JEREMIA 6:10 - BUKUIT NE TILIL

¹⁰ Ang’alaljini ng’o, ak abaorianji, si kobiit kogas? Ogeero, ma kimuratan itikwak, amaimuchi koeb it: ogeero, kaek ng’olyotab Jehovah tewernatet eng’ ichek; maboiboitune.

Bukuit Ne Tilil

¹⁰ Ang'alaaljini ng'oo, ak abaoryanji, si kobiit kogasa? Ma kimuratan itiikwak, ara amaimuuchi koep iit. Kaek ng'olyootap Kamuktaindet ne Toroor teweernateet eng' icheek, ak ma poiboitune.

BUKUIT NE TILIIL Sireet ne Dutero Kanon

¹⁰ Ang'alaaljini ng'oo, ak abaoryanji, si kobiit kogasa? Ma kimuratan itiikwak, ara amaimuuchi koep iit. Kaek ng'olyootap Kamuktaindet ne Toroor teweernateet eng' icheek, ak ma poiboitune.

JEREMIA 6:10 ပူးပေါင်းရင်းမြစ်များ

TIENWOGIKAL 1:2

Ago baibaitune ng’atutietab Jehovah; Ak kobwatoti ng’atutiennyi bet ak kemoi.

TIENWOGIKAL 119:16

Abaibaitu eng’ ng’atutiguk; Mautie ng’olyondeng’ung’.

TIENWOGIKAL 119:174

Kigoama emosto agobo yetuneng’ung’, ee Jehovah; Ak boiboindanyu ng’atutieng’ung’.

TIENWOGIKAL 119:24

Boiboiyennyu baornatosieguk Ak che ing’omita.

TIENWOGIKAL 119:35

Kona abun oretab ng’atutiguk; Amu abaibaitune choto.

TIENWOGIKAL 119:70

Katimogis mugulelwekwak eng’ akwaindo; Ago abaibaitune ng’atutieng’ung’,

TIENWOGIKAL 119:77

Ingobwanja rirenosieguk che bo chamnyet, si asob: Amu boiboiyennyu ng’atutieng’ung’.

TIENWOGIKAL 40:8

Abaibai ayai mageng’ung’, ee Kamuktaindennyu; Ee, mitei ng’atutieng’ung’ muguleldanyu.

KOMONG'U 6:12

Ak king’alal Musa eng’ taitab Jehovah, kole, Ma kasa lagokab Israel; ko tos imuchi kogasta ano Parao, ak ane atinyei kutit ne tomo kitiach?

ISAIAH 42:20

Igeere tuguk che chang’, ago meguitosi; yatotin itikyik, ago magasei.

ISAIAH 53:1

Ng’o ne kiiyan ng’alekyok? Ak kiging’ang’ji ng’o eutab Jehovah?

JEREMIA 35:13

Mwaei Jehovah ne bo lugosiek, Kamuktaindetab Israel, ko u ni kole: Ui ak imwachi bikab Juda ak bik che menyei Jerusalem, ilenji, Tos mochame otaach konetisiet oepchi it ng’alekyuk? Mwaei Jehovah.

JEREMIA 4:4

Omuratange obunji Jehovah, oiste irirenikab mugulelwekwok, okwek bikab Juda ak che omenye Jerusalem: si mamong’ neregekyuk che koromen ko u mat, ak kolalyo kot ko maimuchi chi komis, amu yaitietab boisionikwok.

JEREMIA 5:21

Ogas ni anyun, ee okwek bik che berber, che motinye kaguiyet; che otinye konyek, amogeertoe; che otinye itik, amogastoe:

JEREMIA 7:13

Ara anyun, amu kioyai boisionichuto tugul, mwaei Jehovah, ak kiang’alalwok, ang’eete karon mising’ ak ang’alali, ago ma ogas; ak kiaguurok, ago ma owolu:

JEREMIA 7:26

ago ma kasa, ama eb it, ago kiiuuiit kaatinywa: kiyai ne ya kosiir kwanisiekwak.

JEREMIA 9:26

Misri, Juda, Edom, ak lagokab Amon, koboto Moab, ak tugul che biori metowekwak, che menyei ong’atet: amu ma imuratanotin bororiosiek tugul, ama imuratanotin mugulelwekab got tugul ne bo Israel.

EZEKIEL 3:7

Ago magasin gotab Israel; amu mamachei ichek kogasa: amu uuen togochikab got komugul ne bo Israel, ak ko uuen mugulelwekwak.

EZEKIEL 33:3

ak ngo keer inendet rotwetab chok konyonjin emonoto, koguut iriaget ak koteechi bik;

EZEKIEL 33:9

Ago, ngot iteechi kiptengekyot agobo orennyi, si koweek kometo oranato, ama meto orennyi, komeei inendet amu tengektanyi, ago kaisoru sobondang’ung’.

AMOS 7:10

Kiiyokto anyun tisiindet Amasia ne bo Bet-el keguur Jeroboam laitoriatab Israel, kelenji, Kogochaamin Amos eng’ kwenutab gotab Israel: maimuchi emet komuita eng’ ng’alekyik tugul.

MATAYO 3:7

Ago ye kingogeer kobwanji kabatisanennyi che chang’ che bo Parisaik ak Sadukaik, kolenji, Okwek lagokab erenok che ng’wonen, ng’o ne kiiteeywok omwee nereknatet ne nyonei?

LUKA 11:45

Ak kiwolji ng’omotiot age ne bo ng’atutik, kolenji, Konetindoni, ngot imwa ko u noto ko ketewerech agachek.

LUKA 20:19

Ak kicheng’ sirik ak tisiik che eechen konam inendet eng’ sainato; ak kiiywei ichek bik: amu kinai kole mwaei kalewenoni agobo ichek.

JOHANA 7:7

Maimuchi ng’ony kowechok; ago wecha ane, amu abaoriani agobo ng’ony, ale, yaach boisionikyik.

JOHANA 9:40

Kigas tuguchuto alak che bo Parisaik che kimi koboto inendet, ak kolenji, Ki koriotin agachek?

POISYONIGAP CHE KIYOKTOI 7:51

Okwek che uui kaat che ma kimuratan mugulelwek ak itik, ogirindoi Tamirmiriet ne Tilil kotugul: ko u ye kiyaei kwanisiekwok, oyae ak okwek ko u noto.

POISYONIGAP CHE KIYOKTOI 7:60

Ak kigutuny, ak komwa eng’ kutit ne o, kole, Kiptaiyat, ameiityi ichek tengegi. Ak kingo kagomwa nito, konuuch.

ROMANIK 7:22

Amu abaibai eng’ Ng’atutietab Jehovah eng’ chito ne bo orit:

NG'ATUTIK 29:4

ago kitom kogonok Jehovah muguleldo ne oguiye, anan konyek che ogeere, anan itik che ogase, agoi rani.

KOLOSAIK 1:28

inendet ne kimwaitoi, ak kiteechini chi age tugul ak kineti chi age tugul eng’ ng’omnatet tugul, si kobiit kimut chi age tugul kogesunotgei eng’ Kristo;

2 TIMOTEO 4:3

Amu nyonei betut ne ma tun epchin it agot kitigin konetisiet ne bo imanit; ago, tinyei itik che iututos, iyumjingei konetik che isubi magutikwak;

HEBRANIK 11:7

Kiyai Noa melit eng’ kayanet, kot kosor gonnyi, ye kingo kagiteechi agobo tuguk che kitomo kegeer, amu kiiywei Jehovah; kiiruokyine anyun ng’ony noto, ak kiek ne kinam imanda ne biitu eng’ kayanet.