JEREMIA 51:5 - BUKUIT NE TILIL

⁵ Amu magimetoi Israel, anan Juda, mametoi ichek Kamuktaindenywa, Jehovah ne bo lugosiek; nganda nyiitat emenywa ng’ogisto ne kiyachi Inendet ne Tilil ne bo Israel.

Bukuit Ne Tilil

⁵ Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

BUKUIT NE TILIIL Sireet ne Dutero Kanon

⁵ Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

JEREMIA 51:5 ပူးပေါင်းရင်းမြစ်များ

1 LAITORINIK 6:13

Ak amenye kwenutab lagokab Israel, ak mametoi bikyuk Israel.

2 LAITORINIK 21:16

Ak kitumda kogeny Manase korotik che chang’ kot, che matinyei tengek, kot konyiit Jerusalem kong’eete komosta age agoi komosta age; koboto tengektanyi ne kiibeete Juda si koyai tengekto, eng’ yaitiet ne kiyai eng’ taitab Jehovah.

EZRAH 9:9

Amu ki otwogik; ago ma bagakyech Kamuktaindennyo ratisiennyo, ago kiityech rirenet eng’ taitab laitorinikab Persia, si kogonech kasoobet, si kelumda gotab Kamuktaindennyo, ak keteech ole kigong’emak eng’ goyoto, ak kegonech irimet eng’ Juda ak Jerusalem.

TIENWOGIKAL 94:14

Amu matoortoi Jehovah bikyik, Ama metoi borotennyi.

ISAIAH 44:21

Ibwat tuguchuto, ee Jakobo, ak Israel; amu i otwogindennyu: kiayain; i otwogindennyu: ee Israel, mautienen.

ISAIAH 51:15

Amu a Jehovah Kamuktaindeng’ung’, ne awase nyanjet, si komoror mildaetab ge ne bo beek: kainennyi ko Jehovah ne bo lugosiek.

ISAIAH 62:12

Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

JEREMIA 14:19

Tos kiiesie Juda iman? Tos kigowech sobondang’ung’ Sion? Amu nee si ibirech, ama mi kasoobet eng’ achek? Kigigen kalyet, ago ma nyo kiy ne mie; kigigen betutab kasoobet, ak keero, kibiit arogenet!

JEREMIA 14:9

Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

JEREMIA 16:18

Ak ayaaktochini korok yaitienywa ak tengektanywa konyil aeng’; amu kigong’wanit ichek emennyu eng’ muswekab tugukwak che samis, ak kigonyiit borotennyu tugukwak che kiwechei.

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 23:15

Mwaei anyun Jehovah ne bo lugosiek agobo maotik ko u ni kole: Ogeero, abae ichek ng’wonet, ak agochi beek koee: amu kigoyom emet tugul muruonindab maotikab Jerusalem.

JEREMIA 31:37

Mwaei Jehovah ko u ni kole, Nda kimuchi kikwa kipsengwet, ak kisiach lumeiywekab ng’ony orit, aiste anyun agine iyotet tugul ne bo Israel amu tuguk tugul che kigoyai, mwaei Jehovah.

JEREMIA 46:28

Ameiywei, ee Jakobo otwogindennyu, mwaei Jehovah; amu ami koboten: amu agesu bororiosiek tugul che kigaonjin, ago magesun; ago atigonin eng’ kiruoget, amabagaktoin ama kibirin.

JEREMIA 50:20

Kicheng’ei tengektab Israel eng’ betusiechoto ak eng’ kenyisiechoto, mwaei Jehovah, ama kinyoru; ak kicheng’ei tengekwogikab Juda, ama kinyoru: amu anyochini kaat ichek che abagaktoi kong’et.

JEREMIA 51:19

Ma u chuto kebebertab Jakobo; amu bo tai inendet eng’ tuguk tugul; ak Israel ko bororietab borotennyi: kainennyi ko Jehovah ne bo lugosiek.

EZEKIEL 8:17

Yeityo kolenja, Kaigeer nito-o, weritab chi? Tos kiy ne ming’in eng’ gotab Juda ngo yai ichek eng’ olito tuguk che kiwechei? Amu kigonyiit emet koromnatet, ak kigowelelgei kogeny kotacha: ak keero, indoi temetab ketit serunekwak.

EZEKIEL 9:9

Kolenja anyun, O kot tengektab gotab Israel ak ne bo Juda, kanyi emoni korotik, ak kanyi nganasani kamaaset ne bo kiruogutik: amu mwaei kole, Kigometo Jehovah emoni, ama keerei Jehovah.

HOSEA 1:10

Ago tenitu lagokab Israel ng’aniek che bo nyanjet, che magimuchi kirogendoe kiy anan kiit; ak eng’ ole kigimwachine icheget kele, Ma o bikyuk, ko tun kilenjin, O werikab Kamuktaindet ne sobei.

HOSEA 2:1

Omwachi ng’etab kametwagikwok olenji, Ami; ak omwachi chepkametwagikwok olenji, Ruhama.

HOSEA 2:3

si mareegune ngoroikyik, ak achuunde kotebi ach ngor, ko u betut ne kigisichei, ak ayai inendet koek ong’atet, ak agochi inendet koigei emet ne yaamat, ak abare melelda:

HOSEA 4:1

Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

HOSEA 4:2

Mami kit age kobate chubisiet ak lembechek, ak rumisiet, ak chorset, ak ibetab ge; tesoksei, ak isubegei rumisiet.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

MIKAH 7:20

Iyachini Jakobo imanit, ak iyachi Abraham rirenet, che kigeyosiechi kwanisiekyok eng’ betusiek che bo keny.

SEKARIA 12:6

Ayae eng’ betunoto bounikab Juda koigei rokyietab mat ne mi kwenik, ak koigei kegenget ne mi kwenutab ratutikab bek; ak koges bik tugul che mi komoswek tugul che mi eutab tai ak che mi eutab katam: ak komeny Jerusalem kogeny komostanyi, noto ko Jerusalem.

SEKARIA 12:8

Ribei Jehovah eng’ betunoto bik che menyei Jerusalem; ak koigei ne nyalulat eng’ ichek Daudi eng’ betunoto; ak koigei gotab Daudi Kamuktaindet, ko u malaikaiyatab Jehovah ne mi tainywa.

SEKARIA 2:12

Ak konam Jehovah Juda koek kebebertanyi eng’ emet ne tilil, ak kolewen kogeny Jerusalem.

1 SAMUEL 12:22

Amu mabagaktoi Jehovah bikyik amu kainennyi ne o: amu kicham Jehovah koyaak oegu bikyik.