JEREMIA 52:8 - BUKUIT NE TILIL

⁸ Ago kion lugetab Kaldeik laitoriat, ak kinam Sedekia eng’ warengosiekab Jeriko; ak kiyesta lugennyi tugul kometo inendet.

Bukuit Ne Tilil

⁸ Ago ki oon lugeetap Kaldeik laitoryat, ak ki nam Zedekiah eng' warengosyegap Jeriko; ak kiyesta lugeennyi tugul kometo ineendet.

BUKUIT NE TILIIL Sireet ne Dutero Kanon

⁸ Ago ki oon lugeetap Kaldeik laitoryat, ak ki nam Zedekiah eng' warengosyegap Jeriko; ak kiyesta lugeennyi tugul kometo ineendet.

JEREMIA 52:8 ပူးပေါင်းရင်းမြစ်များ

JEREMIA 21:7

Ak ye ibata, mwaei Jehovah, asoru Sedekia laitoriatab Juda, ak otwogikyik, ak bik, bik che ng’etu eng’ nganasanito, asoru eng’ koroito, ak eng’ rotwetab chok, ak eng’ rubet, agoite koba eutab Nebukadresar laitoriatab Babulon, ak koba eunekab bunikwak, ak eunekab icheget che cheng’ei sobonwekwak: ak kobar ichek eng’ rotwetab chok; mabagaktoi, ama rire, ama riregei.

JEREMIA 32:4

ama chilili Sedekia laitoriatab Juda eng’ eutab Kaldeik, ago kindoi iman eutab laitoriatab Babulon, ak kong’alal tuwai kimni, ak kogeergei togoch;

JEREMIA 34:21

Ak agoitoi Sedekia laitoriatab Juda ak bounikyik koba eutab bunikwak, ak koba eutab ichek che cheng’ei sobonwekwak, ak eutab lugetab laitoriatab Babulon, che kiba eng’ oli omi.

JEREMIA 37:17

koyokto anyun Sedekia laitoriat kimut inendet konyo: ak kiteepse laitoriat inendet eng’ ung’ot eng’ gonnyi, kolenji, Tos mi ng’olyot age tugul ne bunu Jehovah? Ak kile Jeremia, Mitei. Kimwa kogeny kole, Kindein eutab laitoriatab Babulon.

JEREMIA 37:18

Kimwachi kogeny Jeremia laitoriat Sedekia kolenji, Kiayaun tengek nee, anan otwogiguk, anan bichu, kot otoorja korgoret?

JEREMIA 38:23

Ak komut osotiguk tugul komong’ ak lagoguk komutyi Kaldeik: amechilile eunekwak, ago namin laitoriatab Babulon: ak igoite nganasani kebeel.

JEREMIA 39:5

Ago kiisub ichek lugetab Kaldeik, ak kinamji Sedekia warengetab Jeriko: ak kingo kagonam inendet, komutyi Nebukadresar laitoriatab Babulon ne kimi Ribla eng’ emetab Hamat, ak kiiruokyi inendet.