUKUIT NE TILIIL Sireet ne Dutero Kanon

⁴ Amomang'u ng'aleechu po lembech ak ole: “Hekaluutap Kamuktaindet ne Toroor, Hekaluutap Kamuktaindet ne Toroor, Hekaluutap Kamuktaindet ne Toroor chuuto!”

JEREMIA 7:4 ပူးပေါင်းရင်းမြစ်များ

1 LAITORINIK 9:7

ang’etoi Israel anyun eng’ emet ne kiagochi; ak goi kiatilil agobo kainennyu, aistoi eng’ tainnyu; si koek Israel kalewenet ak atindiot eng’ bik tugul:

ISAIAH 48:2

Amu mwaei kole ki bo nganaset ne tilil, ak kotiiegei Kamuktaindetab Israel: kainennyi ko Jehovah ne bo lugosiek.

ISAIAH 59:4

Mami agot agenge ne cheng’ei imanda ne bo kiruoget, ama mi ne ibei ng’alek che bo iman kapkiruok: imang’u ichek tangoita, ak komwaei lembechek; manachi yaitiet, ak koi tengekto.

ISAIAH 66:1

Mwaei Jehovah ko u ni kole, Kipsengwet ko ng’echerennyu ne bo laitornatet, ak ng’ony ko ng’echeretab kelyekyuk: oteekwa got ne u nee? Ak komosta ano ole amuung’e?

JEREMIA 28:15

Yeityo komwachi maotiot Jeremia maotiot Hanania, kolenji, Kaso, Hanania. Ma iyogun Jehovah; ago igochini bichu komang’ lembeita.

JEREMIA 29:23

amu kigoyai berberindo eng’ Israel, ak koyai ibetab ge ak osotikab bikab kokwenywa, ak kigomwa ng’alek che bo lembech eng’ kainennyu, che kima ang’at ichek; ak ko anendet ne angen, ak ko a baoriat, mwaei Jehovah.

JEREMIA 29:31

Iyokyi ng’olyot bik tugul che kigeluul, ilenji, Kamwa Jehovah agobo Semaia Neelamindet, ko u ni kole: Amu kigomaotenwok Semaia, ak kima ayogu, ak kogogonok omang’u lembeita;

JEREMIA 6:14

Kigonya kogeny mookab bikyuk kobir barak, kolenjin, Kalyet, kalyet; ye mami kalyet.

JEREMIA 7:14

ayachini anyun goyoto, noto kimwaitoe kainennyu, ne omang’u, koboto komosta ne kiagonok ak kwanisiekwok, ko u ye kiayachi Silo.

EZEKIEL 13:19

Ak kiong’wanita eng’ bikyuk agobo sairik che bo rubeito ak kererutikab makatinik, si obar sobonwekab bik che ma nyoljin kobek, ak osoru sobonwekab bik che ma nyoljin kosopcho amu lembechekwok che omwachini bikyuk che chamei kogas lembechechoto.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

SEPANIA 3:11

Matun ililani eng’ betunoto eng’ boisioniguk tugul, che kiiyaiywa ibistoe: amu tun aistoi komong’ eng’ kwenung’ung’ menotiguk che itororigei, si ma ichauge kogeny eng’ tulwennyu ne tilil.

LUKA 3:8

Oii anyun logoek che nyoljin sigunet, amotau omwa eng’ mugulelwekwok ole, Kitinye kwandanyo Abraham: amu amwawok ale, eng’ koichu komuchi Jehovah kong’eetyi Abraham lagok.