JEREMIA 6:19 - BUKUIT NE TILIL

¹⁹ Ogas okwek ng’ony, ogeero, aipchini bichu yaitiet, logoekab kabwatutikwak, amu ma epchi it ng’alekyuk; ak kigoesio ng’atutikyuk.

Bukuit Ne Tilil

¹⁹ Ogas okweek ng'wony, aipchini pichu yaityet, kosupkei ak logoegap kabwaatutikwak, amu ma epchi iit ng'aleekyuk, ak ki koeesyo ng'atuutikyuk.

BUKUIT NE TILIIL Sireet ne Dutero Kanon

¹⁹ Ogas okweek ng'wony, aipchini pichu yaityet, kosupkei ak logoegap kabwaatutikwak, amu ma epchi iit ng'aleekyuk, ak ki koeesyo ng'atuutikyuk.

JEREMIA 6:19 ပူးပေါင်းရင်းမြစ်များ

KALEWANAIK 15:26

Chobutik che yaachen ko tuguk che kiwechei eng’ Jehovah: Ago tililen ng’alek che iboiboi bich.

KALEWANAIK 28:9

Kiwechei saetab inendet Ne esioi kogas ng’atutik.

ISAIAH 1:2

Ogas, ee kipsengwetisiek, ak oeb it, inye ng’ony, amu kagotwek Jehovah, kole: kiagu lagok, ak kianet, ak kigongelelja.

ISAIAH 5:24

Noto anyun, ko u ye beelei liblibenetab mat mobek, ak ko u ye igesu liblibenetab mat suswek che yaamnyotin, ko u noto kergeitu tigitikwak ak nunatet, ak kotogosta taptokwak ko u temburiek: amu kigoesio ng’atutikab Jehovah ne bo lugosiek, ak kosas ng’olyotab Inendet ne Tilil ne bo Israel.

ISAIAH 59:7

Ruachin kelyekwak yaitiet, ak kochoktoi kotumda korotik che matinyei tengek: kabwatutikwak ko kabwatutikab tengekto; mi ortinwekwak kubernatet ak ng’emisiet.

ISAIAH 66:18

Amu angen boisionikwak ak kabwatutikwak: nyonei betut, ye ayumi bororiosiek tugul ak kutuswek tugul; ak kobwa ak kogeer torornatennyu.

JEREMIA 11:11

Mwaei anyun Jehovah ko u ni kole, Ogeero, aipchini ichek yaitiet, ne maimuchi kochilile; ak korirja, ago magasyini ichek.

JEREMIA 15:6

Kiiesia, mwaei Jehovah, kiichuchuige: kiachuul anyun eunnyu atokyin, ak ang’emin; kaang’et eng’ muitaet.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 19:3

ile, Ogas okwek ng’olyotab Jehovah, ee laitorinikab Juda, ak bik che omenye Jerusalem; mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini yaitiet olito, ne ngo kas chi age tugul, kotildilyo itikyik.

JEREMIA 21:14

Ak abirok ko u logoekab boisionikwok, mwaei Jehovah: ak anaam mat eng’ osnennyi, ak kobeel tugul che mitei komoswekyik.

JEREMIA 22:29

Ee emoni, emoni, emoni, kas ng’olyotab Jehovah.

JEREMIA 29:19

amu ma kas ng’alekyuk, mwaei Jehovah, che kiayoktochine ichek otwogikyuk maotik, ang’eete karon mising’ ak ayokte ichek; ago ma ocham ogas, mwaei Jehovah.

JEREMIA 4:14

Ee Jerusalem, iunde tengekto eng’ muguleldang’ung’, si kesorun. Tebenen kabwatutiguk che yaachen kot kotianit?

JEREMIA 4:16

Omwachi bororiosiek; ogeero, omwachi Jerusalem, olenji, Ibogu bik che ng’eete emet ne loo, ak kowaage nganasokab Juda.

JEREMIA 4:4

Omuratange obunji Jehovah, oiste irirenikab mugulelwekwok, okwek bikab Juda ak che omenye Jerusalem: si mamong’ neregekyuk che koromen ko u mat, ak kolalyo kot ko maimuchi chi komis, amu yaitietab boisionikwok.

