JEREMIA 6:20 - BUKUIT NE TILIL

²⁰ Tilei nee che nyamdut ngeibwa eng’ Sheba, ak tuguk che u mutwek che nyamdut che kiibune emet ne loo? Ma taachaksei kagochinoikwok che bo beelset, amachame tiseiywekwok.

Bukuit Ne Tilil

²⁰ Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

BUKUIT NE TILIIL Sireet ne Dutero Kanon

²⁰ Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

JEREMIA 6:20 ပူးပေါင်းရင်းမြစ်များ

2 SAMUEL 15:12

Ak kiiyokto Absalom keguur Aitopel Gilonindet, toretindetab Daudi, eng’ nganasennyi, Gilo, ye kiigoitoi tiseiywek. Ak kitesak chaamset; amu ki tesoksei bik che namegei ak Absalom.

1 LAITORINIK 10:10

Ak kiigochi kwonyoto Solomon talentaisiek bogol ak tiptem che bo tahabu, ak nyamdutik che ng’uu ne anyiny, che chang’ mising’; ak koik che bo kamanutiet ne o: kimata keip kogeny nyamdutik che ng’uu ne anyin ng’isiat che te choto che kiigochi laitoriatab Sheba laitoriat Solomon.

TIENWOGIKAL 40:6

Kima ibaibaitune tiseiywot ak kagochinet; Kiiyat itikyuk: Kima imach kagochinet ne kibeelei ak kagochinet ne bo tengekto.

TIENWOGIKAL 66:3

Olenji Kamuktaindet, Bo kamuiset ne tia boisioniguk! Iming’injiningei buniguk amu etunatetab kimnateng’ung’.

KOMONG'U 30:23

Inemunote tuguk che miachen kosiir, tuguk che u igomoik, kumiat ne yamei sekelisiek bogol mut, ak kinamon che anyiny che yamei kebebertab choto, agot sekelisiek bogol aeng’ ak konom, ak kalamus che anyiny, sekelisiek bogol aeng’ ak konom,

KALEWANAIK 15:8

Wechei Jehovah tiseiywotab kiptengeginik: Ago boiboiyennyi saetab che bo iman.

KALEWANAIK 21:27

Kit ne kiwechei korosiotab kiptengeginik: Kotam nee anyun ye ibu korosiondonoto, kotinyei kabwatutik che yaach!

ISAIAH 1:11

Tilei nee eng’ ane chang’indab tiseiywekwok? Mwaei Jehovah. Kigonyiia kagochinoik che bo beelset che bo mengichik, ak sunetikab tuga che bootin; ama baibaitune korotikab kirugik, anan ko che bo arekab kechir, anan ko che bo kwesik.

ISAIAH 60:6

Tuchin chang’indab tambesik, koboto moekab tambesik che bo Midian ak Epa; bunu tugul Sheba: ibu tahabu ak tuguk che nyamdut, ak komwaita kalosunoikab Jehovah.

ISAIAH 66:3

Inendet ne barei teta ko kergei ak inendet ne barei chito; inendet ne igoitoi aruetab kechir koek tiseiywot, ko kergei ak inendet ne kiriei kaatitab seset; inendet ne igoitoi kagochinet ko kergei ak inendet ne kigoitoi korotikab toret; inendet ne beelei tuguk che nyamdut ko kergei ak inendet ne iberuri kanamwet: ee, kigolewen ortinwekwak ak kochamei sobonwekwak tugukwak che kiwechei;

JEREMIA 14:10

Mwachin Jehovah bichu ko u ni kole, Kicham ko u noto koombenso; tom koisto kelyekwak: mataachei anyun Jehovah ichek amu noto; ibwati inendet tengektanywa, ak koityin biret amu tengekwogikwak.

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

EZEKIEL 20:39

Ago eng’ okwek, ee gotab Israel, mwaei Kiptaiyat Jehovah ko u ni kole: Ngot ko moepcha it; obe anyun ak koot chi tugul kanamonikyik eng’ betusiek che bwanei agichek: ago ma omuruoni kainennyu ne tilil kogeny eng’ kagochinoikwok, ak eng’ kanamonikwok.

EZEKIEL 27:22

Chemung’arainikab Sheba ak che bo Raama ko ki chemung’arainiguk: kiyae mung’aret tuguk che ng’uu ne anyiny kosiir tugul, ak koik tugul che bo kamanutiet ne o, ak tahabu.

HOSEA 8:13

Ye enyei ichek tiseiywekab kagochinoikyuk, kogoitoi banyek ak koamei; ago mataachei Jehovah choto: ibwati anyun inendet tengektanywa, ak koiityi biret amu tengekwogikwak; weekyingei Misri.

HOSEA 9:4

Marong’jin Jehovah kagochinoikab divaik, amaiboiboi inendet: u tiseiywekwak eng’ ichek amitwogikab bik che rirtos; king’waniti ichek tugul che amei: bo amitwogikwak magenywa; magiibu kobwa gotab Jehovah.

MALAKI 1:10

Kata kaigai nda kami chi eng’ okwek ne kerei kurgotik, si molaal mat eng’ kaptisisiennyu buch! Maabaibai eng’ okwek, agot kitigin, mwaei Jehovah ne bo lugosiek, amataache kagochinet ne bunu eunekwok.