JEREMIA 7:13 - BUKUIT NE TILIL

¹³ Ara anyun, amu kioyai boisionichuto tugul, mwaei Jehovah, ak kiang’alalwok, ang’eete karon mising’ ak ang’alali, ago ma ogas; ak kiaguurok, ago ma owolu:

Bukuit Ne Tilil

¹³ Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,

BUKUIT NE TILIIL Sireet ne Dutero Kanon

¹³ Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,

JEREMIA 7:13 ပူးပေါင်းရင်းမြစ်များ

KALEWANAIK 1:24

Amu kiaguurse, ak kioesie; Kiaiite eunnyu, ak ma iit chi.

ISAIAH 50:2

Kilya si mabiit chi ye kianyone? Kingaguurse ko ma biit chi ne wolu? Tos kigonwagit eunnyu kot ko maimuch kotiach? Anan matinyei kamuget ne asorune? Keero, atenyi nyanjet eng’ kergong’iennyu, ayae ainosiek koek ong’atet: boldos njirenikwak, ak kobek eng’ melelda, amu mami beek.

ISAIAH 65:12

aityinok anyun rotwetab chok, ak ong’urukyini tugul barisiet: amu kingaguurse, ko ma kowolu; kingang’alal, ko ma ogas; ago kioyai yaitiet eng’ tainnyu, ak kiolewen ne mabaibaitune.

ISAIAH 66:4

alewenjini anyun kaberberisiosiekwak, ak aipchi ichek kaiyweisiosiekwak; amu kingaguurse, ko ma wol chi; ye kingang’alal, ko ma kas ichek: ago kiyai tuguk che yaach eng’ tainnyu, ak kolewen tuguk che ma abaibaitune.

JEREMIA 11:7

Amu kiabaorianji kwanisiekwok eng’ kagiiletab ge, koboch betut ne kiamutu ichek komong’ eng’ emetab Misri, agoi ra, ang’eete karon ak abaorianjini, alenjini, Ogas it kutinnyu.

JEREMIA 11:8

Ago ma kas it, ama eb it, ago kiwendot age tugul eng’ uuindab muguleldanyi ne ya: aipchini anyun ichek ng’alek tugul che bo kayomisoni, ne kigang’at ichek koyai, ago ma yai.

JEREMIA 13:10

Igeitu birenoni ma kotilei kiy, bichu yaachen, che esioi kogas ng’alekyuk, che bendote uuindab mugulelwekwak, ak kosuboti kanamonik che ter, si koot ichek, ak kolos.

JEREMIA 13:11

Amu ko u ye namegei birenet ak suetab chi, ko u noto anyun kaagochi got komugul ne bo Israel ak got komugul ne bo Juda kenamge, mwaei Jehovah, si kobiit koek eng’ ane bororiet, ak kainet, ak kalosunet, ak teegisto: ago ma cham kogas.

JEREMIA 25:3

Kinyonja ng’olyotab Jehovah koboch kenyitab taman ak somok ne bo Josia weritab Amon, laitoriatab Juda, agoi ra, kenyisiechu tiptem ak somok, ak kiamwawok, ang’eete karon mising’ ak ang’alalwok; ago ma ogas.

JEREMIA 26:5

ogas ng’alekab otwogikyuk maotik, che ayokwok, ang’eete karon mising’ ak ayokwok, ago kima ogas;

JEREMIA 29:19

amu ma kas ng’alekyuk, mwaei Jehovah, che kiayoktochine ichek otwogikyuk maotik, ang’eete karon mising’ ak ayokte ichek; ago ma ocham ogas, mwaei Jehovah.

JEREMIA 32:33

Ak kigotuktocha batai, ama keera: ak nganda kianet ichek, ang’eete karon mising’ ak aneti, ko ma epchi it si kotaach konetisiet.

JEREMIA 35:14

Kagosulda ng’alekab Jonadab weritab Rekab, che king’at werikyik, kolenji, Amoee divaik, ak tomo koee ichek agoi betuni, amu kase it ng’atutietab kwandanywa: ago kiang’alalwok, ang’eete karon mising’ ak ang’alali, ago ma oepcha it.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 35:17

mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

JEREMIA 44:23

Amu kiobeel nyamdutik, ak amu kioyachi Jehovah tengekto, ama ogas it kutitab Jehovah, anan obendate ng’atutikyik, anan kayomisutikyik, anan baornatosiekyik; konyonjok anyun yaitioni ko u ye u rani.

JEREMIA 44:4

Ago kiayokwok otwogikyuk tugul, che maotik, ang’eete karon mising’ ak ayogu, alenjinok, Bwa, amat oyai kiito samis ne aweche.

JEREMIA 5:21

Ogas ni anyun, ee okwek bik che berber, che motinye kaguiyet; che otinye konyek, amogeertoe; che otinye itik, amogastoe:

JEREMIA 6:10

Ang’alaljini ng’o, ak abaorianji, si kobiit kogas? Ogeero, ma kimuratan itikwak, amaimuchi koeb it: ogeero, kaek ng’olyotab Jehovah tewernatet eng’ ichek; maboiboitune.

JEREMIA 7:25

Koboch betut ne kimong’ kwanisiekwok eng’ emetab Misri agoi rani, ko kiayokwok otwogikyuk tugul che maotik ang’eete kotugul karon ak ayogu ichek:

HOSEA 11:2

Kingoguur ichek bichoto, kotes koistoegei: kieng’ji Baalik, ak kibeelji nyamdutik kanamonik che kigiwai.

HOSEA 11:7

Kagobegechi bikyuk kochuchuigei kometa: agot ngo kuurso ichek koguurji ichek inendet ne mi barak, ko mabiitu ne itorori inendet.

HOSEA 9:17

Onei Kamuktaindennyu ichek, amu kima kas it inendet: ak koek bik che ombenioti eng’ bororiosiek.

SEKARIA 7:13

Ak ko u ye kingorirji inendet ichek, ama kogas, ko u noto tun rirtos ichek, amagase, mwaei Jehovah ne bo lugosiek;

MATAYO 23:37

Ee Jerusalem, Jerusalem, ne barei maotik, ak kolage koik ichek che kigiyokyi! Kiamach konyil ata ayum lagoguk, agot ko u ye iyumi ngogiet arekyik eng’ kebebaikyik, ago ma ocham!