JEREMIA 6:21 - BUKUIT NE TILIL

²¹ Mwaei anyun Jehovah ko u ni kole, Ogeero, andoi taitab bichu kanagutik: ak konach kwanisiek koboto werik; ak kolus chitab kokwet koboto choruennyi.

Bukuit Ne Tilil

²¹ Mwaei anyun Kamuktaindet ne Toroor kole; “Andoi taitap pichu kanagutik, si konach kwanisyek kobooto weeriik, ak kolus chiitap kokwet kobooto chorwennyi.”

BUKUIT NE TILIIL Sireet ne Dutero Kanon

²¹ Mwaei anyun Kamuktaindet ne Toroor kole; “Andoi taitap pichu kanagutik, si konach kwanisyek kobooto weeriik, ak kolus chiitap kokwet kobooto chorwennyi.”

JEREMIA 6:21 ပူးပေါင်းရင်းမြစ်များ

2 ATEPTAP PEETUUSYEK 36:17

Komutyi anyun icheget laitoriatab Kaldiek, ne kinyo kobar neranikwak eng’ rotwetab chok, eng’ gotab oldanywa ne tilil, ama rire muren anan tie, boiyot anan ne negit kolil: kiinde tugul eunnyi.

ISAIAH 8:14

Ak koek inendet ole tilil; ago egu koita ne inachi bich ak ruandet ne riichei bich eng’ gorik tuwai che bo Israel, koek mestet ak mestet age ne ter eng’ bik che menyei Jerusalem.

ISAIAH 8:15

Kinachi che chang’ eng’ oloto, ak kobutyo, ak koilyo, ak kename mestet, ak kimut.

JEREMIA 13:14

Ak atue chito age age, kwanisiek ak werik, mwaei Jehovah: marire, anan abagakte, anan korira mo, kot ko magesu ichek.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

JEREMIA 18:21

Igoite anyun lagokwak, kobar rubet, ak igoite ichek kobar rotwetab chok; ak ingobetyi lagok osotikwak, ak koek mosogik; ak ingobar meet murenikwak, ak ingobar rotwetab chok neranikwak eng’ luget.

JEREMIA 18:23

Ago, ingen inye Jehovah, kiruogenywa ne iruochi kole kobara; menyochi kaat tengektanywa, amebukte chalwoktanywa eng’ taing’ung’: ago ingeriich eng’ taing’ung’; yachi ko u noto eng’ betutab neregeguk.

JEREMIA 21:7

Ak ye ibata, mwaei Jehovah, asoru Sedekia laitoriatab Juda, ak otwogikyik, ak bik, bik che ng’etu eng’ nganasanito, asoru eng’ koroito, ak eng’ rotwetab chok, ak eng’ rubet, agoite koba eutab Nebukadresar laitoriatab Babulon, ak koba eunekab bunikwak, ak eunekab icheget che cheng’ei sobonwekwak: ak kobar ichek eng’ rotwetab chok; mabagaktoi, ama rire, ama riregei.

JEREMIA 8:12

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

EZEKIEL 3:20

Kogeny, ngo masta chito ne bo iman, kometo imandanyi, ak koyai tengekto, ak ande kanagutiet tainnyi, komeei inendet; ko amu ma itechi, komeei anyun eng’ tengektanyi, ama kibwati boisionikyik che bo iman, che kiga koyai; ago amagenen korotikyik.

EZEKIEL 5:10

Amei anyun kwanisiek werik eng’ kwenung’ung’, ak koam werik kwanisiekwak; ak ayai kiruogutik eng’ inye, ak aseer bik tugul che ng’etu eng’ okwek, aseerji usonaik tugul.

ATEPTAP LAWIK 26:37

Ak koriichgei ichegei eng’ ichegei, ko u eng’ taitab rotwetab chok, ye mami ne onei: ak monyoru kimnatet ne otononie eng’ taitab bunikwok.

ROMANIK 11:9

Am mwaei Daudi kole, Ingoek mesenywa meset ak rigeito, Ak kanagutiet, ak yaaktaet eng’ ichek:

ROMANIK 9:33

ko u ye sirat kole, Ogeero, andoi Sion koita ne riichei bich ak ruandet ne inachi bich: Ak ne iyani inendet ko magigochin kolilan.

1 PETERO 2:8

ak ko, Koita ne inachi bich, ak ko ruandet ne riichei bich; amu kinachi ichek eng’ ng’olyot, amu magase it: kiginde ichek agobo noto.