JEREMIA 7:31 - BUKUIT NE TILIL

³¹ Ak kigoteech komoswek che tororen che bo Topet, ne mi atebwetab weritab Hinom, si kobeel werikwak ak tibikwak eng’ mat; ne kima ang’at, ne ma kuura met.

Bukuit Ne Tilil

³¹ Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

BUKUIT NE TILIIL Sireet ne Dutero Kanon

³¹ Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

JEREMIA 7:31 ပူးပေါင်းရင်းမြစ်များ

2 LAITORINIK 17:17

Ak kiigoito werikwak ak tibikwak kobun mat, ak kiboisie ng’orset ak bonisosiek, ak koaldagei koyai yaitiet eng’ taitab Jehovah, kotach inendet konerech.

2 LAITORINIK 23:10

Ak kiing’wanit Topet, ne mi atebwetab lagokab Hinom, si ma igoito chi werinnyi anan ko cheptanyi kobun mat kogochi Molek.

2 LAITORINIK 23:20

Ak kibar tisiik tugul che bo komoswek che tororen che kimi yoto, eng’ kapkorosusiek, ak kobeel kowekab bik eng’ baragunywa; ak koweek kwo Jerusalem.

2 ATEPTAP PEETUUSYEK 28:3

Kibeel kogeny nyamdutik eng’ atebwetab weritab Hinom, ak kobeel lagokyik eng’ mat, ko u tuguk che kiwechei che bo bororiosiek, che kiga on Jehovah eng’ taitab lagokab Israel.

2 ATEPTAP PEETUUSYEK 33:6

Ak kiigoito kogeny lagokyik kobun mat eng’ atebwetab weritab Hinom: ak king’orso ak kiisogis, ak kiyai bonisiet, ak king’alal ak che boisie oik ak bonik: kiyai yaitiet ne o eng’ taitab Jehovah, kotach inendet konerech.

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

ISAIAH 57:5

che olaali mageng’wong’ eng’ ketik kel, eng’ kelutab ketit age tugul ne tuon; okwek che obare lagok eng’ atebwosiek, eng’ ole kibetak eng’ ruandosiek?

JEREMIA 19:2

ak obe agoi atebwetab weritab Hinom, ne mitei ye negite ole kibunei eng’ ormarichetab rokyonik, ak imwaite eng’ yoto ng’alek che ta amwaun:

JEREMIA 2:23

Imuktoi ano anyun ile, Ma a muruon, ma asub Baalik? Keer oreng’ung’ eng’ atebwet, nai kit ne kaiyai: i moitab tambesiet ne chepcheb ne isubi ortinwekyik;

JEREMIA 32:34

Ago kiinde tugukwak che kiwechei, got ne kimwaitoe kainennyu, kong’wanit.

JEREMIA 32:35

Ak kiteech komoswek che tororen che bo Baal, che mi atebwetab weritab Hinom, si kogoito werikwak ak tibikwak kobun mat kogochi Molek; ne kima ang’at, ama kuura met, ale si kobiit koyai kii kiwechei; ak kogochi Juda koyai tengekto.

EZEKIEL 16:20

Kiinam kogeny weriguk ak tibiguk, che kiisikwa, ak ieng’ji ichek si kobiit koam. Tos ki kit ne ming’in kugoinatosieguk,

EZEKIEL 20:26

ak kiamuruon ichek eng’ konunoikwak ichegei, amu kiigoito lagok tugul che yatei iyotet kobun mat, si kobiit agochi ichek kobononso, si konai kole a Jehovah.

EZEKIEL 20:31

Ak ye ogoitoi kagochinoikwok, ye ogoitoi werikwok kobun mat, ko tos ma omuruonege kanamonikwok agoi rani? Ko tos oteepsena, okwek gotab Israel? Mwaei Kiptaiyat Jehovah kole, Ko u ye asobe, ko ma achame oteepsena:

ATEPTAP LAWIK 18:21

Amegoite iyoteng’ung’ ibeelji Molek, ak amereny kainetab Kamuktaindeng’ung’: a Jehovah.

MIKAH 6:7

Tos baibaitune Jehovah mengichik elfusiek, anan ainosiek elfusiek taman che bo mwanik? Tos agoite taitanyu agobo bistoennyu, agoite iyotetab bortanyu agobo tengektab sobondanyu?

NG'ATUTIK 12:31

Ameyachi ko u noto Jehovah Kamuktaindeng’ung’: amu kiy age tugul ne wegot eng’ Jehovah, ne wechei inendet, ko kiyachi ko u noto ichek kanamonikwak; amu beelei agot werikwak ak tibikwak kobeeljin kanamonikwak.

NG'ATUTIK 17:3

ak kwo koot kanamonik, kogutung’ji, anan asista, anan arawet, anan age tugul ne bo chang’indab kipsengwet, ne ma ang’at;

NG'ATUTIK 18:10

Amat kobiit eng’ okwek ne igoitoi werinnyi anan cheptanyi kobun mat, anan ne boisie ng’orset, anan kipsogeiyot, anan ne isogisiei, anan bonindet,

JOSHUA 15:8

ak kiwa kiwotet kobun atebwetab weritab Hinom agoi tabandab Jebusindet murot ne bo tai (noto ko Jerusalem): ak kiwa kiwotet agoi tulwet barak ne mi taitab atebwetab Hinom ne tokyingei cherongo, ne mi tabandab atebwet ne bo Repaik ne tokyingei murot ne bo katam: