JEREMIA 7:23 - BUKUIT NE TILIL

²³ Ago kiang’at ichek agobo ng’olyondoni, alenji, Ogas kutinnyu, si aek Kamuktaindeng’wong’, ak oegu bikyuk: ak obendate oret tugul ne ang’atok, si kobiit komieit eng’ okwek.

Bukuit Ne Tilil

²³ Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

BUKUIT NE TILIIL Sireet ne Dutero Kanon

²³ Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

JEREMIA 7:23 ပူးပေါင်းရင်းမြစ်များ

Kitabuutap JOB 36:11

Ngot kogas it inendet ak koot, Koboisie betusiekwak eng’ kaberuret, Ak koboisie kenyisiekwak eng’ boiboiyet.

TIENWOGIKAL 119:3

Ee, mayaei ichek che ma bo iman; Bendote ortinwekyik.

TIENWOGIKAL 40:6

Kima ibaibaitune tiseiywot ak kagochinet; Kiiyat itikyuk: Kima imach kagochinet ne kibeelei ak kagochinet ne bo tengekto.

TIENWOGIKAL 81:13

Bwa, nda kiga epcha it bikyuk, Ee, nda kiga cham Israel kobendate ortinwekyuk!

KOMONG'U 15:26

ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

KOMONG'U 16:32

Ak kile Musa, Nito kit ne kong’at Jehovah, kole, Kinyiit kerebet agenge tuguchoto kegonorji ibinwekwok che biitu let; si kobiit kogeer amitwogichoto che kiabaenak eng’ ong’atet, ye kiamoong’wok omong’une emetab Misri.

ISAIAH 3:10

Omwachi ne bo iman olenji, mieitu eng’ inendet: amu amei ichek logoekab boisionikwak.

JEREMIA 11:4

ne kiang’at kwanisiekwok eng’ betut ne kiamutu ichek komong’ eng’ emetab Misri, komong’une matab karnet, alenji, Ogas it kutinnyu, ak oyai choto, ko u tugul che ang’atok: si oegu bikyuk anyun, ak aegu Kamuktaindeng’wong’;

JEREMIA 11:7

Amu kiabaorianji kwanisiekwok eng’ kagiiletab ge, koboch betut ne kiamutu ichek komong’ eng’ emetab Misri, agoi ra, ang’eete karon ak abaorianjini, alenjini, Ogas it kutinnyu.

JEREMIA 13:11

Amu ko u ye namegei birenet ak suetab chi, ko u noto anyun kaagochi got komugul ne bo Israel ak got komugul ne bo Juda kenamge, mwaei Jehovah, si kobiit koek eng’ ane bororiet, ak kainet, ak kalosunet, ak teegisto: ago ma cham kogas.

JEREMIA 22:21

Kiang’alalun eng’ betusiekab boroteng’ung’; ago kiimwa ile, Magase. Kigoek biteeng’ung’ nito koboch ming’inateng’ung’, ile, megase it kutinnyu.

JEREMIA 22:3

Mwaei Jehovah ko u ni kole: Oyai okwek kiruoget ak imanda, ak osoru ne kigiluul komong’ eng’ eutab usindet: amat oyai ne ya, anan koromnatet, oyachi toondet, anan ne matinyei kwanda, anan mosoget, amotumde korotik che matinyei tengek, eng’ olito.

JEREMIA 24:7

Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

JEREMIA 31:33

Ago ni kayomiset ne kiyomisige ak gotab Israel ye ibata betusiechoto, mwaei Jehovah; andoi ng’atutiennyu orinywa, ak asirjini mugulelwekwak: ak aegu Kamuktaindenywa, ak koek bikyuk.

JEREMIA 32:23

ak kibwa, konam kobunji; ago ma kas it kuting’ung’, ama isub ng’atutiguk; ma yai kiy age tugul eng’ choto tugul kiing’atyi ichek koyai: koigochi anyun yaitioni tugul konyonji ichek.

JEREMIA 38:20

Ago kile Jeremia, Maigoitoin. Kasain ale, kas kutitab Jehovah eng’ chuto amwaun: si kobiit komieit eng’ inye, ak kosob sobondang’ung’.

JEREMIA 42:6

Ngo ng’olyo ne mie, anan ngo ne ya, kegase it kutitab Jehovah Kamuktaindennyo, ne kiyoktochinin; si kobiit komieit eng’ achek, ye kigas it kutitab Jehovah Kamuktaindennyo.

SEPANIA 3:2

Kima kas it mwaet; kima taach kotigonet; kima imang’ Jehovah; kima rikyi Kamuktaindennyi.

SEKARIA 6:15

Ak kobwa ichek che mi ole loo ak koteech hekalutab Jehovah, ak onai ole kiiyokwa Jehovah ne bo lugosiek anyo ole omi. Ak isuldoi nito, ngot ogas it eng’ kagiiletab ge kutitab Jehovah Kamuktaindeng’wong’.

