JEREMIA 52:24 - BUKUIT NE TILIL

²⁴ Ak kiimut kiptaiyatab ribik Seraia tisiindet ne o, ak Sepania tisiindet ne bo aeng’, ak ribik somok che kiribei kurget:

Bukuit Ne Tilil

²⁴ Ak ki imut kiptaiyatap riibiik Seraiah tisiindet ne oo, ak Zephaniah tisiindet ne po aeng', ak riibiik somok che ki riibei kurgeet:

BUKUIT NE TILIIL Sireet ne Dutero Kanon

²⁴ Ak ki imut kiptaiyatap riibiik Seraiah tisiindet ne oo, ak Zephaniah tisiindet ne po aeng', ak riibiik somok che ki riibei kurgeet:

JEREMIA 52:24 ပူးပေါင်းရင်းမြစ်များ

2 LAITORINIK 23:4

Ak king’at laitoriat Hilkia tisiindet ne o, ak tisiik che rubei ne bo tai, ak ribikab kurget, koib komong’ eng’ hekalutab Jehovah terenik tugul che kigiyachin Baal, ak che bo Asera, ak che bo tuguk tugul che bo kipsengwet: ak kibeel eng’ Jerusalem sang’ eng’ mbaretab Kidron, ak koib orek koba Bet-el.

2 LAITORINIK 25:18

Ak kiimut kiptaiyatab ribik Seraia tisiindet ne o ak Sepania tisiindet ne bo aeng’ ak ribik somok che kiribei kurget:

1 ATEPTAP PEETUUSYEK 6:14

ak kisich Asaria Seraia, ak kisich Seraia Jeosadak;

EZRAH 7:1

Ak kingobata tuguchu, eng’ laitornatetab Artaserses laitoriatab Persia, kotogosta Esra weritab Seraia, weritab Asaria, weritab Hilkia,

TIENWOGIKAL 84:10

Mie betut agenge ne atebe seremusieguk kosiir elfut. Achame arib kurgetab gotab Kamuktaindennyu, Kosiir ameny emaisiekab kiptengeginik.

JEREMIA 20:4

Amu mwaei Jehovah ko u ni kole, Keero, ayain iegu kamuiset ne imuege, ak ne imue choronoguk tugul: ak kobar ichek bunikwak eng’ rotwetab chok, ak igeer noto: ak agoite Juda tugul koba eutab laitoriatab Babulon, ak koluul ichek koba Babulon, ak kobare rotwetab chok.

JEREMIA 21:1

Kinyonji Jeremia ng’olyot ne kibunu Jehovah, ye kiiyoktoi inendet laitoriat Sedekia kwo oldab Pasur weritab Malkija, ak Sepania weritab Maaseia tisiindet, kolenji,

JEREMIA 29:25

Mwaei Jehovah ne bo lugosiek, Kamuktaindetab Israel, ko u ni kole, Amu kiiyokyi bik tugul che mi Jerusalem baronok eng’ kaineng’ung’, ak iyokyi Sepania weritab Maaseia tisiindet, ak tisiik tugul, ilenji,

JEREMIA 29:29

Ak kisomanji Sepania tisiindet baruani, kogasei Jeremia maotiot.

JEREMIA 34:21

Ak agoitoi Sedekia laitoriatab Juda ak bounikyik koba eutab bunikwak, ak koba eutab ichek che cheng’ei sobonwekwak, ak eutab lugetab laitoriatab Babulon, che kiba eng’ oli omi.

JEREMIA 35:4

kiamutu kobwa gotab Jehovah, agoi got ne bo orit ne bo werikab Hanan weritab Igdalia, chitab Kamuktaindet, ne ki negite got ne bo orit ne bo bounik, ne kimi baragutab got ne bo orit ne bo Maaseia weritab Salum, ribindetab kurget.

JEREMIA 37:3

Ak kiiyokto Sedekia laitoriat Jeukal weritab Selemia, ak Sepania weritab Maaseia tisiindet, koba oldab maotiot Jeremia, kolenji, Saiywech anyun Jehovah Kamuktaindennyo.

JEREMIA 52:12

Ak eng’ arawetab mut, eng’ betutab taman ne bo arawanato, ne ki kenyitab taman ak sogol ne bo laitoriat Nebukadresar laitoriatab Babulon, konyo Nebusaradan, kiptaiyatab ribik, ne kitononi eng’ taitab laitoriatab Babulon, agoi Jerusalem:

JEREMIA 52:15

Yeityo komut koluul Nebusaradan kiptaiyatab ribik bik che kibananok mising’, ak bik che kiga ng’et eng’ nganaset, ak che kiga chililso, che kiigochigei laitoriatab Babulon, ak bikab tuiyet che kigong’et.

RIREKAB JEREMIA 4:16

Kigopchei ichek neregekab Jehovah; ma koiiti Jehovah ichek kogeny: Ma tiytii ichek tisiik, ma tiytii boisiek.

EZEKIEL 11:7

Mwaei anyun Kiptaiyat Jehovah ko u ni kole: Banyek bikwok che kigebar che kionde kwenutab nganaset, ak nganasani ko teret: ago kimutwok omong’une kwenunnyi.

EZEKIEL 24:5

Kwei kechirek che miach eng’ akwet, ak irurukyi ma kowek: ingowasgei mising’; ee, iyoe teronoto kowechoto.

EZEKIEL 34:10

Mwaei Kiptaiyat Jehovah ko u ni kole: Ogeero, aborie mestowek; ak amage eunekwak kechirekyuk, ak aete ichek kobai kechirek; ama kobaegei mestowek amitwogik kogeny; ak asoru kechirekyuk eng’ kutuswekwak, si maek amitwogikwak.