JEREMIA 51:18 - BUKUIT NE TILIL

¹⁸ Buch choto, boisietab ng’alset: betos eng’ betut ne ityin birenywa.

Bukuit Ne Tilil

¹⁸ Puch chooto, poisyetap ng'aalseet: petos eng' peetuut ne ityin pirennywa.

BUKUIT NE TILIIL Sireet ne Dutero Kanon

¹⁸ Puch chooto, poisyetap ng'aalseet: petos eng' peetuut ne ityin pirennywa.

JEREMIA 51:18 ပူးပေါင်းရင်းမြစ်များ

KOMONG'U 12:12

Amu abunoti kwenutab emetab Misri eng’ kemounoto, ak abar taiywek tugul eng’ emetab Misri, che bo bik ak che twatei tiong’ik; ak aruokyi cheptalelisiek tugul che bo Misri: a Jehovah.

ISAIAH 19:1

Lautietab Misri. Ogeero, lanyei Jehovah boldet ne chepcheb, ak nyonei agoi Misri: ak kiistoi kanamonikab Misri eng’ tainnyi, ak kochoot muguleldab Misri eng’ kwenunnyi.

ISAIAH 2:18

Ak igesugei kanamonik.

ISAIAH 46:1

Abuksei Bel, ing’uruksei Nebo; laei tiong’ik ak tuga kanamonikwak: kagiyai koek milet tuguk che kioiboti, lautiet eng’ che ng’etyotin.

ISAIAH 57:12

Abortoi imandang’ung’; ama kelun kiy eng’ boisioniguk.

JEREMIA 10:11

Mwachi anyun ichek ko u ni ilenji, Betos eng’ ng’ony ak eng’ kureretab kipsengwetisiek cheptalelisiek che kima koyaei kipsengwetisiek ak ng’ony.

JEREMIA 10:14

Kergeitu chito age tugul ak tiondo ama tinyei naet; ililani kitang’indet age tugul ne bo tahabu eng’ kanamwennyi ne kigiwai: amu lembeita kanamwennyi ne kigitany, ama tinyei kabuset.

JEREMIA 10:15

Buch choto, boisietab ng’alset: betos eng’ betut ne ityin birenywa.

JEREMIA 10:8

Ago u ichek tugul tiong’ik, ak ko abusotin: konetisiet ne kineti kanamonik ko u ye kineti ketik kityo.

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 46:25

Mwaei Jehovah ne bo lugosiek, Kamuktaindetab Israel, kole: Ogeero, abire Amon ne bo No, ak Parao, ak Misri, koboto cheptalelisiekyik, ak laitorinikyik; choto ko Parao ak icheget che imang’u inendet:

JEREMIA 48:7

Amu-i, kiluulin aginye, amu kaimang’u boisioniguk ak konoraiguk: ak keluul Kemos, koboto tisiikyik ak bounikyik.

JEREMIA 50:2

Omwaite eng’ bororiosiek ak obarte, ak onamji barak songoliet; obarte, amouny: ole, Kageluul Babulon, kagigochi Bel kolilan, kagoarogen Merodak; kagigochi kanamonikyik kolilanso, kagoarogenso kanamonikyik.

EZEKIEL 6:6

King’emei nganasok eng’ meng’otosiekwok tugul, ak koek karatwek komoswek che tororen; si kobiit keng’em kapkorosusiekwok ak keyai koek karatwek, ak ketui kanamonikwok kobetyo, ak keeb kanamonikwok che bo asista, ak kiges boisionikwok.

JONAH 2:8

Istoegei rirenenywa bo ge Ichek che isubi atebosiek che ma nyolu che bo lembech.

SEPANIA 2:11

Egu Jehovah kamuiset eng’ ichek: amu itenyi cheptalelisiek tugul che bo ng’ony; ak kolos bik tugul inendet, ilosu chi age tugul eng’ oldanyi, koboto ngegusiek tugul che bo bororiosiek.

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto: