JEREMIA 7:18 - BUKUIT NE TILIL

¹⁸ Iyumi lagok kwenik, ak ilali mat kwanisiek, ak kokwonykwonyi makatinik kwonyik, si kobeelji laitoriatab kipsengwet, ne kwondo, ak korong’ji kagochinoik che kieei, cheptalelisiek, si kobiit kotacha anerech.

Bukuit Ne Tilil

¹⁸ Iyumi lagok kweenik, ilali maat kwanisyek, kokwonykwonyi magatiinik kwonyiik, si kobeelji osotyotap laitoryat ne po kipsengwet ak koroong'ji kagoochinoik che kieei, kamuktaik, si kobiit kotacha anereech.

BUKUIT NE TILIIL Sireet ne Dutero Kanon

¹⁸ Iyumi lagok kweenik, ilali maat kwanisyek, kokwonykwonyi magatiinik kwonyiik, si kobeelji osotyotap laitoryat ne po kipsengwet ak koroong'ji kagoochinoik che kieei, kamuktaik, si kobiit kotacha anereech.

JEREMIA 7:18 ပူးပေါင်းရင်းမြစ်များ

1 LAITORINIK 14:9

ago koiyai yaitiet kosiir bik tugul che kiindounenen, ak koiwe iyachige kanamonik, ak che kitanyi, itacha, ak iwirta awa let eng’ inye:

1 LAITORINIK 16:2

Ko u ye kiatororin imong’une temburiek, ak ayain iegu bounindetab bikyuk Israel; ak koiwendote ortinwekab Jeroboam, ak koigochi bikyuk koyai tengekto, kotacha eng’ tengekwogikwak anerech:

TIENWOGIKAL 16:4

Tesoksei nyalilwogikab ichek che wale kit age Jehovah: Matumdoi ane kagochinoikwak che kieei che bo korotik, Amamwae kainaikwak eng’ kutinnyu.

ISAIAH 3:8

Amu kogong’emak Jerusalem, ak kogobut Juda: amu kongelelji Jehovah eng’ ng’elyebwekwak ak eng’ boisionikwak, kotach konyekab torornatennyi.

ISAIAH 57:6

Mi kebebertang’ung’ koik che chaboen che bo atebwet; choto, choto ko kebebertang’ung’: kiirong’ji ichek kagochinet ne kieei, kiigochi kagochinet. Tos igoigoa tuguchuto?

ISAIAH 65:11

Ago okwek che ometoi Jehovah, che outie tulwennyu ne tilil, che ochobe meset agobo Kelunet, ak che onyiityini Kagesunet divaik che kigiburuch:

ISAIAH 65:3

bik che tacha kimni kotugul, koeng’sei eng’ mbarenik, ak kobeelei nyamdutik eng’ matabaruk barak;

JEREMIA 1:16

Ak amwa kiruogutikyuk agirindae yaitienywa tugul; amu kigometa, ak kigobeelji nyamdutik kanamonik che ter, ak kolos boisionikab eunekwak.

JEREMIA 11:17

Amu kagomwa Jehovah ne bo lugosiek, ne kiminin, yaitiet agobo inye, amu yaitietab gotab Israel ak ne bo gotab Juda, che kigoyachigei kotacha anerech amu kiigochi Baal nyamdutik.

JEREMIA 17:2

ko ta kobwati lagokwak kapkorosusiekwak ak Aserik che mi ole mi ketik che tuonen eng’ tulonok barak.

JEREMIA 19:13

ak kogergeit gorikab Jerusalem, ak gorikab laitorinikab Juda, che kiging’wanit, ak komostab Topet, gorik tuguk che kibeele ichek baragunywa nyamdutik kobeeljine tuguk tugul che bo kipsengwet, ak kigorong’ji kagochinoik che kieei, kanamonik che ter.

JEREMIA 25:7

Ago kima ogasa kora, mwaei Jehovah; si kobiit otacha eng’ boisionikab eunekwok, si oipchinege ng’wanindo.

JEREMIA 32:29

ak kobwa Kaldeik che baregei ak nganasani, kobwa konaam nganasani, ak kobeel, koboto gorik, che kiigoitoe ichek nyamdutik che kibeelei, kogochin Baal eng’ baragutab gorichoto, ak korong’jin kanamonik che ter, kagochinoik che kieei, si kobiit kotacha anerech.

JEREMIA 44:25

Mwaei Jehovah ne bo lugosiek, Kamuktaindetab Israel, ko u ni kole, Kiomwa eng’ kutuswekwok, okwek koboto osotikwok, ak oyai kosulda, eng’ eunekwok, olen, Kiyae iman kaarorunosiek che kigiaroru, kebeelji nyamdutik laitoriatab kipsengwet ne kwondo, ak kerong’ji kagochinoik che kieei: ogimit anyun kaarorunosiekwok, ak oyai kaarorunosiekwok.

JEREMIA 44:4

Ago kiayokwok otwogikyuk tugul, che maotik, ang’eete karon mising’ ak ayogu, alenjinok, Bwa, amat oyai kiito samis ne aweche.

JEREMIA 7:17

Tos megeere tuguk che yaei eng’ nganasokab Juda ak eng’ ortinwekab Jerusalem?

RIREKAB JEREMIA 5:13

Ibei neranik koitab bai, Ak kiibutyo lagok kolaei ketik.

EZEKIEL 16:26

Kiiyai kogeny kugoinatet koboto Misrik, bikab kokweng’ung’, bikab borto; ak kiites kugoinateng’ung’, itacha.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

EZEKIEL 8:16

Ak kiimutwa seremut ne bo orit ne bo gotab Jehovah, ak ogeero, kimi bik che negit tiptem ak mut eng’ kurgetab hekalutab Jehovah, eng’ kwenutab keterut ak kaptisisiet, che kaituktochi batai hekalutab Jehovah, ak kotokyigei kong’asis; ak kisa asista kotokyingei kong’asis.

EZEKIEL 8:17

Yeityo kolenja, Kaigeer nito-o, weritab chi? Tos kiy ne ming’in eng’ gotab Juda ngo yai ichek eng’ olito tuguk che kiwechei? Amu kigonyiit emet koromnatet, ak kigowelelgei kogeny kotacha: ak keero, indoi temetab ketit serunekwak.

1 KORINTOEK 10:22

Anan kitache Kiptaiyat konyor ng’etkong’? Tos ki kimen kosiir inendet?

NG'ATUTIK 32:16

Kiigochi koam ng’etkonda eng’ cheptalelisiek che ter, Kitach eng’ tuguk che kiwechei.

NG'ATUTIK 32:21

Kigona ng’etkonda eng’ noto ne ma Kamuktaindet; Kitacha eng’ tangoitanywa: Ak agochi ichek ng’etkonda eng’ che ma bororiet; Atache ichek eng’ bororiet ne abusat.

NG'ATUTIK 4:19

si ma ye inyal barak, igeer asista ak arawet ak kecheik, agot chang’indo tugul che mi kipsengwetisiek, kochuutin iwe isa tukchoto, ak iot tuguchoto kigopchechi Jehovah Kamuktaindeng’ung’ bororiosiek tugul che mi kureretab kipsengwetisiek.