JEREMIA 6:16 - BUKUIT NE TILIL

¹⁶ Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

Bukuit Ne Tilil

¹⁶ Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

BUKUIT NE TILIIL Sireet ne Dutero Kanon

¹⁶ Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

JEREMIA 6:16 ပူးပေါင်းရင်းမြစ်များ

1 LAITORINIK 8:36

igas anyun eng’ kipsengwet, ak inyochi kaat otwogiguk, eng’ tengektanywa ak ne bo biguk Israel, ye ineti ichek oret ne mie ne nyolu kobendate; ak iyokyi ropta emeng’ung’, ne kiigochi biguk koek borotenywa.

2 ATEPTAP PEETUUSYEK 19:11

Ak ogeero, boiywok Amaria tisiindet ne o eng’ tuguk tugul che bo Jehovah; ak koboiywok Sebadia weritab Ismael, bounindetab gotab Juda, eng’ tuguk tugul che bo laitoriat: ak egu Lawik kiptainik eng’ taing’wong’. Oboisie eng’ nyiganatet, ak kotebi Jehovah koboto inendet ne yaei ne mie.

TIENWOGIKAL 116:7

Iweekyige kamuung’eng’ung’, ee sobondanyu; Amu kagoyaun Jehovah eng’ aiyebindo.

ISAIAH 2:5

Ee gotab Jakobo, obwa kebendate lapkeiyetab Jehovah.

ISAIAH 28:12

che kimwachi inendet kolenji, Kamuung’et nito, ogochi kamuung’et inendet ne ng’atat; ak kasoobet nito: ago ma cham kogas.

ISAIAH 30:21

Ak igas ng’olyot ne mi let eng’ inye, ne mwaei kole, Oret ni, oba orani; ye komaste obe eutab tai, ak ye komaste obe eutab katam.

ISAIAH 46:9

Obwat tuguk che bo tai che bo keny; amu a Kamuktaindet, ama mi age; a Kamuktaindet, ama mi age ne kegerge;

ISAIAH 57:2

Mong’jin ole mi kalyet; imuunyi eng’ itogusiekwak, age tugul ne wendoti eng’ lititindanyi.

ISAIAH 8:20

Onamge ak ng’atutik ak baornatet! Ngot ko mang’alal ichek kosub ng’olyondonito, ko amu mami lapkeiyet eng’ ichek.

JEREMIA 12:16

Ak ngot konetgei kogiiljigei oretab bikyuk, ak koyosio eng’ kainennyu kole, Ko u ye sobei Jehovah; ko u ye kiinet bikyuk koyosio eng’ Baal; koteech anyun ichek eng’ kwenutab bikyuk.

JEREMIA 18:12

Ago mwaei kole, Matilei kiy kamang’unet: amu kibendote magutikyok, ak koyai chi tugul eng’ achek ko u uuindab muguleldanyi ne ya.

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 2:25

Amat kobetyi kweiyot keldang’ung’, anan koam melelda moktang’ung’: ago kiimwa ile, Matilei kiy kamang’unet: achicha; amu kiacham toek, ak asubi ichek.

JEREMIA 22:21

Kiang’alalun eng’ betusiekab boroteng’ung’; ago kiimwa ile, Magase. Kigoek biteeng’ung’ nito koboch ming’inateng’ung’, ile, megase it kutinnyu.

JEREMIA 31:21

Lumjige kaborunoik che bo oret, yachige ketik che iboru oret: tokyi muguleldang’ung’ oret ne o, noto oret ne kiibune: weege kogeny, ee bergeiyatab Israel, weekyige nganasochuguk.

JEREMIA 42:3

si kobiit koboruech Jehovah Kamuktaindeng’ung’ oret ne kanyol kebendate, ak kit ne kanyol keyai.

JEREMIA 44:16

Magigasun ng’olyondonoto kemwawech eng’ kainetab Jehovah.

JEREMIA 50:5

Teeboti agobo ole teptoi Sion kotokyigei oloto, kolen, Obwa, ak onamge ak Jehovah eng’ kayomiset ne bo koigeny ne magiutie.

JEREMIA 7:23

Ago kiang’at ichek agobo ng’olyondoni, alenji, Ogas kutinnyu, si aek Kamuktaindeng’wong’, ak oegu bikyuk: ak obendate oret tugul ne ang’atok, si kobiit komieit eng’ okwek.

JEREMIA 7:24

Ago ma kas, ama eb it, ago kibendate kiruogutikwak ak uuindab mugulelwekwak che yaachen, ak kituitui koba let, ma ba tai.

JEREMIA 7:3

Mwaei Jehovah ne bo lugosiek, Kamuktaindetab Israel, ko u ni kole, Olitit ortinwekwok ak boisionikwok, si agonok omeny yuto.

MALAKI 4:4

Obwat Ng’atutietab Musa otwogindennyu, ne kiang’at inendet eng’ Horeb agobo Israel tugul, noto ko ng’atutik ak kiruogutik.

LUKA 16:29

Ak kilenji Abraham, Tinyei ichek Musa ak maotik; ingogas ichek.

JOHANA 12:35

Kolenji Jesu anyun, Ta komi lapkeiyet eng’ kwenung’wong’ eng’ betusiek che matia. Obendoti ye ta otinye lapkeiyet, si ma namak mesundeito: ak inendet ne wendoti eng’ mesundeito ko manaei ole wendi.

JOHANA 13:17

Ngonai tuguchu, ko oboiboi ngoyai.

JOHANA 5:39

Cham osiachi eng’ sirutik, amu olen otinye sobondab koigeny eng’ choto; ago choto che baorianjina;

POISYONIGAP CHE KIYOKTOI 17:11

Ak ki miachen bichu kosiir choto bo Tesalonike, amu kitaach ng’olyot ak kocham mising’, kosiachi sirutik betut age tugul, si kobiit konai ngo iman tuguchu.

ROMANIK 4:12

ak koek kwandab che imuratanotin eng’ ichek che ma bo kamuratanet kityo, ago che bendi agichek eng’ tiegutikab kayanonoto bo kwandanyo Abraham ne kitinyei ye kitom kimuratan.

NG'ATUTIK 32:7

Ibwat betusiek che bo keny, Ibwat kenyisiekab ibinwek che chang’: Teebe kwandang’ung’, si koborun; Teebe boisieguk, si komwaun.

KOLOSAIK 2:6

Ko u ye kiotaach anyun Kristo Jesu Kiptaiyat, obendate eng’ inendet,

HEBRANIK 11:2

Amu kigibaorianjine noto boisiek.

HEBRANIK 6:12

si mouuegitu, ago oyaniege ichek che nyoru arorutik eng’ kayanet ak muitaet.

KIRUOGIK 2:17

Ago ma kas it kiruogikwak kora, amu kiisubot kanamonik koibotgei, ak kong’urukyi: kimasta kochakta kobagakta oret ne kibunei kwanisiekwak, kogas it ng’atutikab Jehovah; ago ma yai icheget ko u noto.