JEREMIA 51:20 - BUKUIT NE TILIL

²⁰ Inye ko i aiywennyu ne bo boriet, ak karikab luget: ak atonatoni bororiosiek eng’ inye; ak abar bounatosiek eng’ inye;

Bukuit Ne Tilil

²⁰ Inyee ko ii aiywennyu ne po pooryeet, ak kariigap lugeet: ak atonatoni pororyosyek eng' inyee; ak abar pounatosyek eng' inyee;

BUKUIT NE TILIIL Sireet ne Dutero Kanon

²⁰ Inyee ko ii aiywennyu ne po pooryeet, ak kariigap lugeet: ak atonatoni pororyosyek eng' inyee; ak abar pounatosyek eng' inyee;

JEREMIA 51:20 ပူးပေါင်းရင်းမြစ်များ

ISAIAH 10:15

Tos ichaugei aiywet eng’ inendet ne ebisie? Tos ieetegei musumenet eng’ inendet ne tilisie? Ko u nda itumdumi kirokto ne namei, anan nda namjin barak siarit inendet ne ma ketit.

ISAIAH 10:5

Bwa Asuriaindet, kiroktab neregekyuk, siaritab inendet ne mi neregekyuk eunnyi!

ISAIAH 13:5

Bunu ichek emet ne loo, ole boch tabandab kipsengwet, inendet Jehovah koboto karikab neregekyik, si kobiit kong’em emet komugul.

ISAIAH 37:26

Tom igas ole kiayaite ko u noto keny, ak ayai eng’ betusiek che bo keny? Ara kaasulde nguno, si kobiit ibut nganasok che ng’ototin koek karurugutik che kiging’em.

ISAIAH 45:1

Mwachin Jehovah Kirus, nenyi ne iilat, ne aname eunnyi ne bo tai, koterter bororiosiek eng’ tainnyi, ak atiach suenutikab laitorinik; si ayat kurgotik eng’ tainnyi, ama kigerei ormarichok, komwaei ko u ni kole;

ISAIAH 8:9

Owaach, ee bororiosiechu, si kobiit ketonatonak; ak oeb it, ee okwek tugul che o bo emotinwek che looen: ogermenge, si ketonatonak; ogermenge anyun, si ketonatonak.

JEREMIA 25:11

Ak koek karatia emoni komugul, ak kwong’et; ak koot bororiosiechu latioriatab Babulon kenyisiek tamanwogik tisab.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 50:23

Kibetita ano ak koildo ano kiriswetab ng’ony komugul! Kiegundo ano Babulon karatia eng’ bororiosiek!

EZEKIEL 21:11

Ak kigigon si kobiit kesit, si kimuch kenam: kilitei rotwetab chok, ee, kisitei, si kobiit kinde eutab barindet.

EZEKIEL 21:31

Ak arong’jin neregekyuk; aguutyinin matab neregekyuk: ak andein eunekab bik che u tiong’ik, che ng’omen eng’ ng’emisiet.

MIKAH 4:12

Ago manaei kabwatutikab Jehovah, ama iguitos kiruogennyi: amu kigoyum ichek ko u ye kiyumjin ratutikab bek ruanyut ne kiborse.

MIKAH 4:13

Ng’eet ak ibor, ee cheptab Sion: amu ayae kuineng’ung’ koek karnet, ak ayae sioguk koek sugunwet: ak itonaton bororiosiek che chang’: ak itabanji Jehovah kelunoikwak, ak itabanji tugukwak Kiptaiyat ne bo ng’ony komugul.

NAHUM 2:1

Kagonyo taing’ung’ inendet ne tuisiei: rib irimet, rib oret, kermenege kimnatet, tes kimnateng’ung’ koeet mising’.

SEKARIA 10:4

Mong’une inendet koita ne bo luita, mong’une inendet kipchumariat, mong’une inendet kwangetab boriet, mong’une inendet age tugul ne usisiei kibagenge.

MATAYO 22:7

Ago kinerech laitoriat; ak kiiyokto lugosiekyik, kobar rumichoto, ak kobeel nganasenywa.