SEKARIA 7:7

Tos manyoljok ogas ng’alek che kimwa Jehovah eng’ maotik che bo tai, ye kigimenyei Jerusalem, ak komi berurto, ak nganasokyik che mi komoswekyik tugul, ak ye kigimenyei Murot ne bo Tai ak soito?

ROMANIK 16:26

ago kagong’ang’ak nguno, ak eng’ sirutik che bo maotik, ko u ng’atutietab Jehovah ne bo koigeny, ko kagiborji bororiosiek tugul agoi kasetab it ne bo kayanet;

2 KORINTOEK 10:5

kiluuli kabwatutik, ak kiy age tugul ne toror ne ieetegei kole kogirinda naetab Jehovah, ak koluulei kabwatet age tugul si kobiit kogas it Kristo;

NG'ATUTIK 11:27

egu kaberuret ngogas ng’atutikab Jehovah Kamuktaindeng’wong’, che kaang’atak rani;

NG'ATUTIK 13:4

Obendate osub Jehovah Kamuktaindeng’wong’, oiywei inendet, ak orib ng’atutikyik, ak ogas it kutinnyi, oboisiechi ak onamge ak inendet.

NG'ATUTIK 13:5

Ak kibarei maotiondonoto anan karuotitoindonoto; amu kimwa kit ne ibeeti bik kobagakta Jehovah Kamuktaindeng’wong’, ne kiimutwok omong’une emetab Misri, ne kiitiachin eng’ gotab otwognatet, kole komaasin eng’ oret ne king’atin Jehovah Kamuktaindeng’wong’ iwendote. Iste anyun ko u noto yaitiet eng’ kwenung’ung’.

NG'ATUTIK 30:2

ak ngiweekyige Jehovah Kamuktaindeng’ung’, igas it kutinnyi ko u tugul che kang’atin rani, inye ak lagoguk, eng’ muguleldang’ung’ komugul, eng’ sobondang’ung’ komugul;

NG'ATUTIK 30:20

icham Jehovah Kamuktaindeng’ung’, igas it kutinnyi, ak onamgei ak inendet: amu inendet sobondang’ung’, ak koindab betusieguk, si kobiit imeny emet ne kiiyosiechi Jehovah kwanisieguk kogochi Abraham, Isak, ak Jakobo.

NG'ATUTIK 30:8

Ak iweege igas it kutitab Jehovah, ak iyai ng’atutikyik tugul che ang’atin rani.

NG'ATUTIK 4:10

eng’ betut ne kiitonone taitab Jehovah Kamuktaindeng’ung’ eng’ Horeb, ye kilenja Jehovah, Iyumwa bik, ak agochi kogas ng’alekyuk, si konetgei koiywea eng’ betusiekwak tugul komi ng’ony, ak si konet lagokwak.

NG'ATUTIK 4:40

Ak kirib anyun konetisiosiekyik ak ng’atutikyik che kang’atin rani, si komieit eng’ inye, koboto lagoguk che biitu let, ak kochang’ait betusieguk eng’ emet ne konin Jehovah Kamuktaindeng’ung’, koigeny.

NG'ATUTIK 5:16

Teech kwandang’ung’ ak komet, ko u ye king’atin Jehovah Kamuktaindeng’ung’: si kochang’ait betusieguk, ak komieit eng’ inye eng’ emet ne konin Jehovah Kamuktaindeng’ung’.

NG'ATUTIK 5:29

Kata mie nda katinyei muguleldo ne u noto, si koiywea, ak korib kotugul ng’atutikyuk tugul, si komieit eng’ ichek, ak eng’ lagokwak agoi!

NG'ATUTIK 5:33

Obun ortinwek tugul che king’atak Jehovah Kamuktaindeng’wong’, si osopche, ak komieit eng’ okwek, ak kochang’ait betusiekwok eng’ emet ne oname kobunjok.

NG'ATUTIK 6:3

Ogaso, ee Israel, ak orib oyai; si komieit eng’ inye, ak ochang’aitu mising’, eng’ emet ne nyiitat chego ak kumik, ko u ye kiiarorun Jehovah, Kamuktaindetab kwanisieguk.

HEBRANIK 5:9

ak kingo kageyai koek ne igesunotgei, koek inendet ne kitaunegei yetunet ne bo koigeny eng’ ichek tugul che kase it inendet;

1 SAMUEL 15:22

Ak kimwa Samuel kole, Tos, ting’e Jehovah boiboiyet ne o kagochinoik che kibeelei ak tiseiywek, ko u ye ting’e kasetab it ne bo ng’olyotab Jehovah? Keero, siirei kasetab it tiseiywek, ak siirei kasetab it mwanikab mengichik.