JEREMIA 49:37

Ak agochi Elam koarogen eng’ taitab bunikwak, ak eng’ taitab icheget che cheng’ei sobonwekwak: ak aipchi ichek yaitiet, neregekyuk che ng’wonen, mwaei Jehovah; ak ayokte rotwetab chok kosub ichek, kot agesu:

JEREMIA 6:10

Ang’alaljini ng’o, ak abaorianji, si kobiit kogas? Ogeero, ma kimuratan itikwak, amaimuchi koeb it: ogeero, kaek ng’olyotab Jehovah tewernatet eng’ ichek; maboiboitune.

JEREMIA 6:18

Ogas anyun, okwek bororiosiek, ak onai, ee okwek tuiyet, kit ne mi kwenunywa.

JEREMIA 8:5

Amu nee anyun si kochuchuigei bichu bo Jerusalem eng’ kachuchuget ne bo agoi? Namei mising’ ng’alset, esioi koweek.

JEREMIA 8:9

Ililandos bik che ng’omen, arogendos ak kenam: ogeero, kigoesio ng’olyotab Jehovah; ara anyun tinyei ng’omnatet ne u nee?

DANIEL 9:11

Ee, kigobistoe Israel tugul ng’atutieng’ung’, komasta, si magas it kuting’ung’: kigerong’jech anyun chubet amu noto, koboto kayosiet ne kigisirji Ng’atutikab Musa otwogindetab Kamuktaindet, amu kigeyachi inendet tengekto.

HOSEA 10:13

Kiobat yaitiet, oges tengekto; kioam logoekab lembechek: amu kiimang’u oreng’ung’, eng’ chang’indab biguk che nyigonen.

HOSEA 4:6

Kigeng’em bikyuk amu matinyei naet: amu kiiesie naet, aesioin agane, si ma iegu tisiindet eng’ ane: amu kiiutie ng’atutikab Kamuktaindeng’ung’, autie agane lagoguk.

AMOS 2:4

Mwaei Jehovah ko u ni kole: Maaweechi biret ne abire Juda amu bistaosiekyik somok, ee, agot ang’wan; amu kogoesio ng’atutikab Jehovah, ama rib kayomisutikyik, ak kogogochi lembechekwak ichek komasta, che kiisubi kwanisiekwak:

MIKAH 1:2

Ogas okwek bororiosiek, okwek tugul, oepchi it, ee ng’ony, ak tugul che mi oloto: ak ingoek Kiptaiyat Jehovah baoriat eng’ okwek, Kiptaiyat ne mi hekalunnyi ne tilil.

MIKAH 6:2

Ogas, ee okwek tulonok, ng’alek che ting’enok Jehovah, ak okwek lumeiywek che kimen che bo ng’ony: amu ting’e Jehovah bikyik ng’alek, ak machei kong’alal ak Israel.

JOHANA 12:48

Inendet ne esioa, ama taachei ng’alekyuk, kotinyei ne iruokyin: ng’olyot ne kiamwa, noto ne iruokyin inendet eng’ betutab let.

POISYONIGAP CHE KIYOKTOI 8:22

Sigu anyun eng’ tengeging’ung’et, ak isa Kiptaiyat, tamangab kenyoun kaat amu kabwatetab muguleldang’ung’.

NG'ATUTIK 30:19

Kaaguur kipsengwet ak ng’ony kobaorianjok rani, ale, kande taing’ung’ sobondo ak meet, kaberuret ak chubisiet: lewen sobondo anyun, si isob, inye ak iyoteng’ung’:

NG'ATUTIK 32:1

Oebit, okwek kipsengwetisiek, si kobiit ang’alal; Ak ingogas ng’ony ng’alekab kutinnyu:

NG'ATUTIK 4:26

kaguur kipsengwet ak ng’ony kobaorianjin betuni, ale osib olustosi owong’ugei eng’ emet ne obendi olandoe Jordan oname kobunjok; machang’aitu betusiekwok eng’ oloto, ago king’emok owong’ugei.

1 SAMUEL 15:23

Amu kergei ngelelnatet ak tengektab bonisiet, ak kergei uuindab met ak chalwokto ak saetab kanamonik. Amu koiesie ng’olyotab Jehovah, ko kagoesien aginye si mata iegu laitoriat.

1 SAMUEL 15:26

Ak kimwachi Samuel Saul kolenji, Magiweeksei ak inye: amu koiesie ng’olyotab Jehovah, kagoesien Jehovah, maiegu laitoriat eng’ Israel.