JEREMIA 6:24 - BUKUIT NE TILIL

²⁴ Kigegas kalosunenywa; kanyalulso eunekyok: kanamech bichiindo, ak ng’woninwek, che u che bo kwondo ne machei kosigis.

Bukuit Ne Tilil

²⁴ Kigegas kalasunennywa, ak kanyalulso eunekyok. Kanamech pichiindo ak ng'waninwek, che uu che po kwondo ne machei kosigiis.

BUKUIT NE TILIIL Sireet ne Dutero Kanon

²⁴ Kigegas kalasunennywa, ak kanyalulso eunekyok. Kanamech pichiindo ak ng'waninwek, che uu che po kwondo ne machei kosigiis.

JEREMIA 6:24 ပူးပေါင်းရင်းမြစ်များ

TIENWOGIKAL 48:6

Kibotanso, eng’ oloto; Kinyor ng’wanindo ko u kwondo ne machei kosigis.

ISAIAH 21:3

Kanyi anyun arogenet suennyu; kanama ng’woninwek, ko u ng’woninwekab kwondo ne machei kosigis: ama kot ko mamuchi agasta; aarogeni kot ko mamuchi ageerto.

ISAIAH 28:19

Ibok eng’ betut age tugul ye siirtoi; amu siirtoi karonet age tugul bet ak kemoi: ak egu kamuiset kityo ye ogase ng’alek.

JEREMIA 13:21

Imwae nee ye tun inde inendet choronoguk koboun, amu inye ne kiinet koboun? Tos manamin ng’woninwek, ko u kwondo ne machei kosigis?

JEREMIA 22:23

Ee inye ne imenye Lebanon, ne iteeche kesweng’ung’ eng’ taragonik, iegu chi ne kirirjin mising’ ye kabwanjin ng’woninwek, ng’wanindo ne u ne bo kwondo ne machei kosigis!

JEREMIA 30:6

Oteeb anyun, si onai ngo tinyei mureno ng’wanindo ne bo sigisiet: amu nee anyun si ageere muren age tugul konamei suennyi, ko u kwondo ne machei kosigis, ak kowalogis togochik tugul eng’ arogenet?

JEREMIA 4:31

Amu kiagas waagat ne u ne bo kwondo ne machei kosich taitanyi, kutitab cheptab Sion, ne isienyi, ne iitoi eunekyik, komwaei kole, Bwa eng’ ane! Amu tanui sobondanyu eng’ taitab rumik.

JEREMIA 48:41

Kageluul Keriot, ak kageche irimoikyik, ak koigei mugulelwekab bik che nyigonen che bo Moab, eng’ betunoto, muguleldab kwondo ne tinyei ng’wanindo ye machei kosigis.

JEREMIA 49:24

Kogonyalul Damasko, kawelelgei komwei, kanam inendet botanet: kanam inendet bichiindo ak arogenosiek, ko u kwondo ye machei kosigis.

JEREMIA 50:43

Kigogas laitoriatab Babulon kalosunenywa, ak nyaluldos eunekyik: kanam inendet bichiindo, ak ng’wanindo ko u ne bo kwondo ne machei kosigis.

EZEKIEL 7:17

Nyaluldos eunek tugul, ak kochootyo kutung’oik tugul ko u beek.

DANIEL 5:9

Kiimak mising’ anyun laitoriat Belsasar, ak kiwalak togennyi, ak kiimogis kiptainikyik.

HABAKUK 3:16

Kiagas, ak kitilgei moennyu, Kibotan kutinnyu eng’ cheonoto; Kinunio kowekyuk ak kiabotan eng’ ole kiami: Si kobiit amuuny eng’ betutab nyalilda, Ye togosyi noto bik, che ibokyin inendet eng’ kweanaik.

1 THESSALONIKEK 5:3

Ye mwaei ichek kolen, Kalyet ak chametab ge, koche anyun ichek ng’emisiet, ko u ye ityin ng’wanindo kobogoriot ne machei kosigis; ago magoi chililso.