JEREMIA 51:57 - BUKUIT NE TILIL

⁵⁷ Ak agochini kobogityo bounikyik ak murenikyik che ng’omen, koboto kiruogikyik ak kiptainikyik, ak murenikyik che nyigonen; ak koruiyo ruondo ne bo agoi, ama kogosu, mwaei Laitoriat, ne kainennyi ko Jehovah ne bo lugosiek.

Bukuit Ne Tilil

⁵⁷ Ak agoochini kobogityo pounikyik ak murenikyik che ng'oomen, kobooto kirwoogikyik ak kiptainikyik, ak murenikyik che nyigoonen; ak koruiyo rwondo ne po agoi, ama kogosu, mwaei Laitoryat ne kainennyi ko Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

⁵⁷ Ak agoochini kobogityo pounikyik ak murenikyik che ng'oomen, kobooto kirwoogikyik ak kiptainikyik, ak murenikyik che nyigoonen; ak koruiyo rwondo ne po agoi, ama kogosu, mwaei Laitoryat ne kainennyi ko Kamuktaindet ne Toroor ne po lugoosyek.

JEREMIA 51:57 ပူးပေါင်းရင်းမြစ်များ

ISAIAH 37:36

Ak kimanda malaikaiyatab Jehovah, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

ISAIAH 6:5

Kiale anyun, Bwa ane! Amu kaabet; amu a chi ne tinyei kutit ne ng’wan, ak kimeng’isiei ak bik che ng’wonen kutuswek: amu kaageer Laitoriat, Jehovah ne bo lugosiek.

JEREMIA 13:13

Ilenji anyun ichek, Mwaei Jehovah ko u ni kole, Ogeero, anyiiti bogitet bik tugul che menyei emoni, laitorinik che tebe ng’echeretab laitornatet ne bo Daudi, ak tisiik, ak maotik, ak bik tugul che menyei Jerusalem.

JEREMIA 25:27

Ak ilenji ichek, Kamwa Jehovah ne bo lugosiek, Kamuktaindetab Israel, ko u ni kole: Oee ak obogitye, ak ong’ung’u, ak obutye, ama ong’eetosi kogeny, amu rotwetab chok ne ayogu konyo kwenung’wong’.

JEREMIA 46:18

Mwaei Laitoriat ne kainennyi ko Jehovah ne bo lugosiek, kole, Ko u ye asobe, nyonei iman inendet ko u Tabor eng’ tulonok, ak ko u Karmel eng’ ole negite nyanjet.

JEREMIA 48:15

Kigong’emak Moab, kigotogosta ichek nganasokyik, kigoba barisiet murenikyik che kigilewen, mwaei Laitoriat, ne kainennyi ko Jehovah ne bo lugosiek.

JEREMIA 50:30

Ibutos anyun nerenikyik eng’ ortinwekyik, ak kigochin kosisyo murenikyik tugul che bo luget eng’ betunoto, mwaei Jehovah.

JEREMIA 51:39

Ye tinyei tawirenet ichek, ayachini igortanywa, ak agochi ichek kobogityo, si koboiboitu, ak koruiyo ruondo ne bo agoi, ama kosu, mwaei Jehovah.

EZEKIEL 20:33

Mwaei Kiptaiyat Jehovah kole, Iman, ko u ye asobe, aegu laitoriat aboiywok eng’ eut ne kim, ak eng’ eut ne chuulat, ak eng’ neregek che ng’wonen che rong’ugei.

NAHUM 1:10

Nganda u ichek katok che king’walgei, ak ko u che bogitos eng’ eeisenywa, kibeelei kogesgei ko u mobek che yaamnyotin.

NAHUM 3:18

Inuuktos mestoweguk, ee laitoriatab Asuria: imuunyi biguk che bo teegisto: kiyestochi biguk tulonok, ama mi chi ne iyumi.

MALAKI 1:14

Ago chubot kaberberindet, ne tinyei mengit eng’ akwennyi, ak koarorto, yeityo koeng’ji Kiptaiyat kit ne tinyei berutiet: amu a laitoriat ne o, mwaei Jehovah ne bo lugosiek, ak kiywei kainennyu eng’ Bororiosiek.

NG'ANG'UTYET 18:9

Ak rirtos ak koteeitos agobo inendet laitorinikab ng’ony, che kisokso ak kotebyei koboto inendet eng’ kaseretab tuguk, ye keer iyetab lalennyi,