JEREMIA 7:20 - BUKUIT NE TILIL

²⁰ Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

Bukuit Ne Tilil

²⁰ Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

BUKUIT NE TILIIL Sireet ne Dutero Kanon

²⁰ Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

JEREMIA 7:20 ပူးပေါင်းရင်းမြစ်များ

2 LAITORINIK 22:17

amu kimetaa, ak kobeelji nyamdutik cheptalelisiek, si kotacha anerech eng’ boisionikwak tugul che bo eunekwak; eng’ noto anyun, kolaldos neregekyuk agobo koroni, ama kimisi.

ISAIAH 10:17

Ak koek mat lapkeiyetab Israel, ak koek nenyi Ne Tilil liblibenetab mat, ak kobeel kwong’ katokyik ak katablelinikyik betunak.

ISAIAH 42:25

Kirong’ji anyun neregekyik che koromen, ak kimnatetab luget; ak koyieme mat inendet, ago ma nai kora ak kobeel inendet, ago ma chut muguleldanyi.

ISAIAH 66:24

Ak komanda koba kogeer muswekab bik che kiingelelja: amu mabegu kutikwak, ama kimisi manywa; ak koek che wechei bik tugul.

JEREMIA 11:16

Kiguure Jehovah kaineng’ung’, Emdit ne tuon, ne kararan ak kotinyei logoek che miach: kiilaal mat eng’ yoto eng’ bolatetab wasetab ge ne o, ak kagoilyo temenikyik.

JEREMIA 12:4

Iteei emet kot kotianit, ak korestos sogekab emet komugul? Amu sogornatetab bik che menyei oloto, kigiges anyun, kigobek tiong’ik, ak taritik; amu kile ichek, Mageerei inendet kagesunennyo.

JEREMIA 14:16

Ak kewirji ortinwek che bo Jerusalem bik che kimaotenjin, amu rubet ak rotwetab chok; ama biitu chi ne tubei ichek, icheget ak osotikwak, ak werikwak ak tibikwak: amu arong’jini icheget yaitienywa.

JEREMIA 17:27

Ago ngot ko mogasa it otaban betutab sabato, amoib laut age tugul ak obe orit obun ormarichokab Jerusalem eng’ betutab sabato; alaal anyun mat eng’ ormarichokyik, si kobeel gorikab laitoriat che bo Jerusalem, ama kimisi.

JEREMIA 17:4

Ak ibagaktoi aginye boroteng’ung’ ne kiagonin; ak agonin iot buniguk eng’ emet ne mengen: amu kiolaal mat eng’ neregekyuk, ne lalei koigeny.

JEREMIA 18:23

Ago, ingen inye Jehovah, kiruogenywa ne iruochi kole kobara; menyochi kaat tengektanywa, amebukte chalwoktanywa eng’ taing’ung’: ago ingeriich eng’ taing’ung’; yachi ko u noto eng’ betutab neregeguk.

JEREMIA 21:12

Ee gotab Daudi, mwaei Jehovah ko u ni kole, Oyai kiruoget karon, osoru ne kigiluul komong’ eng’ eutab usindet, si mamong’ neregekyuk che koromen ko u mat, ak kolal kot ko mami ne imuchi komis, amu yaitietab boisionikwok.

JEREMIA 42:18

Amu mwaei Jehovah ne bo lugosiek, Kamuktaindetab Israel, ko u ni kole; Ko u ye kigerong’ji neregekyuk ak neregekyuk che ng’wonen, bik che menyei Jerusalem, kerong’jinok anyun ko u noto neregekyuk che ng’wonen, ye obe Misri: ak oegu che kichubei, ak che kikwong’e ak che kisasei, ak che kichotei; ama ogeere olito kogeny.

JEREMIA 44:6

Kirong’gei anyun neregekyuk che ng’wonen ak neregekyuk, ak kilalyo eng’ nganasokab Juda ak eng’ ortinwek che bo Jerusalem; ak kigoek karatwek ak kigoguber, ko u kit ne u betusiechu.

JEREMIA 6:11

Kanyiia anyun neregek che ng’wonen che bo Jehovah; kaang’et aranye: rong’ji neregechoto lagok che mi oret, koboto tuiyetab murenik: amu kimuti manong’otiot ak osotiot, ne kigoosit koboto ne negit kolil.

JEREMIA 6:12

Ak kobunji gorikwak bik alak, koboto mbarenikwak ak osotikwak: amu achuuljini eunnyu bik che menyei emet, mwaei Jehovah.

JEREMIA 8:13

Agesu ichek, mwaei Jehovah: mang’etu sabibuk eng’ ketik, ama ng’etu logoek eng’ mogoonik ak koresyo sogek; ak kobetyo eng’ ichek tuguk che kigagochi.

RIREKAB JEREMIA 4:11

Kigoyai Jehovah neregekyik che ng’wonen kosulda, kigorong’ neregekyik che koromen; Ak kigonaam mat eng’ Sion, ne kigobeel lumeiywekyik.

EZEKIEL 22:22

Ko u ye chootos feda eng’ mat ne o, ochootosi ak okwek eng’ maata; si onai ole a Jehovah ne kaarong’jok neregekyuk che ng’wonen.

EZEKIEL 7:12

Kagoit betusiek, rigu betut: amat kobaibait alindet, anan koarogen aldaindet: amu mitei neregek eng’ chang’indanywa tugul.

EZEKIEL 7:14

Kagoguut iriaget, ak kagochob tuguk tugul; ago mami ne wendi boriet: amu mi neregekyuk chang’indanywa tugul.

DANIEL 9:11

Ee, kigobistoe Israel tugul ng’atutieng’ung’, komasta, si magas it kuting’ung’: kigerong’jech anyun chubet amu noto, koboto kayosiet ne kigisirji Ng’atutikab Musa otwogindetab Kamuktaindet, amu kigeyachi inendet tengekto.

ATEPTAP LAWIK 26:28

atilok let anyun eng’ bandanyu eng’ neregek che bichien, ak abirok agane konyil tisab amu tengekwogikwok.

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

SEPANIA 1:2

Agesu tuguk tugul eng’ ng’ony, mwaei Jehovah.

SEPANIA 1:3

Agesu chi ak tiony; agesu taritikab barak, ak njirenikab nyanjet, koboto kanagutik ak kiptengeginik; ak abar bik eng’ ng’ony, mwaei Jehovah.

SEKARIA 7:12

Ee, kiiuuiit mugulelwekwak koigei kibargoiyet, si magas ng’atutiet, ak ng’alek che kiga koyok Jehovah ne bo lugosiek eng’ Tamirmiriennyi eng’ eunekab maotik che bo tai: kimong’ anyun neregek che eechen kobunu Jehovah ne bo lugosiek, amu noto.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MATAYO 3:12

tinyei eng’ eunnyi keibennyi, ak kotilili komie ruanyut; ak koyumji nganok chogennyi, ak kobeele metetek mat ne ma misoksei.

NG'ANG'UTYET 14:10

koeei agine divaik che bo koromnatetab Jehovah, che kigichob ama kiburuch eng’ kikombetab nereknatennyi; ak kinyalili eng’ mat ak koik che laldos eng’ taitab malaikaisiek che tililen, ak eng’ taitab Aruet: