JEREMIA 7:3 - BUKUIT NE TILIL

³ Mwaei Jehovah ne bo lugosiek, Kamuktaindetab Israel, ko u ni kole, Olitit ortinwekwok ak boisionikwok, si agonok omeny yuto.

Bukuit Ne Tilil

³ Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

BUKUIT NE TILIIL Sireet ne Dutero Kanon

³ Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

JEREMIA 7:3 ပူးပေါင်းရင်းမြစ်များ

2 LAITORINIK 17:13

Ago kibaorian Jehovah kora agobo Israel, ak agobo Juda, eng’ maotiot age tugul, ak keerindet age tugul kolenji, Oweege eng’ ortinwekwok che yaachen, ak orib ng’atutikyuk ak kayomisutikyuk, ko u Ng’atutiet tugul ne kiang’at kwanisiekwok, ak che kiayokwok eng’ eunekab otwogikyuk maotik.

EZRAH 10:11

Ong’ang’ji anyun Jehovah, Kamuktaindetab kwanisiekwok, ak oyai kit ne chamei: ak otabange bikab emet, ak kwonyik che toek.

KALEWANAIK 28:13

Manyoru berurto inendet ne unyei bistaosiekyik: Ago nyoru rirenet age tugul ne ng’anyei ak kometo.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

JEREMIA 17:25

bwanei anyun orit laitorinik ak bounik che tebe ng’echeretab laitornatet ne bo Daudi, kobunu ormarichokab nganasani, kolong’onu karisiek ak mbartanyisiek, icheget ak bounikwak, bikab Juda, ak bik che menyei Jerusalem: ak kemeny nganasani agoi.

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 18:8

ngot kosik eng’ yaitienywa bororionoto kaamwa, awale kabwatutukyuk eng’ yaitiet ne kitayachini ichek.

JEREMIA 26:13

Noto anyun, olitit ortinwekwok ak boisionikwok, ak ogas it kutitab Jehovah Kamuktaindeng’wong’; si kowal Jehovah kabwatutikyik eng’ yaitiet ne kogomwa agobo okwek.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 35:16

Amu kagoyai werikab Jonadab weritab Rekab ng’atutietab kwandanywa, ne king’at ichek, ago ma kasa it bichu;

JEREMIA 4:1

Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

JAKOBO 4:8

Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.