JEREMIA 7:25 - BUKUIT NE TILIL

²⁵ Koboch betut ne kimong’ kwanisiekwok eng’ emetab Misri agoi rani, ko kiayokwok otwogikyuk tugul che maotik ang’eete kotugul karon ak ayogu ichek:

Bukuit Ne Tilil

²⁵ Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.

BUKUIT NE TILIIL Sireet ne Dutero Kanon

²⁵ Kobooch peetuut ne ki mong' kwanisyekwok eng' emetap Misiri agoi rani, ko ki ayookwok otwogikyuk tugul che maotik ang'eete kotugul karon ak ayoogu icheek.

JEREMIA 7:25 ပူးပေါင်းရင်းမြစ်များ

2 ATEPTAP PEETUUSYEK 24:19

Agos kiiyokyi ichek maotik, komut ichek koweekyi Jehovah; ak kibaorian kogirinda ichek: ago ma cham kogas.

2 ATEPTAP PEETUUSYEK 36:15

Ak kiiyoktoi Jehovah, Kamuktaindetab kwanisiekwak, bikyik, komusta koba ole mi ichek; amu kirire bikyik, ak ole menyei inendet.

EZRAH 9:7

Kigeegu kiptengeginik mising’ koboch betusiekab kwanisiekyok agoi rani; ak kigindeech eunekab laitorinik che bo emotinwek, agobo tengekwogikyok achek, ak laitorinikyok, ak tisiikyok, kebarech eng’ rotwetab chok, keluulech, ak ng’emisiet, ak kalilanet, ko u rani.

NEEMIA 9:26

Ago ma kas it, ak kongeleljin, ak kiwirta Ng’atutiguk kotuktochi batai, ak kobar maotiguk che kibaorianji ichek, kole koweech ichek kobwanjin, ak koyai tagisiosiek che eechen.

NEEMIA 9:30

Ago kiimuitochi ichek eng’ kenyisiek che chang’, ak kiibaorianji ichek eng’ Tamirmirieng’ung’ eng’ maotiguk: ago ma cham kogas: kiinde anyun ichek eunekab bikab emotinwek.

ISAIAH 5:4

Nee ne kita ta keyaei ne siirei, eng’ mbarennyu ne bo sabibuk, ne ma ayai? Amu nee anyun, ye kingalen yiei sabibuk, koi sabibuk che yaachen?

JEREMIA 11:7

Amu kiabaorianji kwanisiekwok eng’ kagiiletab ge, koboch betut ne kiamutu ichek komong’ eng’ emetab Misri, agoi ra, ang’eete karon ak abaorianjini, alenjini, Ogas it kutinnyu.

JEREMIA 25:3

Kinyonja ng’olyotab Jehovah koboch kenyitab taman ak somok ne bo Josia weritab Amon, laitoriatab Juda, agoi ra, kenyisiechu tiptem ak somok, ak kiamwawok, ang’eete karon mising’ ak ang’alalwok; ago ma ogas.

JEREMIA 25:4

Ak kigoyokwok Jehovah otwogikyik tugul che maotik, kong’eetei karon mising’ ak koyogu ichek; ago ma ogas, anan oeb it, si kobiit ogas;

JEREMIA 29:19

amu ma kas ng’alekyuk, mwaei Jehovah, che kiayoktochine ichek otwogikyuk maotik, ang’eete karon mising’ ak ayokte ichek; ago ma ocham ogas, mwaei Jehovah.

JEREMIA 35:14

Kagosulda ng’alekab Jonadab weritab Rekab, che king’at werikyik, kolenji, Amoee divaik, ak tomo koee ichek agoi betuni, amu kase it ng’atutietab kwandanywa: ago kiang’alalwok, ang’eete karon mising’ ak ang’alali, ago ma oepcha it.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 44:4

Ago kiayokwok otwogikyuk tugul, che maotik, ang’eete karon mising’ ak ayogu, alenjinok, Bwa, amat oyai kiito samis ne aweche.

JEREMIA 7:13

Ara anyun, amu kioyai boisionichuto tugul, mwaei Jehovah, ak kiang’alalwok, ang’eete karon mising’ ak ang’alali, ago ma ogas; ak kiaguurok, ago ma owolu:

EZEKIEL 2:3

Ak kimwawa kolenja, Ee, weritab chi, kayokten iwe oldab lagokab Israel, oldab bororiosiek che ngelelik, che kigongelelja; kigongelelja ichek koboto kwanisiekwak, agoi betuni.

HOSEA 11:7

Kagobegechi bikyuk kochuchuigei kometa: agot ngo kuurso ichek koguurji ichek inendet ne mi barak, ko mabiitu ne itorori inendet.

HOSEA 12:10

Kiang’alalji maotik, ak kiates ng’ang’utik; ak kiaboisie kalewenaik eng’ boisietab maotik.

AMOS 2:11

Ak kiande alak eng’ werikwok koek maotik, ak ande alak eng’ murenikwok koek Nasiritik. Tos ma u noto, ee okwek lagokab Israel? Mwaei Jehovah.

MALAKI 3:7

Kiomaste koboch betusiekab kwanisiekwok omete kayomisutikyuk, ama orib. Oweekyage anyun, si aweekyoge, mwaei Jehovah ne bo lugosiek. Ago omwae ole, Kiweegundoige ano?

LUKA 11:49

Kile anyun ng’omnatetab Jehovah amu noto, Tun ayokyini maotik ak che kiyoktoi; ak kobar alak eng’ ichek ak kousaus alak;

NG'ATUTIK 9:7

Ibwat, ameutie, chang’indab tagisiet ne kiitach Jehovah Kamuktaindeng’ung’ eng’ ong’atet: koboch betut ne kiimong’une emetab Misri, agoi oitu yu, ko kiongelelji Jehovah.